Allu Arjun : విహారయాత్రలో అల్లు అర్జున్ ఫ్యామిలీ.. ఫ్యామిలీ క్యూట్ పిక్ అదిరింది..!
Allu Arjun : స్టైలిష్ స్టార్గా ఉన్న అల్లు అర్జున్.. పుష్ప సినిమాతో పాన్ ఇండియా స్టార్గా మారిన విషయం తెలిసిందే. అల్లు అర్జున్ హీరోగా సుకుమార్ దర్శకత్వంలో తెరకెక్కిన పుష్ప సినిమా ఎంత పెద్ద విజయాన్ని అందుకుంది అనేది ప్రత్యేకంగా చెప్పాల్సిన పని లేదు. పూర్తిగా కరోనా భయం తొలగిపోని రోజుల్లో కూడా సౌత్, నార్త్ రాష్ట్రాల్లో కూడా పుష్ప సినిమా అద్భుతమైన కలెక్షన్లు రాబట్టింది. గతంలో ఆయనకు తెలుగుతో పాటు కేరళలో క్రేజ్ ఉండేది. కేరళలో అల్లు అర్జున్ కి స్టార్ రేంజ్ పాపులారిటీ ఉంది. అల్లు అర్జున్ సినిమాలు మలయాళంలో కూడా విడుదల చేస్తారు. పుష్ప సినిమాతో రేంజ్ పీక్స్కి వెళ్లింది.
అల్లు అర్జున్ హీరోగా, సుకుమార్ దర్శకత్వంలో తెరకెక్కిన పుష్ప సినిమా మొదటి భాగం డిసెంబర్ నెలలో విడుదలై అద్భుతమైన విజయాన్ని సాధించింది. ఈ సినిమాలో రష్మిక మందన్న హీరోయిన్ గా నటించగా ఫహాద్ ఫాజిల్, సునీల్ అనసూయ వంటి వారు నెగిటివ్ పాత్రలో కనిపించారు. మైత్రి మూవీ మేకర్స్ మొత్తం శెట్టి మీడియా వర్క్స్ సంయుక్తంగా నిర్మించిన ఈ సినిమా కలెక్షన్ల వర్షం కురిపించింది. ఇక ఈ సినిమా కేవలం దక్షిణాదిలోనే కాకుండా ఉత్తరాదిలో కూడా సత్తా చాటింది. ఇప్పుడు పుష్ప 2 కోసం సిద్ధమవుతుండగా, ఆ గ్యాప్లో ఫ్యామిలీతో ట్రిప్ వేశాడు.
allu arjun family tour pic viral
Allu Arjun : బన్నీ బిజీ టూర్..
కొద్దిరోజుల క్రితం ఆఫ్రికా టూర్ వెళ్లిన అల్లు అర్జున్ ఫ్యామిలీ అక్కడ సరదాగా గడుపుతున్నారు. అల్లు అర్జున్, కూతురు అర్హ, కొడుకు అయాన్ లతో టాంజానియాలోని నేషనల్ పార్క్ లో దిగిన ఒక క్యూట్ పిక్ ని ఇన్స్టాగ్రామ్ లో పోస్ట్ చేసారు అల్లు స్నేహా రెడ్డి. ప్రస్తుతం ఈ పిక్ సోషల్ మీడియాలో వైరల్ అవుతోంది. ఈ నెలాఖరులో వారు హాలిడే నుండి ఇండియాకి తిరిగిరానున్నట్లు తెలుస్తోంది. అల్లు అర్జున్ పుష్ప పాన్ ఇండియా స్థాయిలో ఐదు భాషల్లో విడుదలైంది. తెలుగులో మిక్స్డ్ రిజల్ట్ అందుకున్న పుష్ప హిందీలో మాత్రం భారీ విజయం నమోదు చేసింది. వంద కోట్లకు పైగా వసూళ్లతో క్లీన్ హిట్ గా నిలిచింది.