T20 World Cup 2026: కివీస్ కోట బద్దలు.. న్యూజిలాండ్పై సౌతాఫ్రికా ఘన విజయం!
T20 World Cup 2026: ఐసీసీ టీ20 ప్రపంచకప్ 2026 ICC T20 World Cup 2026లో సౌతాఫ్రికా తన జైత్రయాత్రను కొనసాగిస్తోంది. అహ్మదాబాద్లోని నరేంద్ర మోదీ స్టేడియం వేదికగా శనివారం జరిగిన గ్రూప్-D మ్యాచ్లో న్యూజిలాండ్పై 7 వికెట్ల తేడాతో ప్రొటీస్ జట్టు ఘన విజయం సాధించింది. కెప్టెన్ ఎయిడెన్ మార్క్రమ్ Aiden Markram)విధ్వంసకర ఇన్నింగ్స్, మార్కో జాన్సన్ Marco Jansen అద్భుత బౌలింగ్తో సౌతాఫ్రికా మరో విజయాన్ని తన ఖాతాలో వేసుకుంది.
T20 World Cup 2026: కివీస్ కోట బద్దలు.. న్యూజిలాండ్పై సౌతాఫ్రికా ఘన విజయం!
T20 World Cup 2026 : న్యూజిలాండ్ పోరాటం – 175/7
టాస్ ఓడి మొదట బ్యాటింగ్ చేసిన న్యూజిలాండ్ నిర్ణీత 20 ఓవర్లలో 7 వికెట్ల నష్టానికి 175 పరుగులు చేసింది. ఆరంభంలోనే టిమ్ సీఫెర్ట్, రచిన్ రవీంద్ర వికెట్లు కోల్పోయి కివీస్ కష్టాల్లో పడింది. అయితే, మార్క్ చాప్మన్ (48 పరుగులు, 26 బంతుల్లో) డారిల్ మిచెల్ (32) ఇన్నింగ్స్ను చక్కదిద్దారు. చివర్లో ఫిన్ అలెన్ (31), జిమ్మీ నీషమ్ (23*) మెరుపులు మెరిపించడంతో న్యూజిలాండ్ మంచి స్కోరు సాధించగలిగింది. సౌతాఫ్రికా బౌలర్లలో మార్కో జాన్సన్ 4 వికెట్లు పడగొట్టి కివీస్ నడ్డి విరిచాడు.
T20 World Cup 2026 : సౌతాఫ్రికా ఏకపక్ష విజయం – 178/3
176 పరుగుల లక్ష్యంతో బరిలోకి దిగిన సౌతాఫ్రికాకు క్వింటన్ డికాక్ (20), రయాన్ రికెల్టన్ (21) శుభారంభం అందించారు. ఆ తర్వాత కెప్టెన్ ఎయిడెన్ మార్క్రమ్ ఆకాశమే హద్దుగా చెలరేగిపోయాడు. మార్క్రమ్ కేవలం 44 బంతుల్లోనే 86 పరుగులు (నాటౌట్) చేసి జట్టును విజయతీరాలకు చేర్చాడు. ఇందులో 8 ఫోర్లు, 4 భారీ సిక్సర్లు ఉన్నాయి. డేవిడ్ మిల్లర్ (24*) చివర్లో మెరుపులు మెరిపించి 17.1 ఓవర్లలోనే మ్యాచ్ను ముగించాడు.
మలుపు తిప్పిన అంశాలు Match Turning Points
మార్కో జాన్సన్ స్పెల్: పవర్ ప్లేలో, డెత్ ఓవర్లలో జాన్సన్ వికెట్లు తీసి న్యూజిలాండ్ భారీ స్కోరు చేయకుండా అడ్డుకున్నాడు. ఇందుకే అతనికి ‘ప్లేయర్ ఆఫ్ ది మ్యాచ్’ అవార్డు లభించింది.
మార్క్రమ్ కెప్టెన్సీ ఇన్నింగ్స్: ఒత్తిడి లేకుండా ఆడుతూ, కివీస్ బౌలర్లను సమర్థవంతంగా ఎదుర్కొని మార్క్రమ్ ఒంటిచేత్తో మ్యాచ్ను గెలిపించాడు.
ఈ విజయంతో గ్రూప్-Dలో సౌతాఫ్రికా తన స్థానాన్ని మరింత పదిలం చేసుకుని, సూపర్-8 Super 8 దిశగా బలమైన అడుగు వేసింది. మరోవైపు, న్యూజిలాండ్ తన తర్వాతి మ్యాచ్లలో కచ్చితంగా గెలవాల్సిన పరిస్థితిలో పడింది.
Also read
