Pawan Kalyan : బెంగళూరు నగరం అంటేనే ఐటీ హబ్‌తో పాటు అంతులేని ట్రాఫిక్ జామ్‌లకు కేరాఫ్ అడ్రస్‌గా మారిపోయింది. అర్ధరాత్రి సమయంలో కూడా కిలోమీటర్ల మేర వాహనాలు నిలిచిపోవడం ఇక్కడ సర్వసాధారణం. ముఖ్యంగా హైదరాబాద్, చెన్నై వంటి నగరాలకు వెళ్లే ప్రైవేట్ బస్సుల తాకిడి వల్ల రాత్రిపూట కూడా రహదారులు స్తంభించిపోతుంటాయి. ఈ ట్రాఫిక్ నరకం భరించలేక కొన్ని ఐటీ సంస్థలు తమ కార్యాలయాలను ఏకంగా నగర శివార్లకు మార్చుకున్న సందర్భాలు కూడా ఉన్నాయి. సామాన్యుడు గంటల తరబడి రోడ్లపైనే గడపాల్సి వస్తున్న ఈ దారుణ పరిస్థితులు బెంగళూరు ప్రగతికి శాపంగా మారుతున్నాయి.

Pawan Kalyan రాజకీయ నాయకుడు వస్తే రోడ్లు మూసివేయడం ఎంత వరకు కరెక్ట్ అంటూ నిలదీసిన హీరోయిన్

ఈ క్రమంలో ప్రముఖ నటి ప్రణీత సుభాష్ సోషల్ మీడియా వేదికగా వ్యక్తం చేసిన అసంతృప్తి ఇప్పుడు హాట్ టాపిక్ అయ్యింది. నగరంలోని కోరమంగళ వంటి అత్యంత రద్దీ ప్రాంతాల్లో వీఐపీల (రాజకీయ నాయకుల) రాకపోకల కోసం రోడ్లను మూసివేయడంపై ఆమె తీవ్రంగా స్పందించారు. కేవలం ఒక నాయకుడి కాన్వాయ్ కోసం వేలాది మంది సామాన్య వాహనదారులను నిలిపివేయడం ఏంటని ఆమె ప్రశ్నించారు. ఈ ‘వీఐపీ సంస్కృతి’ వల్ల ప్రజల్లో నిరాశ, ఫ్రస్ట్రేషన్ పెరుగుతోందని, సామాన్యుడి కష్టాలను పట్టించుకోని దేశం ఎప్పటికీ అభివృద్ధి చెందదని ఆమె సంచలన వ్యాఖ్యలు చేశారు.

Pawan Kalyan రాజకీయనేతల గురించే కాదు సామాన్య ప్రజల గురించి కూడా ఆలోచించాలి అంటూ పోలీసులను కడిగిపారేసిన బాపు బొమ్మ

ప్రణీత చేసిన ఈ పోస్ట్‌కు సోషల్ మీడియాలో నెటిజన్ల నుండి భారీ మద్దతు లభిస్తోంది. వీఐపీల భద్రత పేరుతో గంటల తరబడి ట్రాఫిక్‌ను ఆపేయడం వల్ల అంబులెన్సులు సైతం నిలిచిపోతున్నాయని, కార్యాలయాలకు వెళ్లేవారు ఇబ్బందులు పడుతున్నారని వాహనదారులు తమ ఆవేదనను పంచుకుంటున్నారు. రాజకీయ నాయకుల విలాసవంతమైన జీవితాలు, వారి ప్రోటోకాల్స్ దేశ ప్రగతికి ఆటంకమని, సామాన్యుడి సమయానికి విలువ ఇవ్వని వ్యవస్థలో మార్పు రావాలని ఈ చర్చ ఉద్ఘాటిస్తోంది. ప్రజాప్రతినిధులు ప్రజల కోసం ఉండాలి కానీ, ప్రజలే వారి కోసం బలికాకూడదనే అభిప్రాయం సర్వత్రా వ్యక్తమవుతోంది.