Sunrisers Hyderabad : ఇలా అయితే క‌ష్టం.. మ‌రోసారి స‌న్‌రైజ‌ర్స్ చెత్త ప్ర‌ద‌ర్శ‌న‌..!

Sunrisers Hyderabad : ఐపీఎల్ 2025లో IPL 2025 భాగంగా తాజాగా జరిగిన మ్యాచులో Sunrisers Hyderabad  సన్‌రైజర్స్ హైదరాబాద్ పై ముంబయి ఇండియన్స్ mumbai indians విజయం సాధించింది. ఆల్ రౌండ్ ప్రదర్శనతో.. 4 వికెట్ల తేడాతో గెలుపొందింది. ఈ సీజన్ లో ఆడిన ఏడు మ్యాచుల్లో ముంబయి జట్టుకు ఇది మూడో విజయం. మరోవైపు గత సీజన్ ఫైనలిస్ట్స్ సన్‌రైజర్స్ హైదరాబాద్ తమ విజయ పరంపరను కొనసాగించలేకపోయింది. దీంతో ఐదవ ఓటమిని చవిచూసింది. ఈ ఓటమి హైదరాబాద్ ప్లేఆఫ్స్‌కు చేరుకునే ఆశలపై తీవ్ర దెబ్బ పడింది.

Sunrisers Hyderabad : ఇలా అయితే క‌ష్టం.. మ‌రోసారి స‌న్‌రైజ‌ర్స్ చెత్త ప్ర‌ద‌ర్శ‌న‌..!

Sunrisers Hyderabad క‌ష్ట‌మే..

163 పరుగుల లక్ష్యంతో బరిలోకి దిగిన ముంబయి ఇండియన్స్.. 18.1 ఓవర్లలో 6 వికెట్లు కోల్పోయి ఛేదించింది. ముంబయి బ్యాటర్లందరూ మంచి ప్రదర్శనే చేశారు. రియాన్ రికల్టన్ (23 బంతుల్లో 5 ఫోర్ల సాయంతో 31 పరుగులు), రోహిత్ శర్మ (16 బంతుల్లో 3 సిక్సుల సాయంతో 26 రన్స్), విల్ జాక్స్ (26 బంతుల్లో 3 ఫోర్లు, 2 సిక్సుల సాయంతో 36 పరుగులు), సూర్యకుమార్ యాదవ్ (15 బంతుల్లో 2 ఫోర్లు, 2 సిక్సుల సాయంతో 26 రన్స్) రాణించారు.

అంతకుముందు బ్యాటింగ్ కు దిగిన సన్ రైజర్స్ హైదరాబాద్ తడబడింది. అభిషేక్ శర్మ (28 బంతుల్లో 7 ఫోర్ల సాయంతో 40), ట్రావిస్ హెడ్ (29 బంతుల్లో 3 ఫోర్ల సాయంతో 28 పరుగులు) చెప్పుకోదగ్గ ప్రదర్శన చేయలేదు. ఇషాన్ కిషన్ (3 బంతుల్లో 2 పరుగులు) మళ్లీ నిరాశపరిచాడు. తెలుగు కుర్రాడు నితీశ్ కుమార్ రెడ్డి (21 బంతుల్లో 1 ఫోర్ సాయంతో 19 పరుగులు) బ్యాటింగ్ లో ఫెయిల్ అయ్యాడు. కానీ ఫీల్డింగ్ లో బానే రాణించాడు. ఆఖర్లో హెన్రిచ్ క్లాసెన్ (28 బంతుల్లో 3 ఫోర్లు, 2 సిక్సుల సాయంతో 37 రన్స్) కాసేపు దూకుడుగా ఆడి స్కోరు బోర్డును ముందుకు తీసుకెళ్లాడు .