Pushpa Movie Story : ఒకప్పటి లెక్కల మాస్టారు సుకుమార్ డైరెక్షన్‌లో వస్తున్న పాన్ ఇండియా ఫిల్మ్ ‘పుష్ప’ మరి కొన్ని గంటల్లో థియేటర్స్‌లో విడుదల కానుంది. ఈ నేపథ్యంలో మెగా అభిమానులు ఆనందం వ్యక్తం చేస్తున్నారు. టాకీసుల వద్ద తమ అభిమాన హీరో బన్నీకి పూల మాలలు వేయడంతో పాటు టపాసులు పేల్చి సంబురాలు చేసుకునేందుకుగాను సిద్ధమవుతున్నారు. కాగా, ఈ సినిమా స్టోరిలోని కీలక పాయింట్ ఇదేనని సోషల్ మీడియాలో బోలెడన్ని వార్తలు వైరల్ అవుతున్నాయి.ఎర్రచందనం స్మగ్లింగ్ నేపథ్యంలో కథ ఉంటుందని విడుదలైన ట్రైలర్‌ను చూస్తుంటే అర్థమవుతోంది. కాగా, ఈ కథకు ఎమోషనల్ పాయింట్‌గా సవతి కొడుకులనే కీలక అంశాన్ని సుకుమార్ హైలైట్ చేస్తారని తెలుస్తోంది.

Pushpa Movie Story : కమర్షియల్ ఫార్ములాతో సుక్కు భాయ్ సేఫ్ గేమ్.. !

Allu arjun pushpa Movie story and Review

పలువురు అంచనా వేస్తున్నట్లు కథలో అల్లు అర్జున్, అజయ్ ఇద్దరు సవతి సోదరులట. ఈ క్రమంలోనే అల్లు అర్జున్ పాత్రకు ఇంట్లో ప్రేమ, గౌరవం దక్కక ఇంటి నుంచి బయటకు వచ్చేసి అడవులకు వెళ్లిపోతాడు. అలా అడవులకు వెళ్లే క్రమంలో తన అన్న కంటే తానే పవర్ ఫుల్ అని నిరూపించుకునే క్రమంలో ‘పుష్ప’రాజ్‌గా అల్లు అర్జున్ పాత్ర ఎదుగుతుందని తెలుస్తోంది.ఇలా సవతి సోదరుల ఫార్ములా ఇండస్ట్రీలో చాలా సార్లు వర్కవుట్ అయింది.

మణిరత్నం ‘ఘర్షణ’ నుంచి మొదలుపెడితే పవర్ స్టార్ పవన్ కల్యాణ్ ‘గబ్బర్ సింగ్‌’ వరకూ పలు సినిమాల్లో ఇదే స్టోరిగా ఉంది. కాగా, ఎమోషన్ పండించే పరిస్థితులు ఇటువంటి కథలో ఉంటాయట. అలా సక్సెస్ ఫుల్ కమర్షియల్ ఫార్ములా లెక్కలు వేసుకునే సుకుమార్ ‘పుష్ప’తో బాక్సాఫీసులో సేఫ్ గేమ్ ఆడాలని ప్లాన్ చేశారని టాక్. అయితే, ఈ ఎమోషనల్ స్టోరిలో ఫస్ట్ పార్ట్‌ను ఎలా ముగించి..సెకండ్ పార్ట్‌కు తీసుకెళ్తాడనేది సస్పెన్స్‌గా ఉండబోతున్నది. సోషల్ మీడియాలో వైరలవుతున్న ఈ స్టోరి నిజమా కాదా అనేది మరి కొన్ని గంటల్లో తేలనుంది.

Follow Us

mallesh

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది