Gunde Ninda Gudi Gantalu Today Episode : మనోజ్ అసలు రంగు బయటపడింది.. బాలు కోసం ప్రభావతి సంచలన నిర్ణయం!
Gunde Ninda Gudi Gantalu Today Episode November 18, 2026: బుల్లితెర ప్రేక్షకులను ఆకట్టుకుంటున్న ‘గుండె నిండా గుడిగంటలు’ సీరియల్లో బుధవారం ఎపిసోడ్ ఆసక్తికర మలుపులతో సాగింది. ఇంటిని కాపాడుకునేందుకు బాలు చేస్తున్న ప్రయత్నాలు ఒకవైపు, తన వల్లే కుటుంబం అప్పుల్లో కూరుకుపోయినా బాధ్యత తీసుకోనంటున్న మనోజ్ ప్రవర్తన మరోవైపు ప్రభావతిని తీవ్రంగా కలచివేశాయి. చింతామణి పంపిన మనిషి రూ.1.50 లక్షల వడ్డీని మూడు రోజుల్లో చెల్లించాలని హెచ్చరించడంతో ఇంట్లో టెన్షన్ మొదలైంది. ఈ పరిస్థితుల్లో తన పెళ్లిరోజు ఉంగరాన్ని తాకట్టు పెట్టేందుకు సత్యం సిద్ధపడగా, బాలు కుటుంబానికి అండగా నిలిచాడు. మరోవైపు మీనా బాలుకు తెలియకుండా రూ.40 వేలు అందించేందుకు ప్రయత్నించడం కథను మరో మలుపు తిప్పింది.గత ఎపిసోడ్లో సుమతి, అరుణ్ ప్రేమ వ్యవహారం ఇంట్లో వివాదానికి కారణమైంది. బాలు చెప్పినట్లుగా సుమతి అరుణ్కు కనిపించకుండా వెళ్లిపోవడంతో అతడు తీవ్రంగా బాధపడతాడు. తమ ప్రేమకు బాలు అడ్డుగా ఉన్నాడని భావించి కోపం పెంచుకుంటాడు.
Gunde Ninda Gudi Gantalu Today Episode : మనోజ్ అసలు రంగు బయటపడింది.. బాలు కోసం ప్రభావతి సంచలన నిర్ణయం!
చింతామణి కొత్త కుట్ర.. రూ.1.50 లక్షల వడ్డీ కోసం ప్రభావతి ఇంట్లో గొడవ!
మరోవైపు సుమతి పెళ్లి గురించి మీనా తన తల్లి పార్వతితో మాట్లాడుతుంది. సుమతికి ఇష్టం లేని పెళ్లి చేయవద్దని కోరినా పార్వతి మాత్రం బాలు మాటకే ప్రాధాన్యం ఇస్తానని చెబుతుంది. దీంతో సుమతి తన ప్రేమను త్యాగం చేయాలని నిర్ణయించుకుని అరుణ్ను మర్చిపోవాలని కోరుతుంది. కానీ అరుణ్ అంగీకరించడు. సుమతికి మద్దతుగా నిలిచిన శివ చివరకు బాలు ఇంటికి వచ్చి ఆమెకు నచ్చిన అరుణ్తోనే పెళ్లి జరిపించాలని అడుగుతాడు. ఇదిలా ఉండగా రోహిణి మరో నాటకానికి తెరతీస్తుంది. అత్త ప్రభావతి, భర్త మనోజ్ను నమ్మించేందుకు తన స్నేహితురాలు విద్యను ఉపయోగించుకోవాలని భావిస్తుంది. మహేష్ అనే వ్యక్తితో ఫోన్లో మాట్లాడుతున్నట్లు నటించమని విద్యను కోరగా ఆమె అంగీకరిస్తుంది.
