Husband : లంచ‌గొండి భార్య‌ని రెడ్ హ్యాండెడ్‌గా ప‌ట్టించిన భర్త…!
ప్రధానాంశాలు:
Husband : లంచ‌గొండి భార్య‌ని రెడ్ హ్యాండెడ్‌గా ప‌ట్టించిన భర్త...!
Husband : ఈ మధ్య లంచ‌గొండిల భ‌ర‌తం ప‌డుతున్నారు పోలీసులు. ప‌క్కా స‌మాచారంతో రైడ్ చేయ‌డంతో లక్షలు, కోట్లు కూడా దొరుకుతున్నాయి. అయితే ఇప్పుడు స్వ‌యంగా ఓ భర్త తన భార్య లంచం తీసుకుందంటూ సంచలన ఆరోపణలు చేస్తూ వీడియో తీసాడు. ప్రభుత్వ ఉద్యోగి అయిన తన భార్య భారీగా లంచాలు తీసుకుంటున్నట్లు ఓ భర్త సంచలన ఆరోపణలు చేశారు. హైదరాబాద్లో మున్సిపల్‌ ఇంజినీర్‌గా పని చేస్తున్న దివ్యజ్యోతిపై ఆమె భర్త శ్రీపాద బుధవారం తీవ్ర ఆరోపణలు చేశారు. గుత్తేదారుల నుంచి ఆమె భారీ ఎత్తున లంచాలు తీసుకొంటున్నట్లు సోషల్ మీడియా వేదికగా నోట్ల కట్టల వీడియోలను విడుదల చేశారు. రోజూ రూ.లక్షల్లో డబ్బు తీసుకొచ్చి బెడ్రూం, అల్మారాలు, పూజ గదుల్లో దాచిపెడుతున్నట్లు తెలిపారు.
Husband నా భార్య లంచ‌గొండి..
ప్రతి పనికి కమీషన్‌ కావాలంటూ గుత్తేదారులను బెదిరించి రూ.లక్షల్లో లంచం తీసుకుంటున్నట్లు చెప్పారు. మణికొండ మున్సిపాలిటీలో డిప్యూటీ ఎగ్జిక్యూటివ్ ఇంజనీర్ (డీఈఈ)గా విధులు నిర్వహిస్తూ లంచం తీసుకుంటున్న తన భార్య దివ్యజ్యోతిపై భర్త శ్రీపాద్ నాటకీయ పరిణామాలను బయటపెట్టాడు. శ్రీపాద్ తన భార్య పెద్ద మొత్తంలో లంచాలు తీసుకుంటున్న వీడియోలను రికార్డ్ చేసి, ఆ ఫుటేజీని మీడియాతో పంచుకున్నాడు. శ్రీపాద్ ప్రకారం, దివ్యజ్యోతి క్రమం తప్పకుండా ఇంటికి గణనీయమైన మొత్తంలో డబ్బు తెచ్చేది, ఆమె ఇంటిలో ఎక్కడ చూసినా డబ్బు కట్టలే. ఈ విషయమై వారిద్దరికీ తరచూ గొడవలు జరుగుతుండేవి. అతనిని మాటలతో దుర్భాషలాడేది. ఇక పరిస్థితిని తట్టుకోలేక, శ్రీపాద్ విడాకుల కోసం దరఖాస్తు చేశాడు.
Husband : లంచ‌గొండి భార్య‌ని రెడ్ హ్యాండెడ్‌గా ప‌ట్టించిన భర్త…!
ఆమె చట్టవిరుద్ధ కార్యకలాపాలను రికార్డ్ చేయడం ద్వారా విషయాలను తన చేతుల్లోకి తీసుకోవాలని నిర్ణయించుకున్నాడు. శ్రీపాద్ అందించిన వీడియోలు దివ్యజ్యోతి అవినీతి కార్యకలాపాలకు పాల్పడుతున్నట్లు చూపుతున్నాయి. ఈ విషయంపై పోలీసులు చర్యలు తీసుకోవలసి ఉంది. ఇంట్లో ప్రతిచోట కట్టల కట్టల డబ్బులు చూపిస్తూ 20 నుంచి 30 లక్షలు తీసుకొస్తుంద‌ని ఆమె భర్త చెప్ప‌డం విశేషం. ఎన్నిసార్లు ప్రవర్తన మార్చుకోమని చెప్పినా మార్చుకొక పోవటంతో వీడియోలు మీడియాకు పంపించారు. తన భార్య ఆమె తమ్ముడికి రూ.70 లక్షలు అకౌంట్‌లోకి వేసిందని.. మరో రూ.40 లక్షలు క్యాష్‌గా ఇచ్చిందని చెప్పారు. డబ్బులు ఎక్కువకావడంతో ఇంట్లో ఎవరిని లెక్క చేయట్లేదన్నారు. అంతేకాకుండా భార్యతో మాట్లాడిన ఆడియోలను లీక్ చేశారు. ప్రస్తుతం ఈ వీడియోలు, ఆడియోలు సోషల్ మీడియాలో తెగ వైరల్ అవుతున్నాయి.
Also read
