Gautam Gambhir : విరాట్ కోహ్లి ప్రస్తావనపై గంభీర్ ఫైర్.. ప్రెస్ కాన్ఫరెన్స్లో రిపోర్టర్కు దిమ్మతిరిగే సమాధానం!
ప్రధానాంశాలు:
మీడియా ముందు విరాట్ కోహ్లి పై ఆగ్రహం వ్యక్తం చేసిన గౌతమ్ గంభీర్
Gautam Gambhir : భారత జట్టు టీ20 ప్రపంచకప్ 2026 టైటిల్ను కైవసం చేసుకున్న శుభతరుణంలో, కోచ్ గౌతమ్ గంభీర్ మీడియా సమావేశంలో అసహనం వ్యక్తం చేశారు. దక్షిణాఫ్రికాతో జరిగిన ఒక మ్యాచ్లో భారత బ్యాటింగ్ ఆర్డర్ కుప్పకూలిన సందర్భాన్ని గుర్తు చేస్తూ.. ఆ సమయంలో విరాట్ కోహ్లి వంటి అనుభవజ్ఞుడైన ఆటగాడిని జట్టు మిస్ అయ్యిందా? అని ఒక రిపోర్టర్ అడిగిన ప్రశ్నకు గంభీర్ తనదైన శైలిలో కౌంటర్ ఇచ్చారు. “అస్సలు మిస్ అవ్వలేదు, ఒక్క శాతం కూడా మిస్ కాలేదు” అంటూ కుండబద్దలు కొట్టినట్లు సమాధానం చెప్పారు. ప్రస్తుత జట్టులోని ప్రతి ఆటగాడిపై తనకు పూర్తి నమ్మకం ఉందని, బయట నుంచి ఎవరి అవసరం తమకు లేదని గంభీర్ స్పష్టం చేయడం ఇప్పుడు క్రికెట్ వర్గాల్లో హాట్ టాపిక్గా మారింది.
Gautam Gambhir : విరాట్ కోహ్లి ప్రస్తావనపై గంభీర్ ఫైర్.. ప్రెస్ కాన్ఫరెన్స్లో రిపోర్టర్కు దిమ్మతిరిగే సమాధానం!
రిపోర్టర్ పదే పదే ఒత్తిడి సమయాల్లో మ్యాచ్ను నిలబెట్టే ఆటగాళ్ల అవసరం గురించి ప్రశ్నించగా, గంభీర్ మరింత ఘాటుగా స్పందించారు. ఒక మ్యాచ్ ఓడినంత మాత్రాన జట్టు సామర్థ్యాన్ని శంకించలేమని, ప్రస్తుత జట్టులో కఠిన పరిస్థితులను ఎదుర్కొనే చాంపియన్స్ ఉన్నారని ఆయన గట్టిగా సమర్థించుకున్నారు. ప్రతి చిన్న విషయానికి విరాట్ కోహ్లి పేరును లాగడం సరైంది కాదని, గెలిచిన జట్టులోని ఆటగాళ్ల ప్రతిభను గుర్తించకుండా పాత విషయాల గురించి చర్చించడం అనవసరమని ఆగ్రహం వ్యక్తం చేశారు. ఈ జట్టు ప్రపంచ ఛాంపియన్గా నిలిచిందని, కాబట్టి ఆ విజయాన్ని సాధించిన ప్లేయర్ల గురించే మాట్లాడాలని రిపోర్టర్కు హితవు పలికారు.
Gautam Gambhir : ఎందుకు పదే పదే కోహ్లి పేరు ప్రస్తావిస్తున్నారంటూ మీడియా పై గౌతమ్ గంభీర్ ఫైర్
గౌతమ్ గంభీర్ మరియు విరాట్ కోహ్లిల మధ్య గతంలో ఉన్న విభేదాల దృష్ట్యా, ఈ వ్యాఖ్యలు సోషల్ మీడియాలో పెద్ద చర్చకు దారితీశాయి. కోహ్లి అభిమానులు గంభీర్ వైఖరిపై అసహనం వ్యక్తం చేస్తుండగా, మరికొందరు మాత్రం కోచ్గా తన జట్టును సమర్థించుకోవడంలో తప్పేముందని మద్దతు తెలుపుతున్నారు. ఏది ఏమైనా, ప్రపంచకప్ గెలిచిన ఆనందంలో ఉండాల్సిన సమయంలో ఇటువంటి వివాదాలు తెరపైకి రావడం గమనార్హం. టీమ్ ఇండియా భవిష్యత్తు ప్రణాళికల్లో భాగంగా యువతకు ప్రాధాన్యత ఇస్తున్నారా లేదా వ్యక్తిగత విభేదాలే దీనికి కారణమా అన్నది ఇప్పుడు అభిమానుల మదిలో మెదులుతున్న ప్రశ్న.
Also read
