Ustaad Bhagat Singh Movie Review : ఉస్తాద్ భగత్ సింగ్ మూవీ ఫస్ట్ రివ్యూ అండ్ రేటింగ్..!
ప్రధానాంశాలు:
Ustaad Bhagat Singh Movie Review : ఉస్తాద్ భగత్ సింగ్ మూవీ ఫస్ట్ రివ్యూ అండ్ రేటింగ్..!
Ustaad Bhagat Singh Movie Review : పవర్ స్టార్ పవన్ కళ్యాణ్ Pawan Kalyan , మాస్ డైరెక్టర్ హరీష్ శంకర్ Harish Shankar కాంబినేషన్ అనగానే ముందుగా గుర్తొచ్చే పేరు ‘గబ్బర్ సింగ్’. పన్నెండేళ్ల క్రితం బాక్సాఫీస్ వద్ద ఈ కాంబో సృష్టించిన సునామీ అంతా ఇంతా కాదు. ఆ మ్యాజిక్ ను మరోసారి రిపీట్ చేయడానికి, ఉగాది పండుగను ప్రేక్షకులకు ముందే తీసుకురావడానికి “ఉస్తాద్ భగత్ సింగ్”తో మన ముందుకు వచ్చారు. పవన్ కళ్యాణ్ ఏపీ డిప్యూటీ సీఎం అయ్యాక వస్తున్న సినిమా కావడం, మైత్రీ మూవీ మేకర్స్ లాంటి బడా నిర్మాణ సంస్థ నిర్మించడంతో ఈ సినిమాపై భారీ అంచనాలు నెలకొన్నాయి. వాస్తవానికి ఈ ప్రాజెక్ట్ మొదలైన కొత్తలో, అలాగే మొన్నటిదాకా పెద్దగా బజ్ లేదు. దర్శకుడు హరీష్ శంకర్ గత చిత్రాల ఫలితాలు కూడా అభిమానుల్లో కాస్త కంగారు పుట్టించాయి. కానీ ట్రైలర్, ప్రీ రిలీజ్ ఈవెంట్ తో అంచనాలు అమాంతం పెరిగిపోయాయి. మరి ఈ ఉగాది కానుకగా మార్చి 19, 2026న గురువారం ఈ సినిమా రిలీజ్ అయింది. ఏపీ, యూఎస్ లో బుధవారం సాయంత్రమే ప్రీమియర్స్ వేశారు. మరి పవన్ కళ్యాణ్ తన వింటేజ్ స్వాగ్ తో మెప్పించాడా? హరీష్ శంకర్ గబ్బర్ సింగ్ మ్యాజిక్ ను రిపీట్ చేశాడా? అనేది ఈ ఫస్ట్ రివ్యూలో విశ్లేషించుకుందాం.
Ustaad Bhagat Singh Movie Review : ఉస్తాద్ భగత్ సింగ్ మూవీ ఫస్ట్ రివ్యూ అండ్ రేటింగ్..!
Ustaad Bhagat Singh Movie Review : కథ ఏంటంటే..
ఉస్తాద్ భగత్ సింగ్ (పవన్ కళ్యాణ్) ఎంతో నిజాయితీ, నైతిక విలువలు కలిగిన ఒక పవర్ ఫుల్ పోలీస్ ఆఫీసర్. ఎక్కడ అన్యాయం జరిగినా అస్సలు సహించడు, తనదైన స్టైల్ లో వాళ్లకు బుద్ధి చెబుతుంటాడు. ఈ క్రమంలో ఆయన బదిలీపై ఒక గిరిజన ప్రాంతానికి వస్తాడు. ఆ ప్రాంతంలోని ఊర్లన్నింటినీ తన గుప్పిట్లో పెట్టుకుని, ఎన్నో అక్రమ వ్యాపారాలు, ఇల్లీగల్ సెటిల్మెంట్లు చేస్తుంటాడు ఒక పవర్ ఫుల్ పొలిటీషియన్ (పార్థీబన్). ఆ ఊరి ప్రజలను తన చెప్పుచేతల్లో ఉంచుకుని భయభ్రాంతులకు గురిచేసే ఆ రాక్షసుడి సామ్రాజ్యంలోకి ఉస్తాద్ భగత్ సింగ్ అడుగుపెడతాడు. అసలు ఆ గిరిజన ప్రాంతంలో ఆ పొలిటీషియన్ చేస్తున్న అరాచకాలు ఏంటి? అతన్ని ఉస్తాద్ భగత్ సింగ్ ఎలా ఢీకొట్టాడు? చట్టం తన చేతుల్లోకి తీసుకుని ఆ అక్రమాలను ఎలా బయటపెట్టాడు? ఈ ప్రయాణంలో శ్రీలీల, రాశీఖన్నాల పాత్రలు ఏంటి? అనేది మిగతా కథ.
