Sunrisers Hyderabad : IPL 2026 మొదలేకాలేదు.. సన్రైజర్స్ హైదరాబాద్ ఆటగాళ్ల మధ్య గొడవలు.. అసలేం జరిగింది..?
ప్రధానాంశాలు:
Sunrisers Hyderabad : IPL 2026 మొదలేకాలేదు.. సన్రైజర్స్ హైదరాబాద్ ఆటగాళ్ల మధ్య గొడవలు.. అసలేం జరిగింది..?
SRH Players : ఐపీఎల్ 2026 సీజన్కు ముందు సన్రైజర్స్ హైదరాబాద్ ప్రాక్టీస్ మ్యాచ్లో జరిగిన ఒక చిన్న సంఘటన ఇప్పుడు సోషల్ మీడియాలో పెద్ద చర్చగా మారింది. తాత్కాలిక కెప్టెన్ ఇషాన్ కిషన్ మరియు స్పిన్నర్ జీసన్ అన్సారీ మధ్య జరిగిన ఈ ఘటనకు సంబంధించిన వీడియో నెట్టింట వైరల్ అవుతోంది. మ్యాచ్లో జరిగిన ఈ పరిణామం ఆటగాళ్ల ఆత్మస్థైర్యం, అగ్రెషన్పై చర్చను రేకెత్తిస్తోంది.
Internal differences among Sunrisers Hyderabad players
SRH Players : ప్రాక్టీస్ మ్యాచ్లో ఉద్రిక్త క్షణాలు
ఈ సంఘటన మ్యాచ్ రెండో ఇన్నింగ్స్లో 8వ ఓవర్లో చోటు చేసుకుంది. లెగ్ స్పిన్నర్ జీసన్ అన్సారీ బౌలింగ్లో ఇషాన్ కిషన్ మొదటి నాలుగు బంతుల్లోనే రెండు సిక్సులు, రెండు ఫోర్లు కొట్టి అద్భుత టచ్లో కనిపించాడు. కిషన్ బ్యాటింగ్ చూస్తుంటే భారీ స్కోర్ దిశగా దూసుకెళ్తున్నట్లు అనిపించింది. అయితే, ఆ తర్వాతి ఫుల్ లెంగ్త్ బంతిని ఆడే క్రమంలో కిషన్ డీప్ స్క్వేర్ లెగ్ వద్ద సులభ క్యాచ్ ఇచ్చి ఔటయ్యాడు. వెంటనే వికెట్ సాధించిన ఆనందంలో అన్సారీ తీవ్రంగా సెలబ్రేట్ చేస్తూ, కిషన్ను పెవిలియన్కి వెళ్లమని చేతితో సూచిస్తూ సెండ్-ఆఫ్ ఇచ్చాడు. ఈ ప్రవర్తనపై మైదానంలో కాసేపు ఉద్రిక్తత నెలకొంది. అయితే కిషన్ మాత్రం కోపం చూపకుండా నవ్వుతూ మైదానం వీడడం విశేషం.
SRH Players : అభిషేక్ శర్మ మెరుపులు
ఈ ప్రాక్టీస్ మ్యాచ్లో అభిషేక్ శర్మ కూడా తన బ్యాటింగ్తో ఆకట్టుకున్నాడు. తొలి ఇన్నింగ్స్లో 94 పరుగులతో చెలరేగిన అతను సిక్సర్లు, ఫోర్లతో ప్రత్యర్థి బౌలర్లను కుదిపేశాడు. అయితే రెండో ఇన్నింగ్స్లో మాత్రం కేవలం 12 పరుగులకే పరిమితమయ్యాడు. ఇక కిషన్ కూడా తక్కువ బంతుల్లోనే భారీ స్కోర్ నమోదు చేశాడు. కేవలం 25 బంతుల్లో 72 పరుగులు చేసి తన ఫామ్ను మరోసారి నిరూపించాడు. ఈ ఇద్దరి ఆటతీరు చూసి ఎస్ఆర్హెచ్ అభిమానులు ఐపీఎల్ 2026లో వీరు అదరగొడతారని ఆశిస్తున్నారు.
SRH Players : కెప్టెన్సీ మార్పులు, కిషన్ ఫామ్ హాట్ టాపిక్
సన్రైజర్స్ హైదరాబాద్ జట్టులో కెప్టెన్సీ మార్పులు కూడా ఆసక్తికరంగా మారాయి. రెగ్యులర్ కెప్టెన్ ప్యాట్ కమిన్స్ గాయంతో కొన్ని మ్యాచ్లకు దూరం కావడంతో, టీమ్ మేనేజ్మెంట్ ఇషాన్ కిషన్ను తాత్కాలిక కెప్టెన్గా నియమించింది. అలాగే అభిషేక్ శర్మను వైస్ కెప్టెన్గా ఎంపిక చేసింది. ఇటీవల కాలంలో కిషన్ అద్భుత ఫామ్లో ఉన్నాడు. టీ20 వరల్డ్ కప్లో 317 పరుగులు చేసి ఆకట్టుకున్న అతను, ఐసీసీ ర్యాంకింగ్స్లో టాప్-2లో స్థానం సంపాదించాడు. అదేవిధంగా సయ్యద్ ముస్తాక్ అలీ ట్రోఫీలో జార్ఖండ్ జట్టును విజేతగా నిలిపాడు. ఈ నేపథ్యంతో ఐపీఎల్ 2026లో సన్రైజర్స్ హైదరాబాద్ జట్టు ప్రదర్శనపై అభిమానుల్లో భారీ అంచనాలు నెలకొన్నాయి.
Send off to Ishan Kishan 🤯
During the intra squad match today, Zeeshan Ansari, a bowler for Sunrisers Hyderabad, was seen giving a send off to his own captain Ishan Kishan after dismissing him.
The team atmosphere doesn’t seem to be very good.
— Stubbsy (@spideypant_) March 21, 2026
Also read
