Rajendra Prasad : ప్రముఖ నటుడు రాజేంద్ర ప్రసాద్ Rajendra Prasad ఇటీవల జరిగిన రాబిన్ హుడ్ Robinhood సినిమా ప్రీ-రిలీజ్ ఈవెంట్‌లో ఆస్ట్రేలియా క్రికెటర్ డేవిడ్ వార్నర్ గురించి కొన్ని వివాదాస్పద వ్యాఖ్యలు చేశారు. ఈ వ్యాఖ్యలు సోషల్ మీడియాలో పెద్ద చర్చకు దారి తీసాయి. క్రికెట్ ప్రేమికులు, వార్నర్ అభిమానులు ఆయన వ్యాఖ్యలపై ఆగ్రహం వ్యక్తం చేశారు. దీనిపై స్పందించిన రాజేంద్ర ప్రసాద్ తన వ్యాఖ్యలు ఉద్దేశపూర్వకంగా చేసినవి కావని, కేవలం సరదాగా మాట్లాడానని వెల్లడించారు.

Rajendra Prasad  మెట్టుదిగిన రాజేంద్రప్రసాద్.. వివాదం ముగిసినట్లేనా..?

తన వ్యాఖ్యలు వార్నర్‌ను ఎలాంటి అసభ్యంగా లేదా అనవసరంగా బాధించేలా చేయలేదని స్పష్టం చేశారు. హీరో నితిన్, డేవిడ్ వార్నర్ ఇద్దరూ తనకు పిల్లలతో సమానమని, వార్నర్‌పై తనకు ఎలాంటి అపార్ధం లేదని తెలిపారు. తన మాటల వల్ల ఎవరికైనా బాధ కలిగితే అందుకు హృదయపూర్వకంగా క్షమాపణలు చెబుతున్నానని అన్నారు.

ఇకపై ఎవరినీ ఉద్దేశించి అలాంటి సరదా వ్యాఖ్యలు చేయకుండా జాగ్రత్తగా ఉంటానని రాజేంద్ర ప్రసాద్ హామీ ఇచ్చారు. ప్రతి ఒక్కరి మనోభావాలను గౌరవిస్తూ మాట్లాడడం అవసరమని ఆయన అభిప్రాయపడ్డారు. ఈ వివాదం తన వల్ల అనుకోకుండా జరిగిందని, తాను ఎవరినీ వ్యక్తిగతంగా విమర్శించే ఉద్దేశంతో మాట్లాడలేదని చెప్పారు. దీనితో ఈ అంశంపై రాజేంద్ర ప్రసాద్ వివరణ ఇచ్చినప్పటికీ, ఈ వ్యాఖ్యలు ఇంకా సోషల్ మీడియాలో చర్చనీయాంశంగానే మారాయి.

క్షమాపణలు చెప్పిన రాజేంద్ర ప్రసాద్

డేవిడ్ వార్నర్ పై కామెంట్స్ విషయంలో క్షమాపణలు చెప్పిన రాజేంద్ర ప్రసాద్

రాబిన్ హుడ్ సినిమా ప్రీ రిలీజ్ ఈవెంట్ లో వార్నర్ పై రాజేంద్రప్రసాద్ వివాదాస్పద వ్యాఖ్యలు

తాను ఉద్దేశపూర్వకంగా వార్నర్ ని అనలేదన్న రాజేంద్ర ప్రసాద్

హీరో నితిన్, డేవిడ్… pic.twitter.com/kC1LVDDBzz

— BIG TV Breaking News (@bigtvtelugu) March 25, 2025