Cinema Debut : నందమూరి హరికృష్ణ మనవడు, జానకిరామ్‌ కుమారుడు హీరోగా కొత్త సినిమా రెడీ అయింది. తారక రామారావు హీరోగా వై.వి.ఎస్‌.చౌదరి దర్శకత్వంలో కొత్త సినిమాను ఇప్పటికే ప్రకటించారు. ఇవాళ ఈ చిత్రం పూజా కార్యక్రమాలతో గ్రాండ్ లెవెల్లో ప్రారంభమైంది. ఈ వేడుకకు ముఖ్య అతిథులుగా భువనేశ్వరి, లోకేశ్వరి, పురందేశ్వరిలతో పాటు ఎన్టీఆర్‌ ఫ్యామిలీ సభ్యులు అటెండ్ అయ్యారు. ఈ మేరకు నారా భువనేశ్వరి క్లాప్‌ కొట్టి నటీనటులను అభినందించారు. కాగా ఈ చిత్రాన్ని ‘న్యూ టాలెంట్‌ రోర్స్‌’ పతాకంపై నిర్మిస్తున్నారు.

Cinema Debut : మ‌రో వార‌సుడు..

విఎస్ చౌదరి దర్శకత్వంలో నందమూరి తారక రామారావు హీరోగా తెలుగమ్మాయి వీణారావు హీరోయిన్ గా న్యూ ట్యాలెంట్ రోర్స్ బ్యానర్ పై కొత్త సినిమా ప్రకటించారు. ఈ సినిమా ఓపెనింగ్ హైదరాబాద్ లోని ఎన్టీఆర్ ఘాట్ వద్ద జరిగింది.నందమూరి తారకరామారావు సినిమా ప్రారంభానికి సీనియర్ ఎన్టీఆర్ కూతుళ్లు పురంధేశ్వరి, భువనేశ్వరి, లోకేశ్వరి, కొడుకులు మోహన కృష్ణ, రామకృష్ణ హాజరయ్యారు. అలాగే బాలకృష్ణ సతీమణి వసుంధర, ఎన్టీఆర్ ఫ్యామిలీ నుంచి మరికొందరు హాజరయ్యారు.

ఈ సినిమా ప్రారంభం సందర్భంగా హీరో, హీరోయిన్లపై చంద్రబాబు సతీమణి భువనేశ్వరి క్లాప్ కొట్టగా.. పురంధేశ్వరి, లోకేశ్వరి కెమెరా ఆన్ చేశారు.ఈ చిత్రం 1980ల నేపథ్యంలో సాగుతుందని దర్శకుడు వైవీఎస్ చౌదరి తెలిపారు. ఈ సినిమా తెలుగు భాష, సంస్కృతి, తెలుగు జాతి యొక్క గొప్పతనాన్ని ప్రతిబింబించేలా ఉంటుందని వైవీఎస్ చౌద‌రి స్పష్టం చేశారు.