Lok Sabha Election Results 2024 : లోక్‌స‌భ ఎన్డీయే.. ఏపీ టీడీపీ.. తెలంగాణా కాంగ్రెస్ 8, బీజేపీ 8..! | The Telugu News : Latest Telugu News | Breaking News Telugu | తెలుగు వార్త‌లు | బ్రేకింగ్ న్యూస్ తెలుగు

Lok Sabha Election Results 2024 : లోక్‌స‌భ ఎన్డీయే.. ఏపీ టీడీపీ.. తెలంగాణా కాంగ్రెస్ 8, బీజేపీ 8..!

Lok Sabha Election Results  : దేశవ్యాప్తంగా పార్లమెంట్, పలు రాష్ట్రాలకు సంబంధించి అసెంబ్లీ ఎన్నికల ఫలితాలు విడుదలవుతున్నాయి. మరికొన్ని గంటల్లో ఎవరి భవిష్యత్‌ ఏంటో తేలిపోనుంది. ఏపీలో మరో ఐదేళ్లు ఎవరి పాలించనున్నారో స్పష్టం కానుంది. ఏపీ అసెంబ్లీ సహా దేశవ్యాప్తంగా మొత్తం 543 లోక్ సభ స్థానాలకు సంబంధించి ఇప్పటికే ప్రజలు తమ తీర్పును ఈవీఎంల్లో నిక్షిప్తం చేశారు… ప్రజల మనసులు గెలుచుకుంది ఎవరు… అధికారంలోకి రానున్నది ఎవరనే విషయంలో క్లారిటీ రానుంది. కేంద్రంలో […]

 Authored By ramu | The Telugu News | Updated on :4 June 2024,8:54 am

ప్రధానాంశాలు:

  •  Lok Sabha Election Results 2024 : లోక్‌స‌భ ఎన్డీయే.. ఏపీ టీడీపీ.. తెలంగాణా కాంగ్రెస్ 8, బీజేపీ 8..!

Lok Sabha Election Results  : దేశవ్యాప్తంగా పార్లమెంట్, పలు రాష్ట్రాలకు సంబంధించి అసెంబ్లీ ఎన్నికల ఫలితాలు విడుదలవుతున్నాయి. మరికొన్ని గంటల్లో ఎవరి భవిష్యత్‌ ఏంటో తేలిపోనుంది. ఏపీలో మరో ఐదేళ్లు ఎవరి పాలించనున్నారో స్పష్టం కానుంది. ఏపీ అసెంబ్లీ సహా దేశవ్యాప్తంగా మొత్తం 543 లోక్ సభ స్థానాలకు సంబంధించి ఇప్పటికే ప్రజలు తమ తీర్పును ఈవీఎంల్లో నిక్షిప్తం చేశారు…

ప్రజల మనసులు గెలుచుకుంది ఎవరు… అధికారంలోకి రానున్నది ఎవరనే విషయంలో క్లారిటీ రానుంది. కేంద్రంలో ఎవరు అధికారంలోకి రానున్నారు, ప్రధాని మోదీ హ్యాట్రిక్ కొడతారా అనేది మరికొన్ని గంటల్లో తేలిపోనుంది.

Lok Sabha Election Results  లోక్ సభ ట్రెండ్స్

Lok Sabha Election Results లోక్‌స‌భ ఎన్డీయే లీడ్‌ ఏపీ టీడీపీ తెలంగాణా బీజేపీ

Lok Sabha Election Results : లోక్‌స‌భ ఎన్డీయే లీడ్‌.. ఏపీ టీడీపీ.. తెలంగాణా బీజేపీ…!

