Pawan Kalyan : జనసేన అధినేత పవన్ కళ్యాణ్ కీలక రాజకీయ నిర్ణయం తీసుకున్నారు. తెలుగు దేశం పార్టీ (TDP) అధ్యక్షుడు చంద్రబాబునాయుడుకు తన మద్దతును మరోసారి ప్రకటించారు. ఈ నిర్ణయం వెనుక తన ఆంతరంగిక ఆలోచనలను పవన్ మీడియాతో పంచుకున్నారు. “2014 న టీడీపీని మనమే నిలబెట్టాం. అప్పుడు నాకు సరైన సత్తా లేక ఓట్లు చీలిపోతాయని భావించి చంద్రబాబుకు మద్దతు ఇచ్చాను” అంటూ ఆయన వ్యాఖ్యానించారు. ప్రజలకు మేలు చేసే నాయకుడికి మద్దతు ఇవ్వడమే మంచిదని, అందుకే టీడీపీతో కలిసి పనిచేయాలని నిర్ణయించుకున్నానని తెలిపారు.

Pawan Kalyan మాకు సత్తా లేదు..అందుకే టీడీపీ మద్దతు – పవన్ కళ్యాణ్

పవన్ కళ్యాణ్ రాజకీయంగా సుదీర్ఘకాలంగా ప్రజా సమస్యలపై పోరాడుతూ వస్తున్నారు. అయితే రాష్ట్ర రాజకీయాలలో బలమైన ప్రత్యామ్నాయ శక్తిగా ఎదగాలంటే ఒక్కరే పోరాడటం సరిపోదని, ప్రజా సంక్షేమాన్ని దృష్టిలో ఉంచుకుని సరైన నిర్ణయాలు తీసుకోవాలని ఆయన భావించారు. తన పార్టీకి ఇప్పుడే పూర్తి స్థాయిలో బలం లేకపోయినా, రాష్ట్రంలో ప్రజలకు మేలు చేసేందుకు సహకరించాలనే ఉద్దేశంతోనే టీడీపీకి మద్దతు ఇచ్చానని వివరించారు. ఈ సంయుక్త నిర్ణయం ఏపీ రాజకీయాల్లో కొత్త మార్గాన్ని తెరవనుందని విశ్లేషకులు భావిస్తున్నారు.

ఈ పరిణామం రాష్ట్ర రాజకీయ వాతావరణాన్ని పూర్తిగా మార్చివేసే అవకాశం ఉంది. జనసేన – టీడీపీ కలయిక అనేక మార్పులకు దారి తీస్తుందని రాజకీయ విశ్లేషకులు అభిప్రాయపడుతున్నారు. వచ్చే ఎన్నికల్లో ఈ కూటమి ఎలా ప్రభావం చూపుతుందనేది ఆసక్తికరంగా మారింది. అయితే పవన్ కళ్యాణ్ తీసుకున్న ఈ నిర్ణయం ఆయన అభిమానుల నుంచి మిశ్రమ స్పందనను వస్తుంది. కొందరు ఈ నిర్ణయాన్ని సమర్థించగా, మరికొందరు స్వయంగా బలపడే మార్గాన్ని అనుసరించాల్సిందని అభిప్రాయపడుతున్నారు. ఏది ఏమైనా ఏపీ రాజకీయాల్లో పవన్ కళ్యాణ్ తీసుకున్న ఈ నిర్ణయం గొప్ప చర్చనీయాంశంగా మారింది.