Peddi Movie Review : రామ్ చరణ్ పెద్ది మూవీ రివ్యూ అండ్ రేటింగ్..!
Peddi Movie Review : ఆర్ఆర్ఆర్’ వంటి గ్లోబల్ బ్లాక్బస్టర్ తర్వాత మెగా పవర్ స్టార్ రామ్ చరణ్ Ram Charan నుంచి వచ్చిన భారీ పాన్ ఇండియా చిత్రం ‘పెద్ది’ పై మొదటి రోజు నుంచే భారీ అంచనాలు నెలకొన్నాయి. దర్శకుడు బుచ్చిబాబు సానా తెరకెక్కించిన ఈ స్పోర్ట్స్ యాక్షన్ డ్రామా విడుదలకు ముందే దేశవ్యాప్తంగా చర్చనీయాంశంగా మారింది. టీజర్, ట్రైలర్, పాటలు, ప్రీ రిలీజ్ ఈవెంట్లు సినిమాపై అంచనాలను అమాంతం పెంచగా, విడుదలైన తర్వాత ప్రేక్షకుల నుంచి కూడా మంచి స్పందన లభిస్తోంది.
Peddi Movie Review : రామ్ చరణ్ పెద్ది మూవీ రివ్యూ అండ్ రేటింగ్..!
Peddi Movie Review కథ
‘పెద్ది’ సినిమా ఒక పీరియాడిక్ విలేజ్ స్పోర్ట్స్ డ్రామా. 1990 నాటి బ్యాక్డ్రాప్ క్రికెట్, రెజ్లింగ్ మరియు ప్యార ఒలింపిక్ రన్నింగ్ నేపథ్యంలో ఈ కథ సాగుతుంది. పీడిత ప్రజల కోసం, తన నైపుణ్యాలతో ఒక క్రీడాకారుడిగా రామ్ చరణ్ తన ఊరికి రైల్వే స్టేషన్ లేకపోవటం దాని తేవడం కోసం చేసే పోరాటమే ఈ చిత్ర ప్రధానాంశం. ఊరిలో అల్లరి చిల్లరగా తిరుగుతూ, ఒక గ్యాంగ్తో కలిసి క్రికెట్ ఆడే రామ్ చరణ్ పాత్ర చుట్టూ కథ తిరుగుతుంది. అతనికి క్రికెట్ అంటే ప్రాణం, సిక్సర్లు, ఫోర్లతో చిచ్చరపిడుగులా ఆడుతుంటాడు. అయితే ఆ గ్యాంగ్తో వచ్చిన విభేదాల వల్ల, ఆ తర్వాత అతను కుస్తీ పోటీలు ఎలా నేర్చుకున్నాడు, కన్నడ రాజకుమార్ను ఎలా కలిశాడు అనేది ఆసక్తికరమైన మలుపు. అక్కడి నుండి రన్నింగ్ పోటీల్లో పాల్గొనడం వరకు కథ సాగుతుంది. బోమన్ ఇరానీ నరేషన్ లోనే కథ మొదలవుతుంది.. అసలు జగపతి బాబుకు పెద్దికి ఉన్న సంబంధం ఏమిటి.. జగపతి బాబు చివరకు ఏం అవుతాడు.. ఆ తర్వాత పారా ఒలెంపిక్స్ ఎలా సెలక్ట్ అవుతాడు అన్నది ట్విస్ట్. కుస్తీ, క్రీడలు, కుటుంబ అనుబంధాలు, ఆత్మగౌరవం, ప్రేమ, త్యాగం వంటి అంశాలను కథలో సహజంగా మిళితం చేశారు.ఇది కేవలం ఒక స్పోర్ట్స్ డ్రామా మాత్రమే కాదు. ఒక సాధారణ యువకుడు తన జీవితంలో ఎదురైన సవాళ్లను ఎలా అధిగమించి విజయాన్ని అందుకున్నాడనే స్ఫూర్తిదాయక ప్రయాణం. గ్రామీణ నేపథ్యంలో ఉండే నిజాయితీ, భావోద్వేగాలు కథకు బలంగా నిలుస్తాయి. అసలు ఊరికి రైల్వే స్టేషల్ వచ్చిందా లేదా అన్నది తెలియాలంటే సినిమా చూాడాల్సిందే.
Peddi Movie Review రామ్ చరణ్ నటన
‘పెద్ది’ సినిమాకు అతి పెద్ద బలం రామ్ చరణ్ నటనే అని చెప్పాలి. పహెల్వాన్ పాత్రలో ఆయన పూర్తిగా ఒదిగిపోయారు. బాడీ లాంగ్వేజ్, డైలాగ్ డెలివరీ, ఎమోషనల్ సీన్స్, యాక్షన్ ఎపిసోడ్స్ ఇలా ప్రతి విభాగంలోనూ చరణ్ తన అనుభవాన్ని చూపించారు.
