RBI  : ఈ రోజుల్లో సొంత ఇల్లు ఉండాలని ఎంతో మంది అనుకుంటారు. అయితే.. సొంతంగా ఇల్లు కట్టుకోవడం లేదా కొనుగోలు చేయడం అనేది చాలా ఖర్చుతో కూడుకున్నదని చెప్పొచ్చు. ఇందుకోసం కచ్చితంగా బ్యాంకుల్లో లోన్ కోసం ఆశ్రయిస్తుంటారు. తిరిగి చెల్లించాల్సిన ఈఎంఐ కూడా ఎక్కువే ఉంటుంది. ప్రతి నెలా క్రమం తప్పకుండా.. ఆదాయంలో నుంచి ఎక్కువ శాతం పక్కనబెట్టాల్సి వస్తుంది.

RBI  వారికే ఆ ఛాన్స్..

అయితే బ్యాంకులు ఒక్కో సారి ఈఎంఐ టెన్యూర్‌ పెంచడం లేదా.. ఈఎంఐ మొత్తాన్ని పెంచడం హఠాత్తుగా చేస్తూంటాయి. దీంతో లోన్ తీసుకున్న వారికి ఇబ్బందులు తలెత్తుతూ ఉంటాయి. ఈ క్ర‌మంలో ఆర్బీఐ కీలక నిర్ణయం తీసుకుంది. ఇక నుంచి ముందస్తు సమాచారం లేకుండా ఆటోమేటిక్ గా లోన్‌ కాలపరిమితి పెంచడం, వడ్డీ రేట్లు పెంచడం వంటివి చేయకూడదని ఆర్బీఐ ఆదేశాలు జారీ చేసింది.

వడ్డీ రేట్ల పెరుగుదల కారణంగా ఈఎంఐ లేదా లోన్‌ టెన్యూర్‌లో ఏదైనా మార్పులుంటే ముందే వాటి గురించి స్పష్టంగా తెలియజేయాల్సి ఉంటుంది. రుణ గ్రహీత ఆమోదం లేకుండా ఆటోమేటిగ్గా ఈఎంఐ పెరుగుదల లేదా కాలపరిమితి పొడగింపులు ఇక ఉండవు.. బ్యాంక్‌లు, నాన్‌-బ్యాంకింగ్‌ ఫైనాన్షియల్‌ కంపెనీలు రుణ గ్రహీతలకు తెలియకుండా.. అలాగే వారి సమ్మతి పొందకుండా ఈఎంఐ లేదా లోన్‌ టెన్యూర్‌ని మార్చలేవు. ఈఎంఐ లేదా కాల పరిమితిని తగ్గించడానికి ముందస్తు చెల్లింపులు చేయడం లాంటి విషయాలపై లోన్‌ పేయర్స్‌కే నియంత్ర‌ణ ఉంటుంది.