Indian 2 Movie : భారతీయుడు 2 జ‌నాల‌త‌ని అంత సేపు థియేట‌ర్స్‌లో కూర్చోబెడుతుందా.. మ‌రీ అంత రన్ టైం ఎందుకు ?
ప్రధానాంశాలు:
Indian 2 Movie : భారతీయుడు 2 జ‌నాల‌త‌ని అంత సేపు థియేట‌ర్స్‌లో కూర్చోబెడుతుందా.. మ‌రీ అంత రన్ టైం ఎందుకు ?
Indian 2 Movie : మ‌రి కొద్ది రోజుల‌లో ప్రేక్ష‌కుల‌ని అల‌రించేందుకు భారతీయుడు 2 చిత్రం సిద్ధ‌మైంది. ఈ చిత్రం శంకర్, కమల్ హాసన్ కాంబోలో తెర‌కెక్క‌డంతో మూవీపై అంచ‌నాలు భారీగా ఉన్నాయి. జూలై 12న ఈ చిత్రం థియేటర్స్ లోకి రానున్న సంగతి తెలిసిందే.ఈ చిత్రంలో హీరో సిద్ధార్థ్, రకుల్ ప్రీత్ సింగ్ కీలక పాత్రల్లో నటిస్తున్నారు. అయితే ఆడియన్స్ అంతా సేనాపతిగా కమల్ హాసన్ చేయబోయే విన్యాసాల కోసం ఎదురుచూస్తున్నారు. ఇటీవల యాక్ష‌న్ థ్రిల్ల‌ర్ సెన్సార్ కార్య‌క్ర‌మాల‌ను పూర్తి చేసుకుంది. సెన్సార్ బోర్డు కొన్ని సూచ‌న‌లు చేస్తూ ‘U/A’ (యూ/ఏ) స‌ర్టిఫికెట్ ఇచ్చిన‌ట్లుగా తెలుస్తోంది. ఈ చిత్రాన్ని చూసిన సెన్సార్ బోర్డు స‌భ్యులు కొన్ని ప‌దాల‌ను మ్యూట్ చేయాల‌ని మూవీ యూనిట్‌కు సూచించిన‌ట్లుగా సమాచారం.
Indian 2 Movie కూర్చోబెడుతుందా?
‘భారతీయుడు 2’ ర‌న్‌టైం ఏకంగా 3 గంటల నాలుగు నిమిషాలు వ‌చ్చింది. అంత‌సేపు ప్రేక్ష‌కుల‌ను థియేట‌ర్ల‌లో కూర్చోబెట్టాల‌ని అంటే మాట‌లు కాదు. సినిమాలో ఆక‌ట్టుకునే క‌థ, క‌థ‌నాలు ఉండాల్సిందే. కాగా.. ర‌న్‌టైం విష‌యంలో శంకర్ ఎలాంటి కాంప్ర‌మైజ్ కాలేద‌ట. క‌థ‌పై శంకర్ పూర్తి విశ్వాసంతో ఉన్నార‌ట. ఇటీవల ‘యానిమల్’, ‘సలార్’, ‘కల్కి 2898 AD’ లాంటి మూవీలు మూడు గంటల రన్ టైమ్‌తో వచ్చాయి. కంటెంట్ ఉంటే ఎంత‌సేపైనా థియేట‌ర్ల‌లో ప్రేక్ష‌కులు కూర్చొంటారు అని ఈ సినిమాలు నిరూపించాయి.
Indian 2 Movie : భారతీయుడు 2 జ‌నాల‌త‌ని అంత సేపు థియేట‌ర్స్‌లో కూర్చోబెడుతుందా.. మ‌రీ అంత రన్ టైం ఎందుకు ?
అయితే 1996లో వచ్చిన భారతీయుడు చిత్రాన్ని మురిపించేలా భారతీయుడు 2 ఉంటుందా అనే చర్చ జరుగుతోంది. ఎందుకంటే ఇటీవల శంకర్ ఫామ్ కూడా ఆశాజనకంగా లేదు. ఆయన పెద్ద దర్శకుడు అయినప్పటికీ తడబడుతున్నారు. అలాంటివి ఏమీ జరగకుండా భారతీయుడు 2 మెప్పించాలని అంతా కోరుతున్నారు. రిలీజ్ డేట్ ద‌గ్గ‌ర ప‌డుతుండ‌డంతో మేక‌ర్స్ ప్ర‌మోష‌న్ స్పీడ్ పెంచారు. చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది. ఇప్ప‌టికే విడుద‌లైన ఫ‌స్ట్ లుక్‌, టీజ‌ర్‌, పాట‌లు, ట్రైల‌ర్ సినిమాపై అంచ‌నాల‌ను భారీగా పెంచేశాయి. అవినీతి, లంచగొండితనాలకు వ్యతిరేకంగా పోరాడే సేనాపతి పాత్రలో కమల్ హాసన్ మ‌రోసారి ప్రేక్ష‌కుల‌ను ఆక‌ట్టుకోవ‌డం ఖాయ‌మ‌ని చిత్ర‌బృందం ధీమాగా ఉంది.
Also read
