Mobile Cancer Screening Vehicles : అన్ని జిల్లాల్లో అందుబాటులోకి మొబైల్ క్యాన్సర్ స్క్రీనింగ్ వాహనాలు !

Mobile Cancer Screening Vehicles : స‌మాజంలో క్యాన్స‌ర్ మ‌హ‌మ్మారి రోజురోజుకు విస్త‌రిస్తున్న‌ది. తెలంగాణ‌లోని ప‌లు జిల్లాల్లో చేప‌ట్టిన‌ స్పెషల్ డ్రైవ్‌ల ద్వారా క్యాన్సర్ కేసులు భయంకరంగా పెరుగుతున్నట్లుగా తేలింది. దీంతో రాష్ట్రంలోని ప్రతి జిల్లాలో ఆపరేట్ చేయడానికి క్యాన్సర్ స్క్రీనింగ్ వాహనాల‌ను కొనుగోలు చేయాలని ప్రభుత్వం ప్రతిపాదించింది. అధికారులు తెలిపిన వివరాల ప్రకారం.. వాహనాలను కొనుగోలు చేసేందుకు రూ.170 కోట్ల నిధులు మంజూరు చేయాలని మెహదీ నవాజ్ జంగ్ (ఎంఎన్‌జే) క్యాన్సర్‌ ఆస్పత్రి ప్రభుత్వానికి ప్రతిపాదించింది. జిల్లాల్లో చాలా మందికి క్యాన్సర్ వ్యాధి ఉందని తెలియద‌ని పేర్కొంది.

MNJ క్యాన్సర్ ఆసుపత్రి ఆదిలాబాద్, మహబూబ్‌నగర్ మరియు ఖమ్మం జిల్లాల్లోని గ్రామాలలో ప్రజలను పరీక్షించడానికి డ్రైవ్‌ను చేపట్టింది. ఈ డ్రైవ్‌లో గ్రామీణ ప్రజలలో, ముఖ్యంగా మహిళల్లో భయంకరమైన క్యాన్సర్ కేసులను గుర్తించింది. ఈ డ్రైవ్‌లో ఎక్కువ‌గా నోరు, రొమ్ము మరియు ఎముక క్యాన్స‌ర్ కేసులు బ‌హిర్గ‌తమైన‌ట్లుగా వెల్ల‌డించింది. స్క్రీనింగ్ చేసిన మహిళల్లో ఎక్కువ మంది రొమ్ము క్యాన్సర్‌తో బాధపడుతున్నారని అధికారులు తెలిపారు.

ఈ వాహనాలకు ల్యాబ్, ఇతర చికిత్సా పరికరాలు ఉంటాయని తెలిపారు. ప్రతి జిల్లాలో 38 వాహనాలు నడపాలని ఆసుపత్రి కోరినట్లు సంబంధిత వర్గాలు తెలిపాయి. ఒక్కో వాహనం, సామగ్రితో కలిపి దాదాపు రూ.2.5 కోట్లు ఖర్చయ్యే అవకాశం ఉంది. రాష్ట్రంలో గత కొన్నేళ్లుగా క్యాన్సర్ కేసులు పెరుగుతున్నాయి. 2022లో రాష్ట్రంలో సుమారు 1,000 బ్రెస్ట్ క్యాన్సర్ కేసులు నమోదయ్యాయి. 2023లో 1,500కి పెరిగాయి. ఇది ప్రమాదకర పెరుగుదల రేటును చూపుతోంది.

Mobile Cancer Screening Vehicles : అన్ని జిల్లాల్లో అందుబాటులోకి మొబైల్ క్యాన్సర్ స్క్రీనింగ్ వాహనాలు !

వ్యాధిని అధిగమించడానికి వైద్యులు ముందుగానే గుర్తించి చికిత్స చేయాలని స్ప‌ష్టం చేశారు. మొదటి లేదా రెండవ వంటి ప్రారంభ దశలో గుర్తించినట్లయితే నయం చేయవచ్చు. అయినప్పటికీ, చాలా సందర్భాలలో రోగులకు సమస్య ఉందని తెలియదు, వారు చెకప్ కోసం వచ్చే సమయానికి చివరి దశలో ఉంటార‌ని ఆంకాలజిస్టులు తెలుపుతున్నారు. జీవనశైలిలో మార్పులు, ఒత్తిడి స్థాయిలు పెరగడం, శారీరక శ్రమ లేకపోవడం వంటివి కేసులు పెరగడానికి ప్రధాన కారణాలని వారు పేర్కొన్నారు.