Nara Ramamurthy Naidu : చంద్ర‌బాబు నాయుడు సోద‌రుడు రామ్మూర్తి నాయుడు క‌న్నుమూత

Nara Ramamurthy Naidu : ఆంధ్రప్రదేశ్ ముఖ్యమంత్రి నారా చంద్రబాబు నాయుడు సోదరుడు రామ్మూర్తి నాయుడు అనారోగ్యంతో క‌న్నుమూశారు. గత కొన్ని రోజులుగా ఆయన ఆరోగ్యం విషమించడంతో హైదరాబాద్‌లోని ఎఐజి ఆసుపత్రిలో అనారోగ్యంతో చికిత్స పొందుతున్నారు. పరిస్థితి విషమించ‌డంతో శ‌నివారం మృతిచెందారు.

రామ్మూర్తి నాయుడు 1994 నుండి 1999 వరకు తెలుగుదేశం పార్టీ తరపున చంద్రగిరి నియోజకవర్గానికి శాసనసభ సభ్యునిగా (MLA) పనిచేశారు. అనేక విజయవంతమైన చిత్రాలలో తన పాత్రలకు గుర్తింపు పొందిన సుప్రసిద్ధ తెలుగు చలనచిత్ర నటుడు నారా రోహిత్ రామ్మూర్తి నాయుడి కుమారుడే. వచ్చే నెలలో నారా రోహిత్ పెళ్లి జరగాల్సి ఉండగా ఈ దుర్ఘటన జరిగింది.

ఎన్నికల ప్రచారం కోసం మహారాష్ట్రలో ఉన్న చంద్రబాబు నాయుడు తన కార్యక్రమాలన్నింటినీ రద్దు చేసుకుని హైదరాబాద్‌కు తిరుగు ప్రయాణమయ్యారు. అమరావతి అసెంబ్లీ సమావేశాలకు హాజరవుతున్న నారా లోకేష్ ఇప్ప‌టికే హైదరాబాద్ చేరుకున్నారు. Chandrababu’s Brother’s Brother Nara Ram Murthy Naidu Is No More