Ustaad Bhagat Singh Movie Review : విశ్లేషణ (ఫస్ట్ హాఫ్ అండ్ సెకండ్ హాఫ్)
సినిమా అంటే హీరో, విలన్ మధ్య జరిగే పోరు. కానీ దర్శకుడు హరీష్ శంకర్ ఆ రొటీన్ ఫార్మాట్ కు పవన్ కళ్యాణ్ స్వాగ్ ను జోడించి అద్భుతమైన కమర్షియల్ ఎంటర్టైనర్ గా మలిచాడు. పవన్ కళ్యాణ్ ఎంట్రీ సీన్ తోనే థియేటర్లు దద్దరిల్లిపోయేలా డిజైన్ చేశాడు దర్శకుడు. ఆరంభంలోనే వచ్చే ఫైట్ సీక్వెన్స్ మాస్ ఆడియన్స్ కు విజువల్ ఫీస్ట్ లా ఉంటుంది. ఫస్ట్ హాఫ్ అంతా పవన్ కళ్యాణ్ కామెడీ టైమింగ్, తనదైన మేనరిజమ్స్, పవర్ ఫుల్ డైలాగ్స్ తో చాలా స్పీడ్ గా సాగిపోతుంది. ముఖ్యంగా శ్రీలీల – పవన్ కళ్యాణ్ మధ్య వచ్చే లవ్ అండ్ రొమాంటిక్ ట్రాక్, వారిద్దరి మధ్య కెమిస్ట్రీ యూత్ ను బాగా ఆకట్టుకుంటుంది. ‘దేఖ్ లేంగే సాలా’ పాటలో పవన్ వేసిన స్టెప్పులు ఫ్యాన్స్ తో థియేటర్లలో డ్యాన్సులు చేయిస్తాయి. ఇంటర్వెల్ బ్యాంగ్ దగ్గరకు వచ్చేసరికి సినిమా గ్రాఫ్ అమాంతం పెరిగిపోతుంది. హీరో, విలన్ మధ్య వచ్చే ఫేస్ ఆఫ్ సీన్ సెకండ్ హాఫ్ పై తీవ్ర ఆసక్తిని రేకెత్తిస్తుంది.
సెకండ్ హాఫ్ లో కథ సీరియస్ మోడ్ లోకి వెళుతుంది. ఇందులో వచ్చే యాక్షన్ ఎపిసోడ్స్, ఎమోషనల్ సీన్స్ ప్రేక్షకులను కట్టిపడేస్తాయి. ముఖ్యంగా ఒక చైల్డ్ సెంటిమెంట్ ఎపిసోడ్ సెకండ్ హాఫ్ కు ప్రాణం పోసింది. ఈ దశలో వచ్చే ‘తొలిప్రేమ’ రీమిక్స్ సాంగ్ అభిమానులకు ఒక బిగ్ సర్ప్రైజ్. ఈ పాటలో పవన్, శ్రీలీల డ్యాన్స్ సినిమాకే హైలైట్ అని చెప్పొచ్చు. పవన్ కళ్యాణ్ డిప్యూటీ సీఎం హోదాలో ఉన్నందున ఎలాంటి స్పెషల్ (ఐటెమ్) సాంగ్స్ పెట్టకుండానే కమర్షియల్ మీటర్ ను ఎక్కడా తగ్గనివ్వలేదు హరీష్. ఇక సినిమాకి అతిపెద్ద బలం క్లైమాక్స్. రెగ్యులర్ గా హీరో విలన్ ను కొట్టి చంపేయడం లాంటి రొటీన్ ఫార్ములాను బ్రేక్ చేస్తూ, ఎవరూ ఊహించని విధంగా చాలా డిఫరెంట్ గా క్లైమాక్స్ ను డిజైన్ చేశారు. పవన్ కళ్యాణ్ రాజకీయ ప్రయాణానికి, ఆయన ఇమేజ్ కు సరిపోయేలా ఇచ్చిన ముగింపు అభిమానులకు గూస్ బంప్స్ తెప్పిస్తుంది.
