Meena : భర్త మరణం తర్వాత తొలిసారి సంతోషంగా కనిపించిన మీనా.. ఎందుకో తెలుసా?
Authored By Sam C
| The Telugu News | Updated on :
8 August 2022,
8:20 pm 
Meena : మీనా… ఈ పేరుకి ప్రత్యేక పరిచయాలు అక్కర్లేదు. ఒకప్పుడు స్టార్ హీరోయిన్గా ఓ వెలుగు వెలిగిన మీనా ఆ తర్వాత సపోర్టింగ్ క్యారెక్టర్స్కి పరిమితం అయింది. సన్ ఆఫ్ ఇండియా సినిమాలో చివరిసారిగా కనిపించింది నటి మీనా. అంతకుముందు బ్రోడాడీ సినిమాలో మలయాళ సూపర్స్టార్స్ మోహన్లాల్, పృథ్వీరాజ్ సుకుమార్లతో కలిసి స్ర్కీన్ షేర్ చేసుకుంది. ఇటీవల మీనా ఇంట్లో విషాదం చోటు చేసుకున్న విషయం తెలిసిందే. తీవ్ర అనారోగ్యంతో ఆమె భర్త విద్యాసాగర్ కన్నుమూశారు. దీంతో ఆమె బాగా కుంగిపోయింది. చాలారోజుల వరకు ఇంటికే పరిమితమైపోయింది. ఎస్వీ కృష్ణారెడ్డి దర్శకత్వంలో బిగ్బాస్ ఫేమ్ సొహైల్ హీరోగా నటిస్తోన్న ఆర్గానిక్ మామ.. హైబ్రిడ్ అల్లుడు సినిమాలో మీనా కీలక పాత్ర పోషిస్తుండగా, ఇటీవల ఆ సినిమా సెట్లో ప్రత్యక్షం అయింది.
Meena : ఫ్రెండ్షిప్ డే సెలబ్రేషన్స్..
మీనా తన భర్త మరణం తర్వాత చాలా దిగాలుగా ఉంది. . మీనాకి మనో ధైర్యాన్ని ఇచ్చారు. ఇప్పటికి కొందరు నటీనటులు మీనా నివాసానికి వెళుతూ ఆమెని పరామర్శిస్తున్నారు. మీనా కూడా ఇప్పుడిపుడే బాధని దిగమింగుతూ నార్మల్ లైఫ్ లోకి వస్తున్నారు. తాజాగా మీనా నివాసానికి అలనాటి హీరోయిన్లు రంభ, సంగీత, సంఘవి వెళ్లారు. మీనాని పరామర్శించారు. వారితో సంతోషంగా కలసి ఉన్న ఫొటోస్ ని మీనా షేర్ చేసింది. ఫ్రెండ్షిప్ డే సందర్భంగా వారందరు మీనా ఇంటికి వెళ్లినట్టు తెలుస్తుంది. ఈ ఫొటోలలో మీనా కూడా కాస్త సంతోషంగా ఉన్నట్లు కనిపించింది. అందరూ హ్యాపీ స్మైల్ తో ఫొటోలకి ఫోజులు ఇచ్చారు. రంభ, మీనా, సంఘవి, సంగీత అందరూ 90 దశకంలో హీరోయిన్లుగా రాణించిన వారే.
meena celebrates friendship day with her friends
మీనా సాగర్ దంపతులకు ఒక కుమార్తె నైనిక సంతానం. నైనిక.. దళపతి విజయ్ – Thalapthy Vijay తేరి చిత్రంలో చైల్డ్ ఆర్టిస్ట్ గా నటించింది. మీనా భర్త సాగర్ చాలా కాలంగా ఊపిరి తిత్తుల సమస్యలతో భాదపడుతున్నారు. మీనా ఇంట్లో పావురాలు ఉండడంతో వాటి నుంచి లంగ్స్ ఇన్ఫెక్షన్ ఇంకా ఎక్కువై ఆయన మరణించారని వదంతులు కూడా వినిపించాయి. అయితే ఆ రూమర్స్ ని మీనా కుటుంబ సభ్యులు ఖండించారు. ప్రస్తుతం సినిమాలలో చాలా బిజీగా ఉంటూ భర్త లేని విషయాన్ని కాస్త దిగమింగుకుంటుంది.
Also read
