Anchor Ravi : ఏ పండుగ వచ్చినా కూడా.. ఆ పండుగకు తగ్గట్టుగా షోలు, ఈవెంట్లు చేయడంలో మల్లెమాల ముందుంటుంది. ఇక ఈవెంట్‌ను మల్లెమాల టీం అద్భుతంగా నిర్వహిస్తుంటుంది. ఆ చానెల్, ఈ చానెల్ అని తేడా లేకుండా సెలెబ్రిటీలందరినీ పట్టుకొస్తుంటుంది. మామూలుగా అయితే బిగ్ బాస్ షో ద్వారా ఫేమస్ అయిన వాళ్లని స్టార్ మా ఎక్కువగా వాడుకోవాలి. కానీ ఈటీవీ, మల్లెమాల వాళ్లే ఎక్కువగా వాడుకుంటూ ఉంటున్నారు. తాజాగా దసరా స్పెషల్ ప్రోమోను వదిలారు.

దసరాకు మల్లెమాల స్పెషల్ ప్రోగ్రాం చేయబోతోంది. ధమాకా అంటూ ఓ ఈవెంట్‌ను నిర్వహించబోతోంది. దీనికి సంబంధించిన ప్రోమోను తాజాగా విడుదల చేశారు. ఇందులో సీనియర్ హీరోయిన్ ప్రేమ, సంఘవి వంటి వారు గెస్టులుగా వచ్చారు. చాలా రోజుల తరువాత ఈటీవీలో యాంకర్ రవి కనిపించాడు. యాంకర్, హోస్ట్‌గా ఈటీవీ షోలకు రావడం మానేశాడు రవి. కానీ ఇప్పుడు ఇలా ఈ షోకు వచ్చేశాడు రవి. అయితే దీనిపై ఆది సెటైర్లు వేశాడు.

Hyper Aadi Satires on Anchor Ravi in Navaratri Dhamaka Promo

ఆది వేసే కౌంటర్లు ఎలా ఉంటాయో అందరికీ తెలిసిందే. రియాల్టీకి దగ్గరగా ఉంటాయన్న సంగతి తెలిసిందే.అసలింతకీ ఆది ఏమన్నాడో చూద్దాం. దసరా హైద్రాబాద్‌లో బాగుంటుందని అర్జున్, విజయవాడలో బాగుంటుందని సుహాసిని పోట్లాడుతుంటారు. ఏం జరిగిందని ఆది మధ్యలోకి దూరుతాడు. ఇంతలో యాంకర్ రవి వచ్చి.. అటు వెళ్లాలా? ఇటు వెళ్లాలా? అని ఆలోచిస్తున్నా అని అంటాడు. ఇది అర్థం తెలియకే.. అన్ని చానెళ్లు తిరిగేస్తున్నావ్ అంటూ గాలి తీసేస్తాడు ఆది. దీంతో యాంకర్ రవి నోరు మూసుకుంటాడు. అందరూ పగలబడి నవ్వేస్తుంటారు.

Follow Us

prabhas

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది