Singer Mangli : వివాదంలో చిక్కుకున్న పాపులర్ సింగర్..!
ప్రధానాంశాలు:
Singer Mangli : వివాదంలో చిక్కుకున్న పాపులర్ సింగర్..!
Singer Mangli : ప్రముఖ ఫోక్ సింగర్ మంగ్లీ అలియాస్ సత్యవతి రాథోడ పుట్టినరోజు వేడుకలు చిక్కుల్లోకి తెచ్చాయి. మంగళవారం అర్ధరాత్రి చేవెళ్ల సమీపంలోని ఈర్లపల్లి గ్రామ శివారులో ఉన్న త్రిపుర రిసార్ట్లో ఆమె పుట్టినరోజు వేడుకలు ఘనంగా నిర్వహించారు. ఈ పార్టీకి ఆమె కుటుంబ సభ్యులు, స్నేహితులు, సినీ ప్రముఖులు సహా దాదాపు 50 మంది హాజరయ్యారు. అయితే ఈ పార్టీ గురించి పోలీసులకు ముందస్తుగా సమాచారం అందడంతో, వారు ఆకస్మికంగా అక్కడ దాడులు నిర్వహించారు. ఈ దాడుల్లో గంజాయి వినియోగం, భారీగా విదేశీ మద్యం లభించాయి.
Singer Mangli : వివాదంలో చిక్కుకున్న పాపులర్ సింగర్..!
Singer Mangli : సింగర్ మంగ్లీ బర్త్ డే వేడుకపై పోలీసుల దాడి .. గంజాయి టెస్టులో 9 మందికి పాజిటివ్
పోలీసులు పార్టీలో పాల్గొన్న 48 మందికి డ్రగ్ టెస్టులు నిర్వహించగా.. అందులో 9 మందికి గంజాయి పాజిటివ్గా నిర్ధారణ అయ్యింది. దీంతో వారిని అదుపులోకి తీసుకుని NDPS చట్టం కింద కేసులు నమోదు చేశారు. మద్యం సరఫరా, గంజాయి వినియోగంపై పోలీసులు గట్టి దృష్టి సారించి, పార్టీ నిర్వాహకులపై దర్యాప్తు ముమ్మరం చేశారు. ఈ వ్యవహారంలో మరింత లోతుగా విచారణ కొనసాగుతున్నట్లు సమాచారం. మంగ్లీ పాత్రపై కూడా పోలీసులు విచారణ జరుపుతుండటం గమనార్హం.
ఈ ఘటనతో తెలంగాణలో మత్తు పదార్థాల వినియోగంపై మరోసారి చర్చ ప్రారంభమైంది. ప్రభుత్వం మాదకద్రవ్యాల నిర్మూలనకు గట్టి చర్యలు తీసుకుంటున్నా, కొందరు ప్రముఖులు గుట్టుగా ఇలాంటి పార్టీలు నిర్వహిస్తుండటంపై ప్రజల్లో ఆగ్రహం వ్యక్తమవుతోంది. గతంలోనూ పలువురు సినీ, రాజకీయ ప్రముఖులు డ్రగ్స్ కేసుల్లో చిక్కిన ఘటనలు నమోదయ్యాయి. యువతను మత్తు దిశగా లాగుతున్న ఈ పరిస్థితిపై అధికారులు మరింత అప్రమత్తంగా ఉండాలని, కఠిన చర్యలు తీసుకోవాలని సామాజికవేత్తలు, ప్రజా సంఘాలు డిమాండ్ చేస్తున్నాయి.
Also read
