బుల్లితెర ప్రేక్షకులను ఎంతగానో ఆకట్టుకుంటున్న ‘కార్తీక దీపం 2’ సీరియల్ (Karthika Deepam 2 Serial) రోజుకో మలుపు తిరుగుతోంది. శనివారం నాటి ఎపిసోడ్ (జనవరి 31) లో ఊహించని పరిణామాలు చోటుచేసుకున్నాయి. తన తండ్రి దాస్ కిడ్నాప్ వెనుక జ్యోత్స్న హస్తం ఉందని పారు అనుమానిస్తుండగా.. మరోవైపు సుమిత్రను చంపడానికి జ్యోత్స్న వేసిన ప్లాన్ బెడిసికొట్టింది. ఆ పూర్తి వివరాలు ఇప్పుడు చూద్దాం.

Karthika Deepam 2 Today Episode : పారుకి జ్యోత్స్నపై అనుమానం

ముందుగా కార్తీక్ చెప్పిన ప్లాన్ ప్రకారం.. పారు (Paru) జ్యోత్స్న దగ్గరికి వెళ్లింది. “నా కొడుకు దాస్ కనిపించడం లేదు, పోలీస్ కంప్లైంట్ ఇవ్వడానికి తోడు రా” అని అడిగింది. దీంతో జ్యోత్స్న ఒక్కసారిగా షాక్ అయ్యింది. ఆమె ముఖంలో మారుతున్న రంగులను గమనించిన పారుకి అనుమానం బలపడింది. “నన్ను పట్టించుకోని తండ్రి గురించి నాకెందుకు?” అని జ్యోత్స్న కోపంగా అక్కడి నుంచి వెళ్లిపోయింది. ఇదే విషయాన్ని పారు కార్తీక్ (Karthik) కు చెబుతూ.. దాస్ కిడ్నాప్ వ్యవహారంలో జ్యోత్స్న పాత్ర కచ్చితంగా ఉందని అనుమానం వ్యక్తం చేసింది.

Karthika Deepam 2 Today Episode : శ్రీధర్ ని పిలిపించిన కాంచన

మరోవైపు కాశీ (Kasi), స్వప్నలను కలపడమే లక్ష్యంగా కాంచన.. శ్రీధర్ ని తన ఇంటికి పిలిపించింది. స్వప్న క్షమిస్తే కాశీ తన ఇంటికి వస్తాడని, అలాగే తనను కూడా కాంచన క్షమించాలని శ్రీధర్ కోరాడు. ఇంతలో కార్తీక్, దీప (Deepa) అక్కడకు చేరుకున్నారు. “నా తల్లి నిర్ణయమే నాకు శిరోధార్యం. కానీ కొడుకుగా మీరిద్దరూ కలిసి ఉండాలనే కోరుకుంటాను” అని కార్తీక్ ఎమోషనల్ అయ్యాడు. అయితే, కాంచన మాత్రం తాను కేవలం కాశీ, స్వప్నల జీవితాల కోసమే శ్రీధర్ ని పిలిచానని స్పష్టం చేసింది.

దీప గాయంపై కాంచన ఆరా

దీప చేతికి ఉన్న బ్యాండేజ్ చూసి కాంచన కంగారు పడింది. “రక్తం ఏమైనా ఇచ్చావా?” అని ప్రశ్నించింది. దీంతో కార్తీక్ కలుగజేసుకుని, గైనకాలజిస్ట్ దగ్గర బ్లడ్ శాంపిల్స్ తీసుకున్నారని కవర్ చేశాడు. బిడ్డ క్షేమంగా ఉందని చెప్పడంతో కాంచన సంతోషించింది. కానీ, రాత్రి దీపను చంపడానికి వచ్చిన ఆగంతకుడి గురించి తలచుకుని కాంచన భయపడింది. ఆ విషయం తాను చూసుకుంటానని కార్తీక్ ధైర్యం చెప్పాడు.

జ్యోత్స్న కుట్ర.. దశరథ ఎంట్రీ

ఇక సుమిత్ర ఆరోగ్యం గురించి కార్తీక్, కాంచనతో మాట్లాడుతూ.. ఆపరేషన్ అయ్యే వరకు టాబ్లెట్స్ వాడుతే సరిపోతుందని, దశరథ్ మామయ్య దగ్గరుండి చూసుకుంటారని చెప్పాడు. కానీ, సుమిత్ర బతికుంటే తనకు సమస్య అని భావించిన జ్యోత్స్న (Jyotsna).. ఆమె గదిలోకి వెళ్లింది. “నువ్వుంటే నాకు ప్రాబ్లమ్.. నువ్వు పోతేనే నాకు రిలీఫ్” అని మనసులో అనుకుంటూ.. సుమిత్ర వేసుకోవాల్సిన టాబ్లెట్స్ ని డస్ట్ బిన్ లో పడేసింది. సరిగ్గా అదే సమయానికి దశరథ (Dasaratha) అక్కడకు వచ్చి ఆ దృశ్యాన్ని చూశాడు. జ్యోత్స్న మందులు పడేయడం చూసి దశరథ షాక్ అవ్వగా.. అతన్ని చూసి జ్యోత్స్న బిత్తరపోయింది.

తదుపరి ఎపిసోడ్ లో జ్యోత్స్నను దశరథ ఎలా నిలదీస్తాడు? ఈ విషయం కార్తీక్ కు తెలుస్తుందా? అనేది ఆసక్తికరంగా మారింది.