ఇంటి జప్తు ప్రయత్నం విఫలం.. చింతామణి మరో ప్లాన్
ప్రభావతి కుటుంబాన్ని ఎలాగైనా ఇబ్బందులకు గురిచేయాలని చింతామణి ప్రయత్నిస్తూనే ఉంటుంది. ఇప్పటికే ఇంటిని జప్తు చేయించాలనుకున్నా కోర్టు స్టే కారణంగా ఆమె ప్రయత్నం ఫలించలేదు. అయినా వెనక్కి తగ్గని చింతామణి ఈసారి అప్పు వడ్డీ పేరుతో కుటుంబాన్ని ఆర్థికంగా దెబ్బతీయాలని నిర్ణయిస్తుంది. రూ.50 లక్షల అప్పుకు సంబంధించిన వడ్డీ వసూలు చేసి రావాలని తన అసిస్టెంట్లను ప్రభావతి ఇంటికి పంపిస్తుంది. అయితే అక్కడ బాలు ఉంటాడని, అతడంటే భయమని ఒక అసిస్టెంట్ చెబుతాడు. దీంతో చింతామణి అతడిని రెచ్చగొట్టి, ఎవరినీ లెక్కచేయకుండా డబ్బులు తీసుకురావాలని ఆదేశిస్తుంది.
ప్రభావతి ఇంట్లో అసిస్టెంట్ ఓవరాక్షన్
ఇంటికి వచ్చిన చింతామణి అసిస్టెంట్ మొదటి నుంచే దురుసుగా ప్రవర్తిస్తాడు. ఎవరు నువ్వు? ఎందుకు వచ్చావు? అని ప్రభావతి ప్రశ్నించినా పట్టించుకోకుండా వడ్డీ డబ్బులు ఇవ్వాలని డిమాండ్ చేస్తాడు. ప్రభావతి కుటుంబ సభ్యులందరినీ పిలవడంతో అతడి అహంకారం మరింత పెరుగుతుంది. ఇంత చిన్న ఇంట్లో ఇంతమంది ఉంటున్నారా? మీ ఇల్లు మా అక్క బాత్రూం అంత కూడా లేదంటూ అవమానిస్తాడు. వెంటనే శృతి స్పందించి.. మీ అక్క బాత్రూంలోనే వండుకుంటుందా? అక్కడే పడుకుంటుందా? అంటూ గట్టి కౌంటర్ ఇస్తుంది. అయినా అతడు తగ్గకుండా తాగడానికి చల్లగా ఏదైనా తీసుకురావాలని ఆర్డర్ వేస్తాడు. అతడి మాటలకు సత్యం కూడా అసహనం వ్యక్తం చేస్తాడు.
అసిస్టెంట్ చెంపపై కొట్టిన బాలు
అసిస్టెంట్ ప్రవర్తనతో సహనం కోల్పోయిన బాలు అతడి చెంపపై కొడతాడు. కుటుంబ సభ్యులు కూడా గట్టిగా నిలదీయడంతో అతడి పొగరు తగ్గిపోతుంది. తాను కేవలం చింతామణి పంపిన రాయబారినని చెబుతూ ఆమె ఇచ్చిన లేఖను బయటపెడతాడు. రూ.50 లక్షల అప్పుకు సంబంధించి రూ.1.50 లక్షల వడ్డీని మూడు రోజుల్లో చెల్లించాలని చింతామణి లేఖలో డిమాండ్ చేస్తుంది. గడువులోగా డబ్బులు ఇవ్వకపోతే ఇంటిని మరోసారి జప్తు చేయించేందుకు ప్రయత్నిస్తానని హెచ్చరిస్తుంది. లేఖ అందించిన అసిస్టెంట్ అక్కడి నుంచి వెళ్లిపోతాడు.
మనోజ్పై ప్రభావతి ఆగ్రహం.. బాలుకు మీనా రూ.40 వేల సాయం!
మూడు రోజుల్లో రూ.1.50 లక్షలు సమకూర్చాలనే విషయం తెలియడంతో ప్రభావతి కుటుంబం ఆందోళన చెందుతుంది. అంత తక్కువ సమయంలో అంత పెద్ద మొత్తం ఎలా తెచ్చుకోవాలో ఎవరికీ అర్థం కాదు. ఈ సమయంలో సత్యం కుటుంబం కోసం త్యాగానికి సిద్ధపడతాడు.
పెళ్లిరోజు ఉంగరాన్ని తాకట్టు పెట్టేందుకు సత్యం సిద్ధం
తన చేతికి ఉన్న బంగారు ఉంగరాన్ని తాకట్టు పెట్టి డబ్బులు తీసుకురావాలని సత్యం సూచిస్తాడు. అది సాధారణ ఉంగరం కాదు. మొదటి పెళ్లిరోజు సందర్భంగా ప్రభావతి ప్రేమతో ఇచ్చిన బహుమతి. ఎన్నో కష్టాలు వచ్చినా ఇన్నాళ్లు సత్యం ఆ ఉంగరాన్ని చేతి నుంచి తీయలేదు. ఇప్పుడు కుటుంబాన్ని కాపాడుకునేందుకు దానిని కూడా వదులుకోవడానికి సిద్ధపడటంతో పరిస్థితి ఎంత తీవ్రంగా ఉందో అందరికీ అర్థమవుతుంది.
