Pushpa 2 : పుష్ప‌2 వాయిదాతో నిర్మాత‌లు అంత వ‌డ్డీ క‌ట్టాల్సి వ‌చ్చిందా.. చిన్న‌పాటి సినిమా తీయోచ్చేమో..!

Pushpa 2 : ఐకాన్ స్టార్ అల్లు అర్జున్ ప్ర‌ధాన పాత్ర‌లో సుకుమార్ తెర‌కెక్కించిన క్రేజీ ప్రాజెక్ట్ పుష్ప‌. ఈ చిత్రం భారీ విజ‌యం సాధించ‌డంతో ఇప్పుడు పుష్ప‌2 చిత్రంపై అంచ‌నాలు భారీగా ఉన్నాయి. ఈ ఏడాది ఆగస్ట్ 15న ఈ చిత్రాన్ని గ్రాండ్‌గా రిలీజ్ చేస్తున్నట్లుగా మూవీ టీమ్ ఎప్పుడో ప్రకటించింది. కానీ చాలా వరకూ షూటింగ్ బ్యాలెన్స్ ఉండటం, అలానే పోస్ట్ ప్రొడక్షన్ పనులకి ఉన్న టైమ్ సరిపోదని మూవీ టీమ్ భావిస్తుందట. ఎంత గట్టిగా పని చేసినా రెండు నెలల్లో ఈ పనులన్నీ పూర్తి చేయడం దాదాపు అసాధ్యమే. దీంతో అనుకున్న ప్రకారం సినిమా విడుదల కావడం లేదంటూ అల్లు అర్జున్ సన్నిహితుడైన శరత్ చంద్ర నాయుడు చెప్పారు.

Pushpa 2 ఏంటి.. అంత వ‌డ్డీనా ?

మరో ప్రక్క పవన్ ఫ్యాన్స్ తో పుష్ప 2 కి ఓపెనింగ్స్ సమస్య వస్తుందని..వాళ్లు బాయికాట్ చేస్తారేమోన‌ని మూవీని వాయిదా వేసిన‌ట్టుగా తెలుస్తుంది. ఆగస్ట్ 15 తేదీకి రిలీజ్ అని ఎగ్రిమెంట్ చేసుకుని బిజినెస్ డీల్స్ భారీ రేట్లకు నిర్మాతలు క్లోజ్ చేసారు. ముఖ్యంగా నార్త్ నుంచి భారీ అడ్వాన్స్ లు వచ్చాయి. అయితే వాయిదా ప‌డ‌డంతో మొత్తం ఎగ్రిమెంట్స్ రివైజ్ చేయాల్సి ఉంటుంది. వడ్డీకు తెచ్చిన డబ్బుతో సినిమా తీసుకున్న డిస్ట్రిబ్యూటర్స్ గోలెత్తిపోతున్నారట. ఇప్పుడు ఆ వడ్డీ నష్టాన్ని నిర్మాతలే చెల్లించాల్సిన పరిస్దితి. దాంతో ఇప్పుడు అనుకున్న రేట్లకు తగ్గించి సినిమా ఇస్తున్నట్లు రీ ఎగ్రిమెంట్ చేసుకోవాలి. అలాగే ఆగస్ట్ 15 లాంగ్ వీకెండ్ అడ్వాంటేజ్ కూడా మిస్సవుతోంది. దాంతో తమకు కలక్షన్స్ దెబ్బ పడుతుందని అంటున్నారట.

Pushpa 2 : పుష్ప‌2 వాయిదాతో నిర్మాత‌లు అంత వ‌డ్డీ క‌ట్టాల్సి వ‌చ్చిందా.. చిన్న‌పాటి సినిమా తీయోచ్చేమో..!

సినిమా బ‌డ్జెట్ దాదాపు 900 కోట్ల రూపాయ‌లు దాటింద‌ని, ఇక ఆగ‌స్ట్ 15న మూవీ వాయిదా ప‌డ‌డంతో నిర్మాత‌లు 60 కోట్ల రూపాయ‌లు వ‌డ్డీ క‌ట్టుకోవ‌ల్సి వ‌చ్చింద‌ట‌. ఇది విన్న అభిమానులు వాటితో చిన్న సినిమానే తీయోచ్చుగా అని అంటున్నారు. ఇక డిసెంబ‌ర్ 6న విడుద‌ల చేయాల‌ని అనుకుంటున్న‌ట్టు తెలుస్తుండ‌గా, అది కూడా క‌ష్ట‌మే అనే టాక్ వినిపిస్తుంది. సుకుమార్, బ‌న్నీ మ‌ధ్య విభేదాలు త‌లెత్తాయ‌ని అనుకున్నంత‌గా ఔట్‌పుట్ రావ‌డం లేద‌నే టాక్ కూడా ఉంది. ఏదేమైన పుష్ప‌2ఈ సారి భారీ దెబ్బ కొట్టేలా ఉంది.