లోక్ సభ ఫలితాల్లో ఎన్డీయే హవా కనిపిస్తోంది. ప్రస్తుతం అందుతున్న సమాచారం మేరకు 263 స్థానాల్లో ఎన్డీయే అభ్యర్థులు లీడ్ లో ఉన్నారు. యూపీలోని వారణాసిలో మోదీ హవా కనిపిస్తోంది. ఇండియా కూటమి 103 స్థానాల్లో ఆధిపత్యంలో ఉంది. పోటీ చేసిన రెండు చోట్ల రాహుల్ గాంధీ ఆధిక్యంలో ఉన్నారు. బీజేపీ అభ్యర్థులు కంగనా రనౌత్(మొండి స్థానం), అన్నామలై (కోయంబత్తూరు) లీడ్ లో ఉన్నారు.

 

LIVE UPDATES

  • 04 Jun 2024 12:10 PM (IST)

    వాడిన గులాబీ.. కౌంటింగ్ సెంట‌ర్ల నుంచి వెళ్లిపోయిన అభ్య‌ర్థులు..!

    తెలంగాణ లోక్ సభ ఎన్నికల్లో కాంగ్రెస్, బీజేపీ సత్తా చాటుతున్నాయి. బీఆర్ఎస్ పార్టీ మాత్రం సింగిల్ డిజిట్‌లోనే ప్రభావం చూపిస్తోంది. ఉదయం 11 గంటల సమయానికి కాంగ్రెస్ పార్టీ 8 స్థానాల్లో ఆధిక్యంలో కొనసాగుతుండగా.. బీజేపీ 7 స్థానాల్లో ముందంజలో ఉంది. బీఆర్ఎస్ పార్టీ మాత్రం ఒక స్థానంలోనే లీడ్ లో ఉంది. ఎంఐఎం ఒక చోట ఆధిక్యంలో ఉంది. మెదక్ లో మాత్రమే బీఆర్ఎస్ పార్టీ ముందంజలో కొనసాగుతుండగా.. హైదరాబాద్ లో ఎంఐఎం లీడ్ లో ఉంది.

    మల్కాజిగిరి, సికింద్రాబాద్, చేవెళ్ల, కరీంనగర్, మహబూబ్ నగర్, నిజామాబాద్, ఆదిలాబాద్ లో బీజేపీ ఆధిక్యం చూపిస్తోంది. నల్గొండ, భువనగిరి, మహబూబాబాద్, వరంగల్, నాగర్ కర్నూల్, ఖమ్మం, జహీరాబాద్, పెద్దపల్లిలో కాంగ్రెస్ ఆధిక్యం ప్రదర్శిస్తోంది. ఈ ఫలితాలతో గులాబీ శ్రేణుల్లో ఆందోళన వ్యక్తమవుతోంది.

    కౌంటింగ్ కేంద్రం నుంచి వెళ్లిన సైదిరెడ్డి..

    నల్గొండలో కాంగ్రెస్ అభ్యర్థి రఘువీర్ రెడ్డి భారీ ఆధిక్యంలో కొనసాగుతుండటంతో బీజేపీ అభ్యర్థి సైదిరెడ్డి కౌంటింగ్ కేంద్రం నుంచి వెళ్లిపోయారు.

  • 04 Jun 2024 11:40 AM (IST)

    YCP Ministers : కూటమి హవా.. వెనుకంజ‌లో ఉన్న వైసీపీ మంత్రులు వీరే..!

    YCP Ministers : ఏపీ అసెంబ్లీ ఎన్నికల ఫలితాల్లో కూటమి హవా చూపిస్తోంది. ప్రస్తుత ట్రెండ్స్ చూస్తుంటే సెంచరీ మార్కును దాటేలాగా కనిపిస్తోంది. ఇదిలా ఉండగా పలువురు మంత్రులు ఓటమి దిశగా సాగుతున్నారు.మంత్రులు రోజా, అంబటి రాంబాబు.. జోగి రమేష్‌, తానేటి వనిత, బుగ్గన రాజేంద్రనాథ్ రెడ్డి, అమర్‌నాథ్, బొత్స సత్యనారాయణ, దాడిశెట్టి రాజా ఓటమి బాటలో పయనిస్తున్నారు. వైసీపీకి పలు నియోజకవర్గాల్లో ఓటర్లు గట్టి షాక్‌ ఇస్తున్నారు. ఇప్పటికే మెజార్టీ స్థానాలను దాటి కూటమి దూకుడు ప్రదర్శిస్తోంది. చంద్రబాబు, పవన్‌ కల్యాణ్‌, లోకేశ్‌ భారీ మెజార్టీ దిశగా సాగుతున్నారు.

