Velidanda : వెలిదండలో సీసీ రోడ్ల నిర్మాణానికి శంకుస్థాపన ..
Authored By Prahbas Gilakathula
| The Telugu News | Updated on :
13 March 2026,
6:00 pm 
Velidanda : వెలిదండలో సీసీ రోడ్ల నిర్మాణానికి శంకుస్థాపన ..
Velidanda : గరిడేపల్లి మండలం వెలిదండ గ్రామంలో గ్రామాభివృద్ధికి మరొక కీలకమైన అడుగు పడింది. గ్రామంలో నూతనంగా నిర్మించబోయే సీసీ రోడ్ల పనులకు శంకుస్థాపన కార్యక్రమం ఘనంగా నిర్వహించారు. సుమారు రూ.10 లక్షల వ్యయంతో చేపట్టనున్న ఈ పనులు గ్రామ ప్రజలకు మెరుగైన రవాణా సౌకర్యాలను కల్పించనున్నాయి. ఈ అభివృద్ధి కార్యక్రమం నీటిపారుదల శాఖ మరియు పౌరసరఫరాల శాఖ మంత్రి నలమాద ఉత్తమ్ కుమార్ రెడ్డి గారి సహకారంతో చేపట్టబడింది. గ్రామ ప్రజల అవసరాలను దృష్టిలో పెట్టుకుని ఈ రోడ్ల నిర్మాణాన్ని ప్రారంభించడం పట్ల స్థానికులు హర్షం వ్యక్తం చేశారు. కాంగ్రెస్ పార్టీ మండల అధ్యక్షుడు త్రిపురం అంజన్ రెడ్డి గారు కొబ్బరికాయ కొట్టి శంకుస్థాపన కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ గ్రామాభివృద్ధికి మంత్రి ఉత్తమ్ కుమార్ రెడ్డి గారు ఎప్పటికప్పుడు సహకారం అందిస్తున్నారని తెలిపారు. వెలిదండ గ్రామాన్ని మరింత అభివృద్ధి దిశగా తీసుకెళ్లేందుకు రాబోయే రోజుల్లో మరిన్ని అభివృద్ధి పనులు చేపట్టనున్నట్లు చెప్పారు.
Velidanda : వెలిదండలో సీసీ రోడ్ల నిర్మాణానికి శంకుస్థాపన ..
గ్రామ సర్పంచ్ చెన్నగాని సాంబయ్య గారు కూడా మాట్లాడుతూ .. గ్రామ ప్రజల మౌలిక వసతుల మెరుగుదల కోసం ప్రభుత్వం కృషి చేస్తోందని అన్నారు. సీసీ రోడ్ల నిర్మాణంతో గ్రామంలో రవాణా సౌకర్యాలు మెరుగుపడటంతో పాటు వర్షాకాలంలో ఎదురయ్యే సమస్యలు తగ్గుతాయని తెలిపారు. ఈ కార్యక్రమంలో ఉప సర్పంచ్ యానాల సోమయ్య, కాంగ్రెస్ పార్టీ ఉపాధ్యక్షుడు జంగం కోటేశ్వరావు, వార్డ్ సభ్యులు గండు యల్లయ్య, కమల్ల వెంకటి, కమల్ల శ్రీకాంత్, మరియు యూత్ నాయకులు చెన్నగాని జగన్, బెల్లంకొండ రఘు, మాశెట్టి నర్సింహారావు, కాంగ్రెస్ పార్టీ నాయకులు వంగాల అంజయ్య చారి, వల్లపుదాస్ రాజు, కమల్ల కిరణ్, క్యాసుగాని జానకిరాములు, గండు వెంకటి ,చెన్నగాని నగేష్, కరంగుల వీరయ్య, కమల ధైర్ణప్ప, తూముల బ్రహ్మయ్య, తదితరులు పాల్గొని కార్యక్రమాన్ని విజయవంతం చేశారు.
గ్రామ ప్రజల భాగస్వామ్యంతో ప్రారంభమైన ఈ సీసీ రోడ్ల నిర్మాణం త్వరలో పూర్తై గ్రామానికి మరింత అభివృద్ధిని తీసుకురావాలని స్థానికులు ఆకాంక్షించారు.