Ustaad Bhagat Singh Movie Review నటీనటుల పనితీరు
ఇది పక్కా పవన్ కళ్యాణ్ వన్ మ్యాన్ షో. సినిమా మొదటి ఫ్రేమ్ నుంచి చివరి ఫ్రేమ్ వరకు పవన్ కళ్యాణ్ తన భుజాలపై మోశాడు. దాదాపు రెండు గంటల పాటు స్క్రీన్ పై పవన్ కనిపిస్తూనే ఉంటాడు. పోలీస్ ఆఫీసర్ గా పవన్ ఎనర్జీ, డైలాగ్ డెలివరీ, యాక్షన్ సీన్స్ లో ఆయన గ్రేస్ పీక్స్ లో ఉన్నాయి. గబ్బర్ సింగ్ లోని వింటేజ్ పవన్ ను మళ్లీ చూసిన ఫీలింగ్ కలుగుతుంది. డ్యాన్సుల కోసం పవన్ ఈ సినిమాలో చాలా కష్టపడ్డాడు, అది స్క్రీన్ మీద స్పష్టంగా కనిపిస్తుంది. ఇక శ్రీలీల ఎప్పటిలాగే తన డ్యాన్సులతో, గ్లామర్ తో అదరగొట్టింది. ఆమె పాత్రకు మంచి ప్రాధాన్యత దక్కింది. రాశీఖన్నా పాత్ర నిడివి తక్కువే అయినా ఉన్నంతలో మెప్పించింది. విలన్ గా పార్థీబన్ నటన అద్భుతం. ఒక కొత్త తరహా విలనిజాన్ని స్క్రీన్ పై పండించాడు. అతని వాయిస్, ఆటిట్యూడ్ పవన్ పాత్రకు పర్ఫెక్ట్ యాంటీగా నిలిచాయి.
ఉస్తాద్ భగత్ సింగ్ మూవీ ఫస్ట్ రివ్యూ : థియేటర్లలో పవన్ కళ్యాణ్ మాస్ జాతర.. ఆ క్లైమాక్స్ ఏంటి సామీ!
సినిమా పేరు: ఉస్తాద్ భగత్ సింగ్
నటీనటులు: పవన్ కళ్యాణ్, శ్రీలీల, రాశీఖన్నా, పార్తిబన్ తదితరులు
దర్శకత్వం: హరీష్ శంకర్
నిర్మాతలు: నవీన్ ఎర్నేని, వై.రవిశంకర్ (మైత్రీ మూవీ మేకర్స్)
సంగీతం: దేవి శ్రీ ప్రసాద్ (పాటలు), ఎస్.ఎస్.థమన్ (నేపథ్య సంగీతం)
రన్ టైమ్: 2 గంటల 38 నిమిషాలు
సెన్సార్: U/A
విడుదల తేదీ: మార్చి 19, 2026 (ఉగాది కానుకగా)
Ustaad Bhagat Singh Movie Review : సాంకేతిక వర్గం
దర్శకుడు హరీష్ శంకర్ కు పవన్ కళ్యాణ్ ను ఎలా చూపించాలో బాగా తెలుసు. ఒక రొటీన్ కథను తీసుకున్నా, తన మార్క్ డైలాగ్స్ తో, ఎలివేషన్స్ తో ఎక్కడా బోర్ కొట్టకుండా స్క్రీన్ ప్లే నడిపించాడు. ముఖ్యంగా పవన్ తనపై తనే వేసుకునే సెటైరికల్ సీక్వెన్స్ థియేటర్లో నవ్వులు పూయిస్తుంది. సంగీతం విషయానికి వస్తే దేవిశ్రీ ప్రసాద్ పాటలు ఆడియో పరంగా సోసోగానే ఉన్నా, తెరమీద చూస్తున్నప్పుడు బాగున్నాయి. అయితే ‘తొలిప్రేమ’ రీమిక్స్ సాంగ్ మాత్రం పూనకాలు తెప్పిస్తుంది. ఈ సినిమాకు మరో మేజర్ హైలైట్ ఎస్.