BJP : తెలంగాణ బంద్‌కు బీజేపీ పిలుపు.. ఎప్పుడంటే?

Authored By mallesh | The Telugu News | Published on: January 5, 2022, 7:50 pm

BJP : రాష్ట్రంలో తెలంగాణ సర్కారు జారీ చేసిన జీవో నెం.317ను బీజేపీ వ్యతిరేకిస్తోంది. ఈ జీవోను సస్పెండ్ చేయాలని బీజేపీ నేతలు నిరసన తెలుపుతున్నారు. ఈ క్రమంలోనే ఆ పార్టీ రాష్ట్ర అధ్యక్షుడు తన పార్టీ కార్యాలయంలో నిరసన తెలుపుతుండగా పోలీసులు అరెస్టు చేశారు. ఇకపోతే ఈ జీవో రాష్ట్రపతి ఉత్తర్వులు ఉల్లంఘించి జారీ చేశారని బీజేపీ నేతలు ఆరోపిస్తున్నారు.

ఈ క్రమంలోనే నూతన జోనల్ విధానం ద్వారా తెలంగాణ సర్కారు బదిలీలు చేపట్టగా, ఈ జీవోపై పున: సమీక్షించాలని బీజేపీ డిమాండ్ చేస్తోంది. తెలంగాణ సర్కారు జీవోను పున: సమీక్షించాలని కోరుతూ ఈ నెల 10న తెలంగాణ బంద్‌కు బీజేపీ పిలుపునిచ్చింది.

bjp call for telangana state bandh

BJP : ఉద్యోగ, ఉపాధ్యాయులకు ఈ జీవోతో ఇబ్బందులంటున్న కమలనాథులు..

ఉద్యోగ, ఉపాధ్యాయులు ఈ బంద్‌లో పాల్గొని విజయవంతం చేయాలని కమలనాథులు పిలుపునిచ్చారు. ఈ జీవో వలన ఉద్యోగులు స్థానికత కోల్పోతున్నారని కమలం పార్టీ నేతలు ఆరోపిస్తున్నారు. జీవో నెం.317కు వ్యతిరేకంగా దీక్ష చేసిన బండి సంజయ్ పోలీసులు అరెస్టు చేయగా, కోర్టు బెయిల్ మంజూరు చేసింది.