Shahid Kapoor : సమంతతో కలిసి సినిమాల్లో నటించాలని ఉందన్న షాహిద్ కపూర్

Samantha : ‘ఏమాయ చేసావే’ చిత్రంతో టాలీవుడ్ ఎంట్రీ ఇచ్చిన సమంత సక్సెస్ ఫుల్ హీరోయిన్‌గా దూసుకుపోతోంది. హీరోయిన్‌గానే కాకుండా బిజినెస్ ఉమన్‌గానూ సామ్ రాణిస్తోంది. టాప్ హీరోయిన్‌గా సామ్ ఓ వైపు సినిమాలు చేస్తూనే మరో వైపు సిరీస్‌పైన దృష్టి సారించింది. నాగచైతన్యతో మ్యారేజ్ తర్వాత సినిమాలు చేస్తూ సత్తా చాటుతోంది. ఈ క్రమంలోనే ‘ది ఫ్యామిలీ మ్యన్ 2’ సిరీస్‌లో బోల్డ్ రోల్ ప్లే చేసి ఓటీటీ లవర్స్ ఫేవరెట్ హీరోయిన్‌గా మారింది.

Samantha : సామ్‌తో జర్నీకి రెడీ : షాహిద్ కపూర్

‘ది ఫ్యామిలీ మ్యాన్’ సిరీస్ సూపర్ హిట్ కాగా ఇందులో మనోజ్ భాజ్‌పాయి పర్ఫార్మెన్స్‌తో సమానంగా సామ్ పర్ఫార్మ్ చేసింది. ఈ సిరీస్‌తో సామ్ సౌత్‌తో పాటు నార్త్ ప్రజలను అభిమానులుగా చేసుకుంది. ఈ సిరీస్‌లో సమంత నటనను చూసి తాను ఆమెతో లవ్ లో పడిపోయానని బాలీవుడ్ స్టార్ హీరో షాహిద్ కపూర్ తెలిపారు.

భవిష్యత్తులో సమంతతో వర్క్ చేసేందుకు తాను సిద్ధంగా ఉన్నట్లు షాహిద్ చెప్పారు. షాహిద్ ప్రజెంట్ టాలీవుడ్ మూవీస్ రీమేక్‌పైన దృష్టి పెట్టినట్లు తెలుస్తోంది. ‘అర్జున్ రెడ్డి’ సినిమాను బాలీవుడ్‌లో ‘కబీర్ సింగ్’గా మేకర్స్ తీశారు. ఇందులో షాహిద్ కపూర్ లీడ్ రోల్ ప్లే చేశాడు. తెలుగు సినిమాను డైరెక్ట్ చేసిన సందీప్ రెడ్డి వంగానే ‘కబీర్ సింగ్’ సినిమాకు డైరెక్షన్ చేశారు. ఇకపోతే టాలీవుడ్ సూపర్ హిట్ మూవీ ‘జెర్సీ’ రీమేక్ కూడా షాహిద్ కపూర్ వద్దకే వెళ్లడం గమనార్హం.

ఈ సినిమాకు నేషనల్ అవార్డు రాగా, డైరెక్టర్ గౌతమ్ తిన్ననూరినే హిందీ వర్షన్‌ను డైరెక్ట్ చేస్తున్నారు. ఇక సమంత ప్రజెంట్ పాన్ ఇండియా ఫిల్మ్ ‘శాకుంతలం’లో లీడ్ రోల్ ప్లే చేస్తోంది. క్రియేటివ్ డైరెక్టర్ గుణశేఖర్ దర్శకత్వంలో వస్తున్న ఈ చిత్రంపై భారీ అంచనాలే నెలకొని ఉన్నాయి. ఈ సినిమా ద్వారా ఐకాన్ స్టార్ అల్లు అర్జున్ తనయ టాలీవుడ్‌కు ఇంట్రడ్యూస్ అవుతుండటం గమనార్హం. ఈ చిత్రం ద్వారా సమంత తొలిసారి పౌరాణిక పాత్ర పోషిస్తోంది.