Pushpa: పుష్ప చిత్రంలోని ప్ర‌తి పాట శ్రోత‌ల‌ని ఎంత‌గా అల‌రించిందో ప్ర‌త్యేకంగా చెప్ప‌న‌క్క‌ర్లేదు. దేవి శ్రీ ప్రసాద్ సంగీత సార‌ధ్యంలో రూపొందిన సాంగ్స్‌కి మ‌నదేశంలోనే కాదు ఇత‌ర దేశాల వాళ్లు కూడా ఫిదా అవుతున్నారు. భార‌త‌దేశానికి చెందిన క్రీడాకారులే కాకుండా విదేశాల‌కు చెందిన ఆట‌గాళ్లు కూడా పుష్ప సాంగ్స్‌ను, డైలాగుల‌ను ఇమిటేట్ చేస్తూ అద‌ర‌గొడుతున్నారు. తాజాగా ఈ జాబితాలో చెన్నైసూప‌ర్ కింగ్స్ స్టార్ ఆల్‌రౌండ‌ర్ డీజే బ్రావో కూడా చేరిపోయాడు. శ్రీ‌వ‌ల్లి పాట‌కు వెస్టిండీస్, చెన్నై సూప‌ర్ కింగ్స్ జ‌ట్ల ఆల్‌రౌండ‌ర్ డేజే బ్రావో త‌న‌దైన శైలిలో స్టెప్స్ వేసి అద‌ర‌గొట్టాడు. పుష్ప మాదిరిగానే క‌ళ్ల జోడు ధ‌రించి, చెప్పుల‌ను ఉప‌యోగించి స్టెప్పులు వేసి ఆక‌ట్టుకున్నాడు.

ఓ స్విమ్మింగ్‌ఫూల్ ప్ర‌దేశంలో తీసిన వీడియోను పుష్ప టీం త‌న అధికారిక ట్విట్ట‌ర్ ఖాతాలో షేర్ చేసి మురిసిపోయింది. 18 సెక‌న్ల‌తో కూడిన ఈ వీడియో ప్ర‌స్తుతం నెట్టింట వైర‌ల్‌గా మారింది. దీంతో అభిమానులు లైక్‌లు, కామెంట్లు, షేర్లు చేస్తూ సోష‌ల్ మీడియాను ఊపేస్తున్నారు. బ్రావో ఐపీఎల్ ద్వారా మ‌న ఇండియ‌న్స్‌కి కూడా చాలా ద‌గ్గ‌ర‌య్యాడు. బ్రావోకు ఈ సారి ఆ జ‌ట్టు రిటెన్ష‌న్ జాబితాలో చోటు ద‌క్క‌లేదు. దీంతో ఈ సారి బ్రావో వేలంలో పాల్గొన‌నున్నాడు. కాగా చెన్నై సూప‌ర్ కింగ్స్ రిటెన్ష‌న్ జాబితాలో ర‌వీంద్ర జ‌డేజా, ఎంఎస్ ధోని, మొయిన్ అలీ, రుతు రాజ్ గైక్వాడ్‌కు చోటు ల‌భించింది.

dj bravo immiates allu arjun srivalli song from pusha

Pushpa : పుష్ప‌కి ఫిదా అయిన క్రికెట‌ర్స్..

ఇక పుష్ప సాంగ్స్‌కి వీడియోలు చేసిన వారిలో జ‌డేజా, శిఖ‌ర్ ధావన్, సూర్య కుమార్ యాద‌వ్, ఇషాన్ కిష‌న్‌తో పాటు ప‌లువురు ఇండియ‌న్స్ ఉన్నారు. బంగ్లాదేశ్ ప్రిమీయ‌ర్ లీగ్‌లోనూ అల్లు అర్జున్ న‌టించిన పుష్ప చిత్రం మానియా క‌నిపించింది. ఈ లీగ్‌లో బంగ్లాదేశ్ ఆట‌గాడు నజ్ముల్ ఇస్లాం ప్ర‌జెంటేష‌న్ సెర్మ‌నీ కార్య‌క్ర‌మంలో మాట్లాడుతూ పుష్ప చిత్రం చూశాన‌ని, బాగుంద‌ని ప్ర‌శంస‌లు కురిపించాడు. అలాగే అల్లు అర్జున్ మాదిరి మేన‌రిజంతో త‌గ్గెదేలే అని డైలాగ్ చెప్పి అద‌ర‌గొట్టాడు. రెండు పార్టులుగా రానున్న పుష్ప సెకండ్ పార్టు షూటింగ్ త్వ‌ర‌లోనే ప్రారంభం కానుంది. ఈ సినిమా కోసం ప్రేక్ష‌కులు ఆస‌క్తిగా ఎదురు చూస్తున్నారు.

Windies cricketer @DJBravo47 joins the trend ????

Recreates the signature step of icon stAAr @alluarjun from #Srivalli Song ????#Pushpa #PushpaTheRise ????@iamRashmika @aryasukku @ThisIsDSP @TSeries @adityamusic @MythriOfficial pic.twitter.com/7joHpuqcCe

— Pushpa (@PushpaMovie) January 25, 2022

Follow Us

sandeep

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది