Rishabh Pant : ప‌చ్చి అబ‌ద్ధాలు ఆడిన పంత్‌.. అంపైర్‌తో గొడ‌వ‌.. లైవ్‌లో దొరికిపోయాడుగా..!

Rishabh Pant : ప్ర‌స్తుతం ఐపీఎల్‌లో భార‌త ఆట‌గాళ్లు దుమ్మురేపుతున్నారు. ఆరెంజ్, ప‌ర్పుల్ క్యాప్ రెండు కూడా మ‌నోళ్ల ద‌గ్గ‌రే ఉన్నాయి. ఇక చాలా రోజులుగా క్రికెట్‌కి దూరంగా ఉన్న పంత్ కూడా ఐపీఎల్‌తో రీఎంట్రీ ఇచ్చాడు. 2022లో జరిగిన ప్రమాదం తర్వాత రిషబ్ పంత్ మ‌ళ్లీ ఐపీఎల్‌తో పున‌రాగ‌మ‌నం చేశాడు. ఇప్పుడు ఢిల్లీకి కెప్టెన్‌గా వ్య‌వ‌హ‌రిస్తున్న పంత్ అప్ప‌టి మాదిరిగా ఆడ‌లేక‌పోతున్నాడు. ఇప్పటి వరకు ఆడిన 5 మ్యాచ్‌ల్లో పంత్ 30.60 సగటుతో మొత్తం 153 పరుగులు చేశాడు.ఇందులో 2 అర్ధ సెంచరీలు సాధించాడు. ఇక‌ ఢిల్లీ ఆడిన మ్యాచ్‌ల‌లో నాలుగు ఓడిపోగా, రెండు గెలుపొందింది. తాజాగా ల‌క్నోతో జ‌రిగిన మ్యాచ్‌లో మంచి విజ‌యం సాధించింది ఢిల్లీ జ‌ట్టు.

Rishabh Pant : భ‌లే మాట మార్చాడుగా..!

అయితే ఎకానా మైదానంలో జరిగిన మ్యాచ్‌లో కేఎల్ రాహుల్ టాస్ గెలిచి ముందుగా బ్యాటింగ్ ఎంచుకున్నాడు. జట్టు 15 ఓవర్లలో 7 వికెట్లు నష్టపోయి 114 పరుగులు చేసింది. అయితే, ఈ సందర్భంలో రిషబ్ పంత్ గంద‌ర‌గోళం సృష్టించాడు. 4వ ఓవర్ బౌలింగ్ వేయడానికి ఇషాంత్ శర్మను పిలిచాడు. ఇషాంత్ శర్మ వేసిన నాలుగో ఓవర్ నాలుగో బంతిని పడిక్కల్ బౌల్డ్ చేశాడు. అయితే పంత్ ఓ సంద‌ర్భంలో పచ్చి అబద్ధం ఆడిన‌ట్టు కెమెరాల‌లో రికార్డ్ అయింది. ఇషాంత్ వేసిన బంతి లెగ్ సైడ్ నుంచి బంతి నేరుగా పంత్ చేతుల్లోకి వెళ్లగా దానిని అంపైర్ వైడ్‌ని ప్ర‌క‌టించాడు. అయితే అప్పుడు దీనికి సంబంధించి రివ్యూ తీసుకున్నాడు.

Rishabh Pant : ప‌చ్చి అబ‌ద్ధాలు ఆడిన పంత్‌.. అంపైర్‌తో గొడ‌వ‌.. లైవ్‌లో దొరికిపోయాడుగా..!

రివ్యూలో అది వైడ్ అని తేల‌డంతో ఢిల్లీ రివ్యూని కోల్పోవ‌ల‌సి వ‌చ్చింది. అయితే ఆ స‌మ‌యంలో పంత్ నేరుగా అంపైర్ ద‌గ్గ‌ర‌కు వెళ్లి యశ్వంత్ బర్డేతో వాగ్వాదానికి దిగాడు. నేను రివ్యూ తీసుకోలేదని అంపైర్‌కు చెప్పాడు. కానీ, రీప్లేలలో చూసినప్పుడు, పంత్ స్పష్టమైన సమీక్ష తీసుకున్న‌ట్టుగా క‌నిపించింది. అయితే తాను మాత్రం తన జ‌ట్టు స‌భ్యుడికి వివరిస్తున్నట్లు అంపైర్‌కు పదేపదే చెప్పాడు. అయితే, పంత్ సమీక్ష కోసం సూచించినట్లు కెమెరాలో స్పష్టంగా రికార్డ్ అయింది.దీనిపై నెటిజ‌న్స్ ఆగ్ర‌హం వ్య‌క్తం చేస్తున్నారు. ఎందుకు ఇలా అబ‌ద్దాలు ఆడుతున్నావ్ అంటూ పంత్‌ని తిట్టి పోస్తున్న‌రు. ఇక ఈ మ్యాచ్‌లో పంత్ 41 ప‌రుగులు చేశాడు. ఢిల్లీ కూడా మంచి విజ‌యం సాధించింది.