Tata Nano Electric Car news viral : రూ.3.60 లక్ష లకే టాటా నానో ఎలక్ట్రిక్.. సామాన్యుడి కారు మళ్లీ రికార్డులు సృష్టిస్తుందా?
ప్రధానాంశాలు:
Tata Nano Electric Car news viral : టాటా నానో ఎలక్ట్రిక్.. సామాన్యుడి కారు మళ్లీ రికార్డులు సృష్టిస్తుందా?
Tata Nano Electric Car news viral : భారతీయ ఆటోమొబైల్ చరిత్రలో సామాన్యుడి కారుగా గుర్తింపు పొందిన ‘టాటా నానో’ (Tata Nano), ఇప్పుడు ఎలక్ట్రిక్ రూపంలో తిరిగి రాబోతోందా? ప్రస్తుతం సోషల్ మీడియాలో జరుగుతున్న ప్రచారం చూస్తుంటే అవుననే అనిపిస్తోంది. మధ్యతరగతి కుటుంబాలను దృష్టిలో ఉంచుకుని టాటా మోటార్స్ ఈ కారును అతి తక్కువ ధరకే అందించనుందని వార్తలు వస్తున్నాయి.
Tata Nano Electric Car news viral : రూ.3.60 లక్ష లకే టాటా నానో ఎలక్ట్రిక్.. సామాన్యుడి కారు మళ్లీ రికార్డులు సృష్టిస్తుందా?
Tata Nano Electric Car news viral : వైరల్ అవుతున్న వివరాలు ఇవే
‘వాల్ హార్ట్’ కథనం ప్రకారం, బడ్జెట్ ధరలో ఎలక్ట్రిక్ కారు కోసం చూస్తున్న వారికి ఇది శుభవార్త కావచ్చు. ఈ కారు ధర సుమారు రూ.3 లక్షల (ఎక్స్-షోరూమ్) నుంచి ప్రారంభం కావచ్చని అంచనా వేస్తున్నారు. ఒక్కసారి ఫుల్ ఛార్జ్ చేస్తే దాదాపు 220 కిలోమీటర్ల వరకు ప్రయాణించవచ్చని సమాచారం. కేవలం రూ.25,000 డౌన్ పేమెంట్తో ఈ కారును ఇంటికి తీసుకెళ్లవచ్చని ప్రచారం జరుగుతోంది.
బ్యాటరీ, పర్ఫార్మెన్స్ అంచనాలు
ఈ కారులో 18kWh నుంచి 24kWh సామర్థ్యం గల బ్యాటరీని ఉపయోగించే అవకాశం ఉంది. సిటీ ట్రాఫిక్ పరిస్థితులలో, ఏసీ వినియోగంతో కూడా 160-190 కిలోమీటర్ల వాస్తవిక రేంజ్ (Real Range) లభించవచ్చని నిపుణులు భావిస్తున్నారు. గరిష్ట వేగం గంటకు 90-105 కిలోమీటర్ల వరకు ఉండవచ్చు. సాధారణ 15A హోమ్ సాకెట్తో 6-8 గంటల్లో ఫుల్ ఛార్జ్ చేసుకోవచ్చు.
ఫీచర్లు, డిజైన్: సిటీ డ్రైవింగ్కు అనుకూలంగా కాంపాక్ట్ డిజైన్తో ఇది రానుంది. 4 సీట్ల సామర్థ్యంతో పాటు, డ్యూయల్ ఎయిర్బ్యాగ్స్, ABS, రివర్స్ పార్కింగ్ సెన్సార్ల వంటి కనీస భద్రతా ప్రమాణాలు ఇందులో ఉంటాయని అంచనా. పవర్ విండోస్, డిజిటల్ స్పీడోమీటర్, బేసిక్ ఇన్ఫోటైన్మెంట్ సిస్టమ్ వంటి ఫీచర్లు ఉండే అవకాశం ఉంది.
EMI ఎంత ఉండొచ్చు?
ఒకవేళ ఆన్-రోడ్ ధర రూ.3.60 లక్షలు అయితే, రూ.25,000 డౌన్ పేమెంట్ కడితే, మిగిలిన మొత్తానికి 5 ఏళ్ల లోన్పై నెలకు సుమారు రూ.6,800 నుంచి రూ.7,200 వరకు ఈఎంఐ పడే అవకాశం ఉందని అంచనా వేస్తున్నారు. కిలోమీటర్కు రన్నింగ్ కాస్ట్ కేవలం 80 పైసల నుండి రూ.1.10 వరకు ఉండవచ్చు.
గమనిక: ఇవన్నీ ప్రస్తుతం సోషల్ మీడియాలో, ఆన్లైన్ నివేదికల ద్వారా వైరల్ అవుతున్న వివరాలు మాత్రమే. టాటా మోటార్స్ (Tata Motors) నుంచి దీనిపై ఇంకా అధికారిక ప్రకటన రాలేదు. కొనుగోలుదారులు అధికారిక ప్రకటన వచ్చే వరకు వేచి చూడాలి.
Also read
