Peddi Movie Review Live Updates : మెగా పవర్ స్టార్ రామ్ చరణ్ Ram Charan  నటించిన భారీ పాన్ ఇండియా చిత్రం ‘పెద్ది’ విడుదలకు ముందే దేశవ్యాప్తంగా సంచలనంగా మారింది. దర్శకుడు బుచ్చిబాబు Buchi Babu Sana సానా తెరకెక్కించిన ఈ స్పోర్ట్స్ యాక్షన్ డ్రామాపై ప్రేక్షకులు, సినీ వర్గాల్లో భారీ అంచనాలు నెలకొన్నాయి. టీజర్, ట్రైలర్, పాటలు, ప్రచార కార్యక్రమాలు సినిమాపై విపరీతమైన ఆసక్తిని పెంచాయి. ఇప్పటికే ఈ చిత్రం అడ్వాన్స్ బుకింగ్స్‌లో రికార్డు స్థాయిలో స్పందన అందుకోవడం విశేషం. విడుదలకు ముందే రూ.11 కోట్లకు పైగా అడ్వాన్స్ బుకింగ్స్ నమోదు కావడం సినిమా క్రేజ్‌కు నిదర్శనంగా నిలిచింది.‘ఆర్ఆర్ఆర్’ వంటి గ్లోబల్ హిట్ తర్వాత రామ్ చరణ్ నుంచి వస్తున్న చిత్రం కావడంతో అభిమానుల అంచనాలు మరింత పెరిగాయి. గతంలో ఎన్నడూ కనిపించని రఫ్ అండ్ మాస్ లుక్‌లో చరణ్ కనిపించడం ప్రేక్షకులను ఆకట్టుకుంది. గ్రామీణ నేపథ్యంతో కూడిన ఈ కథలో ‘పెద్ది పహెల్వాన్’ పాత్రలో ఆయన నటించడం సినిమాకు ప్రత్యేక ఆకర్షణగా మారింది. ఈ పాత్ర కోసం చరణ్ నెలల తరబడి ప్రత్యేక శిక్షణ తీసుకున్నట్లు చిత్ర బృందం వెల్లడించింది. ప్రముఖ ‘దంగల్’ కోచ్ పర్యవేక్షణలో నాలుగు నెలలకు పైగా కుస్తీ శిక్షణ పొందారని సమాచారం.

Peddi Movie Review & Live Updates విడుదలకు ముందే రికార్డు స్థాయిలో క్రేజ్

సినిమా ప్రచారంలో భాగంగా విడుదలైన పాటలు కూడా మంచి స్పందన అందుకున్నాయి. ముఖ్యంగా “చికిరి చికిరి”, “రాయ్ రాయ్ రా రా” వంటి పాటలు సోషల్ మీడియాలో వైరల్ అయ్యాయి. సంగీత దిగ్గజం ఏ.ఆర్. రెహమాన్ AR Rahman అందించిన సంగీతం సినిమాపై అంచనాలను మరింత పెంచింది. పాటలతో పాటు ట్రైలర్‌లో చూపించిన యాక్షన్ సన్నివేశాలు, భావోద్వేగ అంశాలు ప్రేక్షకుల్లో ఆసక్తిని పెంచాయి.ఈ చిత్రంలో రామ్ చరణ్ సరసన జాన్వీ కపూర్ హీరోయిన్‌గా నటిస్తోంది. అలాగే శివ రాజ్‌కుమార్, జగపతి బాబు, దివ్యేందు శర్మ తదితర ప్రముఖులు కీలక పాత్రలు పోషిస్తున్నారు. ఈ స్టార్ కాస్టింగ్ కూడా సినిమాకు మరో ప్రధాన బలంగా మారింది. ముఖ్యంగా చిరంజీవి-శ్రీదేవి తరానికి చెందిన వారసులు రామ్ చరణ్, జాన్వీ కపూర్ Janhvi Kapoor  ఒకే చిత్రంలో నటించడం అభిమానుల్లో ప్రత్యేక ఆసక్తిని కలిగిస్తోంది.

Peddi Movie Review & Live Updates  :  రామ్ చరణ్ కెరీర్‌లో మరో మైలురాయిగా ‘పెద్ది’?