తలో రూ.50 వేలు ఇస్తే సమస్య తీరుతుందన్న బాలు
సత్యం నిర్ణయం విన్న బాలు మరో మార్గం సూచిస్తాడు. ఇంట్లో సంపాదించే ముగ్గురం తలో రూ.50 వేలు సమకూర్చితే రూ.1.50 లక్షలు వస్తాయని చెబుతాడు. దీంతో కనీసం ప్రస్తుత నెలలో ఇంటి జప్తు ప్రమాదం నుంచి బయటపడవచ్చని వివరిస్తాడు. రవి కూడా అందుకు అంగీకరిస్తాడు. కానీ మనోజ్ మాత్రం తనకు ఈ అప్పుతో సంబంధం లేదని తేల్చేస్తాడు. ఇంటిపై స్టే తీసుకురావడం కూడా అనవసరమని, ఇల్లు పోతే పోయిందని నిర్లక్ష్యంగా మాట్లాడతాడు. ఈ మాయదారి ఇంటి గురించి తనకు పట్టింపు లేదని చెప్పడంతో కుటుంబ సభ్యులు షాక్ అవుతారు.
మనోజ్కు ప్రభావతి గట్టి క్లాస్
ఇన్నాళ్లు మనోజ్ను అందరికంటే ఎక్కువగా గారాబం చేసిన ప్రభావతి అతడి మాటలతో తీవ్ర ఆగ్రహానికి గురవుతుంది. తల్లిదండ్రుల పరువు, ఇంటి గౌరవం గురించి ఆలోచించకుండా ఇంత నిర్లక్ష్యంగా మాట్లాడతావా? అంటూ నిలదీస్తుంది. రూ.50 లక్షల అప్పుతో కుటుంబాన్ని కష్టాల్లోకి నెట్టిన మనోజ్ బాధ్యత తీసుకోకపోవడం ఆమెను మరింత బాధపెడుతుంది. అదే సమయంలో తనకు అంతగా నచ్చని బాలు మాత్రం కుటుంబం కోసం రూ.50 వేలు సమకూర్చేందుకు ముందుకు రావడం ప్రభావతిని ఆలోచింపజేస్తుంది. బాలును ఇన్నాళ్లు సరిగా అర్థం చేసుకోలేకపోయానని, తన పెంపకంలోనే తప్పు జరిగిందని మనోజ్కు చురకలు అంటిస్తుంది. సత్యం కూడా మనోజ్పై మండిపడుతూ అతడి వల్ల కుటుంబానికి అజ్ఞాతవాసం, అరణ్యవాసం తప్పడం లేదని అంటాడు. ప్రస్తుతానికి వడ్డీ చెల్లించడమే ముఖ్యమని, అందరూ సాయంత్రంలోగా తమ వంతు డబ్బులు తీసుకురావాలని నిర్ణయిస్తాడు.
బాలుకు రూ.40 వేలు ఇవ్వాలనుకున్న మీనా
బాలు తన వంతు రూ.50 వేల కోసం ప్రయత్నాలు మొదలుపెడతాడు. అయితే అతడి దగ్గర రూ.10 వేలు మాత్రమే ఉంటాయి. ఈ విషయం తెలుసుకున్న మీనా తన దగ్గరున్న రూ.40 వేలు ఇవ్వడానికి ముందుకొస్తుంది. కానీ సుమతి పెళ్లి విషయంలో తన మాటకు విలువ ఇవ్వడం లేదనే కోపంతో బాలు ఆ డబ్బులు తీసుకోడు. కుటుంబం కోసం అవసరమైతే ఎవరి జుట్టు పట్టుకోవడానికైనా, కాళ్లు పట్టుకోవడానికైనా వెనుకాడనని మీనా చెబుతుంది. అయినప్పటికీ బాలు డబ్బులు తిరిగి ఆమె చేతిలో పెట్టేసి తానే సంపాదించుకుంటానంటూ వెళ్లిపోతాడు. దీంతో బాలుకు తెలియకుండా సాయం చేయాలని మీనా నిర్ణయించుకుంటుంది.
