RRR Movie : ఆర్ఆర్ఆర్ టిక్కెట్ ధ‌ర ఐదు వేల రూపాయలా.. షాక్ అవుతున్న సినీ అభిమానులు | The Telugu News | Breaking News Telugu | తెలుగు వార్త‌లు

RRR Movie : ఆర్ఆర్ఆర్ టిక్కెట్ ధ‌ర ఐదు వేల రూపాయలా.. షాక్ అవుతున్న సినీ అభిమానులు

 Authored By sandeep | The Telugu News | Updated on :20 March 2022,8:30 pm

RRR Movie: ప్ర‌పంచం మొత్తం ఆర్ఆర్ఆర్ సినిమా కోసం ఎంత ఆస‌క్తికరంగా ఎదురు చూస్తున్నారో ప్ర‌త్యేకంగా చెప్ప‌న‌క్క‌ర్లేదు. మార్చి 25న విడుద‌ల కానున్న ఈ సినిమా కోసం క‌ళ్ల‌ల్లో ఒత్తులు వేసుకొని మ‌రీ ఎదురు చూస్తున్నారు. దాదాపు 500 కోట్ల‌తో చిత్రం రూపొందిన‌ట్టు తెలుస్తుండ‌గా, భారీ లాభాలు రాబ‌ట్టేందుకు మేక‌ర్స్ వినూత్న ప్ర‌య‌త్నాలు చేస్తున్నారు. ఇప్ప‌టికే టిక్కెట్ రేట్ల‌ను పెంచుకునేలా తెలంగాణ ప్రభుత్వం జీవో జారీ చేసింది. ఈ చిత్రం విడుద‌లైన మూడు రోజులు(మార్చి25-మార్చి27) వ‌ర‌కు మ‌ల్టీప్లెక్స్‌ల‌లో రూ.100, త‌ర్వాత వారం రోజులు(మార్చి28-ఏప్రిల్3) రూ.50 పెంచుకోవ‌చ్చు.

సింగిల్ స్క్రీన్ థియేట‌ర్ల‌లో మొద‌టి మూడు రోజులు రూ.50, ఆ త‌ర్వాత వారం రోజుల పాటు రూ.30 పెంచుకునే అవ‌కాశం క‌ల్పించింది. ఆర్ఆర్ఆర్ చిత్రం విడుద‌లైన ప‌ది రోజుల వ‌ర‌కు రోజుకు 5 షోలు వేసుకునే వెస‌లుబాటును తెలంగాణ ప్ర‌భుత్వం కల్పించింది.మూడు రోజుల‌వ‌ర‌కు టిక్కెట్ల ధ‌ర‌ సింగిల్ స్క్రీన్ థియేట‌ర్ల‌లో రూ.233గా ఉండ‌గా.. మ‌ల్టీప్లెక్స్‌లో రూ.413 ఉండ‌నుంది. ఏపీ ప్ర‌భుత్వం ఈ చిత్రానికి రూ.75 పెంచుకోవ‌చ్చ‌ని తెలిపింది.కార్పోరేష‌న్‌లో సింగిల్ స్క్రీన్‌ల‌లో రూ.236, మ‌ల్టీప్లెక్స్‌ల‌లో రూ.265గా ఉండ‌గా,మున్సిపాలిటీలో అయితే ఈ చిత్రానికి సింగిల్ స్క్రీన్‌లో రూ.206, మ‌ల్టీప్లెక్స్‌ల‌లో రూ.236 గా ఉండ‌నుంది.

RRR Movie : బాబోయ్ అవేమి ధ‌ర‌లు..

RRR Movie ticket rates are high

RRR Movie ticket rates are high

సినీ స‌ర్కిల్స్‌లో వినిపిస్తోన్న వార్త‌ల మేర‌కు.. ఆర్ఆర్ఆర్ కోసం హైద‌రాబాద్‌లో దాదాపు ప‌దిహేను చోట్ల బెనిఫిట్ షో ప‌డుతుంది. ఉద‌యం నాలుగు గంట‌ల‌కు ఈ షో ఉంటుంద‌ని వార్త‌లు వినిపిస్తున్నాయి. ఈ బెనిఫిట్ షోల‌ను హార్డ్ కోర్‌ ఫ్యాన్స్‌ను దృష్టిలో పెట్టుకుని ప్ర‌ద‌ర్శిస్తున్నారు. ఈ షోస్ టికెట్స్‌ను సొంతం చేసుకోవ‌డానికి అభిమానులు పోటీ ప‌డుతున్నారు. బ‌య‌ట‌కు వ‌చ్చిన వార్త‌ల మేర‌కు ఒక్కో టికెట్ ధ‌ర మూడు నుంచి ఐదు వేలు ప‌లుకుతుంద‌ట‌. ఓ బెనిఫిట్ షోకు ఈ రేంజ్‌లో ధ‌ర‌ల‌ను పెట్టి టికెట్స్ అమ్మ‌డం వాటి కోసం ఫ్యాన్స్ పోటీలు ప‌డటం టాలీవుడ్‌లో ఇదే తొలిసారిగా అనుకోవాలంతే

Advertisement
WhatsApp Group Join Now

sandeep

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది