Anil Ravipudi – Taraka Ratna : ఆ సినిమాలో తారకరత్నకి మంచి రోల్ ఇద్దామనుకున్నా.. అనిల్ రావిపూడి కామెంట్స్ వైరల్

Anil Ravipudi – Taraka Ratna : నందమూరి తారకరత్న ఈ లోకం వదిలి వెళ్లిపోయి అప్పుడే ఐదు రోజులు అవుతోంది. తారకరత్న మృతిని ఇప్పటికీ నందమూరి అభిమానులు, నందమూరి కుటుంబం జీర్ణించుకోలేకపోతోంది. తారకరత్నను చివరి సారి చూడటానికి సినీ, రాజకీయ ఇండస్ట్రీకి చెందిన పలువురు ప్రముఖులు ఆయన నివాసానికి వెళ్లి తారకరత్నకు నివాళులు అర్పించారు. సినీ ప్రముఖులు అయితే తారకరత్నతో తమకు ఉన్న అనుబంధాన్ని గుర్తు చేసుకున్నారు.

ఇక.. జూనియర్ ఎన్టీఆర్ అయితే తారకరత్నను చూసి బావురుమన్నారు. తారకరత్న లేరన్న విషయాన్ని జూనియర్ ఎన్టీఆర్ తట్టుకోలేకపోయారు. ఆయనను ఓదార్చడం ఎవరి తరం కాలేదు. తారకరత్నను కడసారి చూడటానికి వచ్చిన ప్రముఖ దర్శకుడు అనిల్ రావిపూడి తారకరత్న గురించి చాలా గొప్పగా మాట్లాడారు. రెండు మూడు సార్లు ఆయన్ను కలిశానని చెప్పారు. తన పార్థీవదేహానికి నివాళులు అర్పించిన అనంతరం అనిల్ రావిపూడి మీడియాతో మాట్లాడారు.

 

Anil Ravipudi – Taraka Ratna : కంటతడి పెట్టిన అనిల్ రావిపూడి

మోస్ట్ షాకింగ్ అని చెప్పాలి. 25 రోజుల నుంచి ఆయన మన మధ్యకు రావాలని ప్రార్థించాను కానీ.. ఆయన మనల్ని వదిలేసి వెళ్లిపోయారు. నందమూరి కుటుంబానికి నా ప్రగాఢ సానుభూతిని తెలియజేస్తున్నాను. బాలయ్య బాబు గారు కూడా నాకు ఫోన్ చేసి మాట్లాడారు. తారకరత్న గారికి ఈ సినిమాలో మంచి వేషం ఇవ్వాలి అని అన్నారు. నేను కూడా ఆయన కోసం మంచి క్యారెక్టర్ చేద్దామని అనుకునే లోపే ఇలా జరిగింది. తారకరత్న గారు మిస్ యూ ఎలాట్ సార్.. అంటూ అనిల్ రావిపూడి భావోద్వేగానికి గురయ్యారు.