ముఖ్యంగా కుస్తీ పోటీల సన్నివేశాల్లో ఆయన చూపించిన ఎనర్జీ అభిమానులను ఆకట్టుకుంటుంది. గ్రామీణ యువకుడిగా కనిపించే తీరు, పాత్రలోని బాధ, కోపం, ఆవేశం, ప్రేమ వంటి భావోద్వేగాలను అద్భుతంగా ప్రదర్శించారు. కెరీర్లో అత్యంత కష్టపడి చేసిన పాత్రల్లో ఇది ఒకటిగా నిలుస్తుందని చెప్పవచ్చు.
Peddi Movie Review ఇతర నటీనటుల ఫర్ఫామెన్స్
జాన్వీ కపూర్ తన పాత్రకు న్యాయం చేసింది. కథలో ఆమె పాత్రకు మంచి ప్రాధాన్యం ఉంది. కేవలం పాటలకే పరిమితం కాకుండా కథను ముందుకు తీసుకెళ్లే పాత్రలో కనిపించింది.
శివరాజ్కుమార్ పాత్ర సినిమాకు మరింత బలాన్ని తీసుకొచ్చింది. ఆయన కనిపించే సన్నివేశాలు ప్రేక్షకుల్లో ఉత్సాహాన్ని పెంచుతాయి. జగపతి బాబు, దివ్యేందు, బోమన్ ఇరానీ తదితరులు కూడా తమ పాత్రల్లో మెప్పించారు.
Peddi Movie Review దర్శకత్వం
‘ఉప్పెన’ తర్వాత బుచ్చిబాబు నుంచి వచ్చిన చిత్రం కావడంతో అంచనాలు భారీగా ఉన్నాయి. ఆ అంచనాలకు తగ్గట్టుగానే ఆయన కథను తెరకెక్కించారు. గ్రామీణ నేపథ్యంలో ఉండే భావోద్వేగాలను ప్రేక్షకులకు కనెక్ట్ అయ్యేలా చూపించారు.
స్పోర్ట్స్ డ్రామా అనే జానర్ను కమర్షియల్ అంశాలతో కలిపి మాస్ ప్రేక్షకులకు కూడా నచ్చేలా తీర్చిదిద్దారు. ముఖ్యంగా ఫస్ట్ హాఫ్లో వచ్చే కొన్ని సన్నివేశాలు, ఇంటర్వెల్ బ్లాక్ సినిమాకు హైలైట్గా నిలుస్తాయి.
Peddi Movie Review సంగీతం, సాంకేతిక విభాగం
ఏ.ఆర్. రెహమాన్ సంగీతం సినిమాకు మరో ప్రధాన ఆకర్షణ. పాటలు ఇప్పటికే హిట్ కాగా, సినిమాలో బ్యాక్గ్రౌండ్ స్కోర్ కూడా కథను మరింత ఎలివేట్ చేసింది. ముఖ్యంగా క్లైమాక్స్, ఎమోషనల్ సన్నివేశాల్లో సంగీతం ప్రభావం స్పష్టంగా కనిపిస్తుంది.
సినిమాటోగ్రఫీ అద్భుతంగా ఉంది. గ్రామీణ అందాలను తెరపై ఎంతో అందంగా చూపించారు. కుస్తీ పోటీలు, భారీ యాక్షన్ సన్నివేశాలు విజువల్గా ప్రేక్షకులను ఆకట్టుకుంటాయి. నిర్మాణ విలువలు కూడా అత్యున్నత స్థాయిలో ఉన్నాయి.
Peddi Movie Review ప్లస్ పాయింట్స్
రామ్ చరణ్ అద్భుత నటన
భావోద్వేగాలతో కూడిన కథ
బుచ్చిబాబు దర్శకత్వం
ఏ.ఆర్. రెహమాన్ సంగీతం
గ్రామీణ నేపథ్య విజువల్స్
క్లైమాక్స్ మరియు ఇంటర్వెల్ ఎపిసోడ్స్
Peddi Movie Review మైనస్ పాయింట్స్
సెకండాఫ్లో కొన్ని సన్నివేశాలు నెమ్మదిగా సాగడం
కొన్ని కమర్షియల్ ఎలిమెంట్స్ ఊహించదగ్గ విధంగా ఉండటం
రన్టైమ్ కొంత ఎక్కువగా అనిపించడం
ఫైనల్
‘పెద్ది’ కేవలం ఒక సినిమా కాదు.. పోరాటం, ఆత్మగౌరవం, కలల కోసం పరుగెత్తే ప్రతి యువకుడి కథ. రామ్ చరణ్ కెరీర్లో మరో గుర్తుండిపోయే చిత్రంగా నిలిచే అవకాశాలు ఈ సినిమాకు కనిపిస్తున్నాయి. మాస్ ప్రేక్షకులకు యాక్షన్, కుటుంబ ప్రేక్షకులకు భావోద్వేగాలు, యువతకు స్ఫూర్తి కలిగించే అంశాలు ఇందులో ఉన్నాయి.
స్పోర్ట్స్ డ్రామాలు ఇష్టపడేవారికి, రామ్ చరణ్ అభిమానులకు ‘పెద్ది’ మంచి సినీ అనుభూతిని అందించే చిత్రంగా చెప్పొచ్చు.
రేటింగ్ 3/5