సినిమా విడుదలకు ముందు సెన్సార్ కార్యక్రమాలు కూడా పూర్తయ్యాయి. యూ/ఏ సర్టిఫికెట్ పొందిన ఈ చిత్రం భావోద్వేగాలు, స్పోర్ట్స్ బ్యాక్‌డ్రాప్, మాస్ యాక్షన్ అంశాల సమ్మేళనంగా ఉంటుందని తొలి స్పందనలు సూచిస్తున్నాయి. సెన్సార్ అనంతరం వచ్చిన టాక్ ప్రకారం, రామ్ చరణ్ నటనతో పాటు గ్రామీణ నేపథ్యం కథకు ప్రధాన బలంగా నిలుస్తుందని సినీ వర్గాలు చెబుతున్నాయి.మరోవైపు, సినిమా విడుదలకు ముందు పరిశ్రమలో కొన్ని సమస్యలు తలెత్తినా, వాటిని విజయవంతంగా పరిష్కరించడంతో ‘పెద్ది’ విడుదలకు ఎలాంటి ఆటంకాలు లేకుండా మార్గం సుగమమైంది. దీంతో ప్రపంచవ్యాప్తంగా భారీ స్థాయిలో సినిమాను విడుదల చేసేందుకు నిర్మాతలు ఏర్పాట్లు పూర్తి చేశారు.

దాదాపు మూడు గంటలకు పైగా నిడివి ఉన్న ఈ చిత్రం గ్రామీణ క్రీడల నేపథ్యంలో సాగే భావోద్వేగ కథగా రూపొందింది. భారీ నిర్మాణ విలువలు, పాన్ ఇండియా విడుదల, రామ్ చరణ్ స్టార్‌డమ్, బుచ్చిబాబు సానా దర్శకత్వం వంటి అంశాలు సినిమాను ఈ ఏడాది అత్యంత ఆసక్తికర చిత్రాల్లో ఒకటిగా నిలిపాయి.ఇప్పటికే సోషల్ మీడియాలో, ట్రేడ్ వర్గాల్లో ‘పెద్ది’పై సానుకూల చర్చ నడుస్తోంది. అడ్వాన్స్ బుకింగ్స్, ప్రేక్షకుల స్పందన చూస్తుంటే ఈ చిత్రం బాక్సాఫీస్ వద్ద భారీ ఓపెనింగ్ నమోదు చేసే అవకాశాలు కనిపిస్తున్నాయి. రామ్ చరణ్ కెరీర్‌లో మరో బ్లాక్‌బస్టర్‌గా నిలుస్తుందా లేదా అన్నది విడుదల తర్వాత తేలనుంది. ప్రస్తుతం మాత్రం ‘పెద్ది’పై అంచనాలు రోజురోజుకూ పెరుగుతూనే ఉన్నాయి.

Peddi Movie Review & Live Updates :

మాజీ ఎమ్మెల్యే కూతురిగా జాన్వీ కపూర్ పరిచయం అయింది. కొన్ని ఫన్, రొమాంటిక్ మూమెంట్స్ తర్వాత బ్లాక్‌బస్టర్ ‘చికిరి చికిరి’ పాట వస్తుంది.

‘పెద్ది’ గ్రామం, వారి కష్టాలకు సంబంధించిన నేపథ్యం రివీల్ చేశారు. అప్పలసూరి పాత్రలో జగపతి బాబు ఎంట్రీ ఇవ్వగా, కొన్ని ఎమోషనల్ సీన్స్ సాగుతున్నాయి.

ఒక భారీ బిల్డప్ తర్వాత రామ్ చరణ్ క్రికెట్ గ్రౌండ్‌లో టెర్రిఫిక్ ఎంట్రీ ఇచ్చాడు. ఇప్పుడు ‘రై రై రా రా’ సాంగ్ వస్తుంది.

ఒలింపిక్ మెడల్స్ కోసం కృషి చేసేందుకు కేంద్ర యువజన వ్యవహారాలు మరియు క్రీడల మంత్రిత్వ శాఖ సమావేశంతో ఈ చిత్ర కథ ప్రారంభం అవుతుంది.

3 గంటల 9 నిమిషాల నిడివి గల సినిమా ఇప్పుడే మొదలైంది.

హాయ్.. ‘పెద్ది’ ప్రీమియర్ షో కోసం సినిమా థియేటర్ అభిమానులతో కిక్కిరిసిపోయింది.