Hyper Aadi : బిగ్‌బాస్‌ లో హైపర్ ఆది… బాబోయ్ స్టార్ మాఅంత పారితోషికం ఇస్తారా?
Hyper Aadi : ఈటీవీలో కనిపించిన వారు స్టార్ మా లో కనిపించడం చాలా తక్కువ. కొద్ది మంది స్టార్స్ మాత్రమే అక్కడ ఇక్కడ కనిపిస్తూ ఉంటారు. ముఖ్యంగా యాంకర్ సుమ, శ్రీముఖి మరో ఇద్దరు ముగ్గురు స్టార్స్ మాత్రం అక్కడ ఇక్కడ కనిపిస్తూ సందడి చేస్తూ ఉంటారు. ఈటీవీలో చేసేవారు ఒప్పందంలో ఉంటారు, కనుక స్టార్ మా లో ఏ ఒక్క కార్యక్రమంలో పాల్గొనకూడదు అనేది కండిషన్.. కానీ హైపర్ ఆది విషయంలో మాత్రం అది కాస్త పక్కకు పెడుతున్నట్లుగా అనిపిస్తుంది. ఈటీవీ కి హైపర్ ఆది అత్యంత కీలకమైన వ్యక్తి అనడంలో సందేహం లేదు. జబర్దస్త్ మరియు శ్రీదేవి డ్రామా కంపెనీ షో లు రెండు కూడా ఆయన భుజస్కందాలపై నడుస్తున్నాయి.
కేవలం ఆయన ఉండడం వల్లే ఆ రెండు కార్యక్రమాలు నడుస్తున్నాయి అంటూ చాలా మంది అభిమానులు మాట్లాడుకుంటూ ఉంటారు. అలాంటి హైపర్ ఆది కి కాస్త స్వేచ్ఛను ఈటీవీ ఇచ్చిందని చెప్పాలి. ఆ స్వేచ్ఛ కారణంగానే మనోడు స్టార్ మా తో పాటు అప్పుడప్పుడు ఇతర చానల్స్ లో కూడా కనిపిస్తూ ఉన్నాడు. ఇటీవల ప్రసారమైన స్టార్ మా పరివార్ అవార్డ్స్ కార్యక్రమంలో హైపర్ ఆది సందడి చేసిన విషయం తెలిసిందే. తాజాగా బిగ్ బాస్ లో కూడా దీపావళి స్పెషల్ ఎపిసోడ్ లో హైపర్ ఆది హడావుడి కనిపించింది. ఆది యొక్క ప్రజెంట్ తో బిగ్ బాస్ కి మంచి రేటింగ్ నమోదు అయ్యింది అంటూ ప్రేక్షకులు మాట్లాడుకుంటున్నారు. హైపర్ ఆది పూర్తిగా ఈటీవీ కి చెందిన వాడు. అయినా కూడా స్టార్ మా లో ఆ కార్యక్రమాల్లో పాల్గొన్నాడు అంటే ఆయనకు ఏ స్థాయిలో స్టార్ మా వారు రెమ్యూనరేషన్ ఇచ్చి ఉంటారు అర్థం చేసుకోవచ్చు.
Hyper Aadi Remuneration for star maa tv bigg boss and parivar awards
మాకు అందిన సమాచారం ప్రకారం పరివార్ అవార్డ్స్ మరియు బిగ్ బాస్ కోసం స్టార్ మా వారు ఏకంగా 10 లక్షల రూపాయలకు పైగానే రెమ్యూనరేషన్ ని హైపర్ ఆదికి ఇచ్చి ఉంటారు. కాస్త అటు ఇటు అయినా హైపర్ ఆది ఈ స్థాయి పారితోషకం కు అర్హుడు అంటూ ఆయన అభిమానులు బలంగా వాదిస్తున్నారు. ఒక హీరో వస్తే ఏ రేంజ్ లో కార్యక్రమానికి మంచి బజ్ క్రియేట్ అవుతుందో అంతలా దీపావళి స్పెషల్ ఎపిసోడ్ కి బజ్ క్రియేట్ అయింది. అందుకే ఆయనకు ఆ స్థాయిలో రెమ్యూనరేషన్ ఇచ్చిన తప్పేం లేదు అంటూ చాలా మంది చాలా రకాలుగా ఈ విషయమే చర్చించుకుంటున్నారు. అంతకు మించి రెమ్యూనరేషన్ ఇచ్చి ఉంటారని కొందరు అభిప్రాయ వ్యక్తం చేస్తున్నారు. మొత్తానికి హైపర్ ఆదికి ఆ రెండు కార్యక్రమాలకు గాను స్టార్ మా వారు ఊహించనంత భారీ పారితోషికం ఇచ్చి ఉంటారనేది జనాల మాట.
Also read
