Kajal Aggarwal : కాజల్ అగర్వాల్ స‌న్నివేశాల‌ని ఆచార్య నుండి పూర్తిగా తొల‌గించేశారా..!

Kajal : కొరటాల శివ తెరకెక్కించిన తాజా చిత్రం ఆచార్య. మెగా స్టార్ చిరంజీవి నటించిన ఈ చిత్రంపై భారీ అంచనాలు ఉన్నాయి. ఏప్రిల్ 29న ఆచార్య గ్రాండ్ రిలీజ్ కి రెడీ అవుతోంది. దీనితో చిత్ర యూనిట్ ప్రచార కార్యక్రమాలు మొదలు పెట్టారు. శనివారం రోజు హైదరాబాద్ లోని యూసఫ్ గూడ పోలీస్ గ్రౌండ్స్ లో ప్రీ రిలీజ్ ఈవెంట్ ఘనంగా నిర్వహించారు. ఈ కార్యక్ర‌మంలో ఆస‌క్తిక‌ర విష‌యాలు తెలియ‌జేశారు. అయితే కాజ‌ల్ గురించి ఎవ‌రు ఒక్క‌మాట కూడా మాట్లాడ‌లేదు. అంతేకాదు ట్రైల‌ర్‌లోను కాజ‌ల్ సీన్స్ ఒక్క‌టి లేవు. దీంతో అంద‌రిలో అనేక అనుమానాలు మొద‌ల‌య్యాయి.

Advertisement

ఏం జ‌రిగిందంటూ ప్ర‌శ్న‌ల వ‌ర్షం కురిపించారు. ఈ క్ర‌మంలో ద‌ర్శ‌కుడు కొర‌టాల శివ స్పందించారు.కాజల్ లాంటి స్టార్ హీరోయిన్ ని ఆ పాత్రకు ఫిట్ చేయడం సరైనది కాదు అనిపించింది. కాబట్టి ఆమె ఈ చిత్రం నుంచి తప్పుకుంది. స్వయంగా మెగాస్టార్ చిరంజీవి గారే కాజల్ ని ఈ విషయంలో ఒప్పించారు. దీనితో కాజల్ ఎలాంటి అసంతృప్తి లేకుండా ఈ ప్రాజెక్ట్ నుంచి తప్పుకుంది అని కొరటాల అన్నారు. కాజల్ ఆచార్య చిత్రంలోని లాహే లాహే సాంగ్ లో కూడా కనిపించిన సంగతి తెలిసిందే. అలాగే ఆచార్య చిత్రంలో చిరంజీవి పాత్రకు హీరోయిన్ ఉండరు అని కూడా క్లారిటీ ఇచ్చారు. ఈ విషయంలో మెగా ఫ్యాన్స్ కి కొంత మేర నిరాశ తప్పదు.

Kajal Aggarwal out from acharya Movie
Kajal Aggarwal out from acharya Movie

Kajal Aggarwal : కాజ‌ల్ ఔట్..

సో చిరుకి ఏ చిత్రంలో రొమాన్స్ ఉండదు. కానీ యాక్షన్, డాన్సుల్లో మాత్రం చిరంజీవి ఫ్యాన్స్ కి ఫుల్ ట్రీట్ ఇవ్వబోతున్నారు.మెగాస్టార్ చిరంజీవి, మెగా పవర్ స్టార్ రామ్ చరణ్ కలిసి నటిస్తోన్న చిత్రం ‘ఆచార్య’. కొరటాల శివ దర్శకత్వంలో రూపొందుతోన్న ఈ మూవీని ఏప్రిల్ 29న ప్రపంచవ్యాప్తంగా థియేటర్లలో విడుదల చేయనున్నారు. కాగా, కాజ‌ల్ చందమామ సినిమాలో మెగా బ్రదర్ నాగబాబు కూతురిగా, మగధీరలో రామ్ చరణ్ హీరోయిన్ మిత్రవిందగా.. స‌ర్ధార్ గ‌బ్బ‌ర్ సింగ్‌లో ప‌వ‌న్ క‌థానాయిక‌గా, బ‌న్నీతో ఆర్య 2, ఇక ఖైదీ నెంబర్ 150తో రీ ఎంట్రీ ఇచ్చిన చిరుకు కాజల్ మంచి హిట్ ఇచ్చింది. దీంతో మెగా ఫ్యామిలీకి ఈ భామ లక్కీగా మారింది.

Advertisement