రవిని నీతూ రెస్టారెంట్ నుంచి తీసుకెళ్లాలనుకుంటున్న శృతి
మరోవైపు రవి రెస్టారెంట్లో మేనేజర్ నీతూతో పనుల గురించి మాట్లాడుతుంటాడు. శృతి ఫోన్ చేయడంతో బయటకు వెళ్లి మాట్లాడతాడు. ఇంటి అప్పు వడ్డీ కోసం డబ్బులు ఉన్నాయా అని శృతి అడుగుతుంది. తన దగ్గర రూ.15 వేలు మాత్రమే ఉన్నాయని, మిగిలిన డబ్బు కోసం నీతూను అడుగుతానని రవి చెబుతాడు. అయితే శృతి అందుకు అంగీకరించదు. సరైన గౌరవం లేని చోట పనిచేయడం ఎందుకని ప్రశ్నిస్తుంది. ఇద్దరూ కలిసి కొత్త రెస్టారెంట్ ప్రారంభిద్దామని సూచిస్తుంది. రవి మాత్రం పని ఉందంటూ వెళ్లిపోతాడు. ఇదంతా గమనించిన నీతూ.. రవి మనసు మార్చడానికి మళ్లీ వచ్చావా అని శృతిని ప్రశ్నిస్తుంది. అతడు తన భర్త అని, తన రెస్టారెంట్లో పనిచేయనప్పుడు నీతూ రెస్టారెంట్లో ఎందుకు పనిచేయాలని శృతి కౌంటర్ ఇస్తుంది. దీంతో రవికి తగిన గుర్తింపు ఇవ్వాలనే ఆలోచన నీతూలో మొదలైనట్లు కనిపిస్తుంది.
Also Read : Gold Price : బంగారం ధరలు తగ్గుతున్నాయ్.. ఇప్పుడే కొనాలా? ఇంకా ఆగాలా? తులం రూ.80 వేలకు వస్తుందా?
రాజేష్ ద్వారా బాలుకు చేరిన రూ.40 వేలు
ఇంకోవైపు బాలు తన స్నేహితులకు ఫోన్ చేసి అప్పు అడుగుతుంటాడు. అప్పుడే వచ్చిన రాజేష్ విషయం తెలుసుకుంటాడు. మూడు రోజుల్లో రూ.1.50 లక్షల వడ్డీ చెల్లించాలని, తన వంతుగా రూ.50 వేలు సమకూర్చుకోవాలని బాలు చెబుతాడు. దీంతో రాజేష్ తన దగ్గర రూ.40 వేలు ఉన్నాయని, డ్రైవింగ్ స్కూల్తోపాటు బాలు కారు విడుదలకు సంబంధించిన డబ్బులని చెప్పి అందిస్తాడు. బాలు ఆ డబ్బులు తీసుకుని అవి ఎక్కడి నుంచి వచ్చాయని మరోసారి అడుగుతాడు. అప్పుడు రాజేష్.. దేవీ నవరాత్రులు చేశావు కదా, ఏ దేవత కరుణించిందో అంటూ పరోక్షంగా మీనా సాయం గురించి చెబుతాడు. దీంతో ఆ డబ్బులు మీనా అందించినవేనని బాలుకు అర్థమవుతుందా? ఆమె చేసిన సాయాన్ని అంగీకరిస్తాడా? అనేది ఆసక్తికరంగా మారింది. మరోవైపు చింతామణి పెట్టిన గడువులోగా కుటుంబం వడ్డీ చెల్లించగలుగుతుందా? మనోజ్ బాధ్యత తెలుసుకుంటాడా? రవికి నీతూ సరైన గుర్తింపు ఇస్తుందా? అనే ప్రశ్నలతో ఎపిసోడ్ ముగిసింది. తదుపరి ఎపిసోడ్లో ఈ సమస్యలకు ఎలాంటి పరిష్కారం దొరుకుతుందో చూడాలి. Gunde Ninda Gudi Gantalu, Gunde Ninda Gudi Gantalu November 18, Balu Meena, Prabhavathi Manoj, Telugu Serial Update