ఎస్.థమన్ అందించిన బ్యాక్ గ్రౌండ్ స్కోర్. పవన్ ఎలివేషన్ సీన్స్ కు తన బీజీఎంతో ప్రాణం పోశాడు థమన్. యాక్షన్ సీన్స్ లో థమన్ ఆర్ఆర్ ఇరగదీశాడు. సినిమాటోగ్రఫీ చాలా రిచ్ గా ఉంది. గిరిజన ప్రాంతాలను, యాక్షన్ బ్లాక్స్ ను అద్భుతంగా క్యాప్చర్ చేశారు. మైత్రీ మూవీ మేకర్స్ నిర్మాణ విలువలు సినిమాను చాలా గ్రాండ్ గా మార్చాయి.
ప్లస్ పాయింట్స్:
పవన్ కళ్యాణ్ వన్ మ్యాన్ షో, ఎనర్జీ, కామెడీ టైమింగ్
హరీష్ శంకర్ పవర్ ఫుల్ మార్క్ డైలాగ్స్
ఇంటర్వెల్ బ్లాక్, సెకండ్ హాఫ్ ఎమోషన్స్
థమన్ బ్యాక్ గ్రౌండ్ మ్యూజిక్
ఎవరూ ఊహించని సరికొత్త క్లైమాక్స్
‘తొలిప్రేమ’ రీమిక్స్ సాంగ్
మైనస్ పాయింట్స్:
రొటీన్ అనిపించే మెయిన్ స్టోరీ లైన్
పాటలు ఆడియో పరంగా ఇంకా బెటర్ గా ఉండొచ్చు
సెకండ్ హాఫ్ లో అక్కడక్కడా కాస్త నెమ్మదించిన స్క్రీన్ ప్లే
Ustaad Bhagat Singh Movie Review : ఫైనల్గా
“ఉస్తాద్ భగత్ సింగ్” ఒక పక్కా పైసా వసూల్ కమర్షియల్ మాస్ ఎంటర్టైనర్. కథ పరంగా కొత్తదనం లేకపోయినా, పవన్ కళ్యాణ్ ఇమేజ్ ను, ఆయన స్వాగ్ ను హరీష్ శంకర్ వాడుకున్న తీరు సినిమాను బ్లాక్ బస్టర్ దిశగా తీసుకెళ్తుంది. పవర్ స్టార్ అభిమానులు ఆయన నుంచి ఏం ఆశిస్తారో ఆ ఎలిమెంట్స్ అన్నీ ఈ సినిమాలో పుష్కలంగా ఉన్నాయి. బాలీవుడ్ మూవీ ‘ధురంధర్’ తో బాక్సాఫీస్ క్లాష్ ఉన్నప్పటికీ, తెలుగు రాష్ట్రాల్లో పవన్ మేనియా ముందు అది నిలబడటం కష్టమే. పవన్ కళ్యాణ్ మార్క్ మాస్ జాతరను థియేటర్లలో చూడాలనుకునే వారికి ఈ ఉగాదికి “ఉస్తాద్ భగత్ సింగ్” ఒక పర్ఫెక్ట్ పండుగ భోజనం. పవన్ ఫ్యాన్స్ కాలర్ ఎగరేసుకునేలా చేసిన ఈ చిత్రం బాక్సాఫీస్ వద్ద రికార్డుల వేట మొదలుపెట్టడం ఖాయం.
దితెలుగున్యూస్ రేటింగ్ : 2.75/5
Also read