    లోక్‌సభ స్థానాల్లోనూ కూటమి అభ్యర్థుల హవా కొనసాగుతోంది. వెలువడుతున్న ఫలితాలతో కూటమి శ్రేణుల్లో జోష్‌ కనిపిస్తోంది. ఫలితాలు ఇలాగే కొనసాగితే వైసీపీ చాలా తక్కువ సీట్లతో సరిపెట్టుకోవాల్సి వస్తుందని విశ్లేషకులు అంచనా వేస్తున్నారు. ప్రస్తుతం టీడీపీ 124 స్థానాల్లో, జనసేన 18, వైఎస్సార్ సీపీ 23 స్థానాల్లో లీడ్ లో ఉన్నాయి.

  • 04 Jun 2024 11:20 AM (IST)

    సీఎం రేవంత్ రెడ్డికి షాక్‌.. మ‌హాబూబ్‌న‌గ‌ర్, మ‌ల్కాజ్‌గిరి లో బీజేపీ లీడ్‌..!

    తెలంగాణ లోక్‌స‌భ ఎన్నిక‌ల కౌంటింగ్ కొన‌సాగుతుంది. సీఎం రేవంత్‌రెడ్డి సొంత జిల్లా మ‌హాబూబ్‌న‌గ‌ర్ అలాగే ఆయ ఎంపీగా గెలిచిన మ‌ల్కాజ్‌గిరి నియోజ‌క‌వ‌ర్గాల్లో బీజేపీ ఆదిక్యంలో ఉన్న‌ట్లు స‌మాచారం. మ‌హ‌బూబ్‌న‌గ‌ర్ బీజేపీ అభ్య‌ర్థి డీకే అరుణ ముందంజ‌లో ఉండ‌గా.. హైద‌రాబాద్ మ‌ల్కాజ్‌గిరి బీజేపీ అభ్య‌ర్ధి ఈట‌ల రాజేంద‌ర్ ల‌క్ష‌పై చిలుకు లీడ్‌లో ఉన్న‌ట్లు తెలుస్తుంది.

  • 04 Jun 2024 10:59 AM (IST)

    వైసీపీకి భారీ షాక్‌.. రోజా వెనుకంజ‌.. కొడాలి నాని, వంశీ కౌంటింగ్ సెంట‌ర్‌ నుంచి ఔట్‌..!

    ఏపీ అసెంబ్లీ ఎన్నికల ఫలితాల్లో టీడీపీ ఆధిపత్యం ప్రదర్శిస్తోంది. న‌గ‌రి వైసీపీ అభ్య‌ర్థి రోజా గ‌ట్టి షాక్ త‌లిగిన‌ట్లు స‌మాచారం. పోస్ట‌ల్ బ్యాలెట్ టీడీపీ ఆధిక్యంలో రాగా.. రెండో రౌండ్ ముగిసేస‌రికి మంత్రి రోజా వెనుకంజ‌లో ఉన్నారు. ఇలాగే ట్రెండ్ కొన‌సాగితే మంత్రి రోజా ఓడిపోవ‌డం గ్యారెంటీ అంటున్నారు. ప్ర‌స్తుతం కూట‌మి 120 సీట్ల ఆదిక్యంలో ఉండ‌గా.. వైసీపీ 21 సీట్ల ముందంజ‌లో ఉన్నారు. జ‌న‌సేన 17 , బీజేపీ 2 స్థానాల్లో ఆధిక్యంలో ఉన్నారు.

