TDP : ఫుల్ జోష్ లో ఉన్న టీడీపీకి భారీ షాక్.. కీలక నేత రాజీనామా..!

TDP : ఏపీ రాజకీయాల్లో ఆసక్తికర మార్పులు చోటుచేసుకుంటున్న తరుణంలో, టీడీపీ కి చెందిన సీనియర్ నాయకుడు సుగవాసి బాలసుబ్రమణ్యం రాజీనామా చేయడం సంచలనంగా మారింది. గత నాలుగు దశాబ్దాలుగా పార్టీకి సేవలందించిన సుగవాసి, ఇటీవల పార్టీ పరిణామాలపై అసంతృప్తి వ్యక్తం చేస్తూ, తన రాజీనామా లేఖను పార్టీ అధినేత చంద్రబాబుకు పంపించారు. 2024 ఎన్నికల్లో కూటమి తరఫున రాజంపేట నియోజకవర్గం నుంచి పోటీ చేసిన ఆయన, వైసీపీ అభ్యర్థి ఆకేపాటి అమర్నాథ్ రెడ్డి చేతిలో ఓడిపోయిన అనంతరం, పార్టీ కార్యక్రమాలకు దూరంగా ఉంటూ వచ్చిన విషయం తెలిసిందే.

TDP : ఫుల్ జోష్ లో ఉన్న టీడీపీకి భారీ షాక్.. కీలక నేత రాజీనామా..!

TDP టీడీపీ రాజీనామా చేసిన కీలక నేత ..కారణాలు ఇవేనా..?

రాజీనామా వెనక సుగవాసి వ్యక్తిగత బాధ, పార్టీకి జరిగిన నష్టం, నియోజకవర్గ స్థాయిలో మారుతున్న సమీకరణాలు ప్రధాన కారణాలుగా కనిపిస్తున్నాయి. ముఖ్యమంత్రి చంద్రబాబు జిల్లాలో పర్యటించిన సమయంలో కూడా సుగవాసి పాల్గొనకపోవడం, పార్టీకి చెందిన కీలక నేతలపై తీవ్ర వ్యాఖ్యలు చేయడం, అధికారులతో కలిసికట్టుగా తనపై కుట్ర జరిగిందని ఆరోపించడం ఇవన్నీ ఆయన అసంతృప్తిని స్పష్టంగా చూపిస్తున్నాయి. నియోజకవర్గంలో అధికార పార్టీ నేతలు ఇసుక అక్రమ రవాణాలో పాల్గొంటున్నారని, ప్రభుత్వం మారిన తర్వాత కూడా తగిన చర్యలు తీసుకోకపోవడంతో తనకు న్యాయం జరగలేదని ఆయన ఆవేదన వ్యక్తం చేశారు.

ఈ నేపథ్యంలో సుగవాసి రాజీనామా పార్టీ వర్గాల్లో కలకలం రేపింది. పార్టీ తనపై పట్టించుకోకపోయిందని, ప్రజల అభిప్రాయాలను గౌరవిస్తూ ఈ నిర్ణయం తీసుకున్నానని ఆయన స్పష్టం చేశారు. ఒకవేళ ఆయన తదుపరి రాజకీయ అడుగులు ఎటు పడతాయన్నది ప్రస్తుతం ఆసక్తికరంగా మారింది. టీడీపీ దీనిపై ఎలా స్పందించబోతోంది? ఆయనను కొనసాగించేందుకు ప్రయత్నిస్తారా లేక అంతటితో వదిలేస్తారా అన్నది చూడాల్సిన విషయం. ఏదేమైనా, ఈ రాజీనామా కూటమి ప్రభుత్వం ఏడాది పూర్తిచేస్తున్న సమయంలో మరో కీలక రాజకీయ పరిణామంగా నిలిచింది