    కౌంటింగ్ సెంట‌ర్‌ నుంచి వెళ్లిపోయిన కొడాలి నాని, వంశీ

    అలాగే గుడివాడ వైసీపీ అభ్య‌ర్థి కొడాలి నాని , గుడివాడ వైసీపీ అభ్య‌ర్ధి వంశీ కౌంటింగ్ నుంచి వెళ్లిపోవ‌డం జ‌రిగింది. వారు వెనుకంజ‌లో ఉండ‌డం ద్వార అక్క‌డ నుంచి వెళ్లిన్న‌ట్లు స‌మాచారం.

  • 04 Jun 2024 10:45 AM (IST)

    పిఠాపురం ప‌వ‌న్ క‌ళ్యాణ్ 20 వేల ఓట్ల ఆధిక్యం..!

    ఆంధ్ర‌ప్ర‌దేశ్‌ అసెంబ్లీ ఎన్నికల ఫలితాల్లో టీడీపీ పూర్తి ఆధిపత్యం ప్రదర్శిస్తోంది. ఏపీ , తెలంగాణా మ‌రియు దేశ వ్యాప్తంగా హాట్ టాపిక్‌గ్గా మారిన పిఠాపురం నియోజ‌క‌వ‌ర్గంలో ప‌వ‌న్ క‌ళ్యాణ్ దూసుకుపోతున్నాడు. నాలుగో రౌండ్ ముగిసేస‌రికి ప‌వ‌న్ 20 వేల ఓట్ల ఆధిక్యంలో ఉన్నట్లు తెలుస్తుంది. అలాగే జ‌న‌సేన పోటీ చేసిన 18 స్థానాలో ముందంజ‌లో ఉన్న‌ట్లు స‌మాచారం. ప‌వ‌న్ క‌ళ్యాన్ ఆధిక్యంలో ఉండ‌డంతో ప‌వ‌న్ ఫ్యాన్స్ ఆనంద‌సంబ‌రాల్లో మునిగారు.

    అలాగే ప్ర‌స్తుతం కూట‌మి 148 లీడ్‌లో ఉండ‌గా, వైసీపీ 23 సీట్ల‌లో ఆధిక్యంలో ఉన్నారు. టీడీపీ కూట‌మీ పూర్తి ఆదిప‌త్యం ప్ర‌ద‌ర్శిస్తుంది. లోక్‌స‌భ ఎన్డీఎ 292 సీట్ల ఆదిక్యంలో ఉండ‌గా.. కాంగ్రెస్ 201 సీట్ల ముందంజ‌లో ఉన్న‌ట్లు స‌మాచారం.

  • 04 Jun 2024 09:59 AM (IST)

    Narendra Modi : వారణాసిలో మోదీ 6000 ఓట్ల వెనుకంజ

    యూపీలోని వారణాసి లోక్ సభ స్థానం నుంచి బరిలోకి దిగిన ప్రధాని మోడీ వెనుకంజలో ఉన్నట్లు తెలుస్తోంది. అక్కడ కాంగ్రెస్ నుంచి పోటీలో ఉన్న అజయ్ ఆధిపత్యం కనబరుస్తున్నారు. మోడీ 6 వేలకు పైగా ఓట్ల వెనుకబడ్డట్లు సమాచారం. కాగా గాంధీనగర్ నుంచి అమిత్ షా, లక్నో నుంచి రాజ్‌నాథ్ సింగ్ ముందంజలో ఉన్నారు. నాగ్‌పూర్‌లో నితిన్‌ గడ్కరీ ఆధిక్యంలో కొనసాగుతున్నారు.

    Narendra Modi ఢిల్లీలో ఆధిక్యం..

    దేశ రాజధాని ఢిల్లీలోని ఏడు సీట్లలో బీజేపీ లీడింగ్ లో ఉంది. ఆమ్ ఆద్మీ పార్టీ అవినీతి ఆరోపణలతో ప్రభావం చూపలేకపోయినట్లుగా కనిపిస్తోంది. ఇది బీజేపికి కలిసొచ్చిన అంశంగా మారింది.

ramu

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది