Samantha : ఐకాన్ స్టార్ అల్లు అర్జున్ నటించిన పాన్ ఇండియా మూవీ ‘పుష్ప’ శుక్రవారం విడుదలై దూసుకుపోతోంది. పాజిటివ్ టాక్ సొంతం చేసుకున్న ఈ సినిమా బ్లాక్ బాస్టర్ దిశగా వెళ్తోంది. థియేటర్స్‌లో ఈ చిత్రం సక్సెస్ ఫుల్‌గా రన్ అవుతోంది. ఇక ఈ పిక్చర్‌లో బ్యూటిఫుల్ హీరోయిన్ సమంత చేసిన స్పెషల్ సాంగ్ హైలైట్ అని చెప్పొచ్చు. ‘ఊ అంటావా మావా’ అంటూ సాంగే పాటకు సమంత ఎక్సలెంట్ స్టెప్స్ వేసి బన్నీ డ్యాన్సింగ్ స్టైల్‌ను మ్యాచ్ చేసింది.సుకుమార్ – దేవి శ్రీ ప్రసాద్ కాంబినేషన్‌లో వచ్చిన సినిమాల్లో స్పెషల్ సాంగ్స్‌కు ఫుల్ క్రేజ్ ఉంటుంది.

ఈ క్రమంలోనే ఈ సినిమాలో ఈ ఐటెం సాంగ్ ప్లాన్ చేయగా, ఇందులో సమంత ఐటెం గర్ల్‌గా సాంగ్‌లో కనబడింది. డ్యాన్స్ మూమెంట్స్‌లో అల్లు అర్జున్‌ను మ్యాచ్ చేయడానికిగాను సమంత చాలా కష్టపడినట్లు సాంగ్ చూస్తుంటే అర్థమవుతోంది. ఇకపోతే ఈ సినిమాలో స్పెషల్ సాంగ్ చేయడానికిగాను సమంత రూ.1.5 కోట్లు రెమ్యునరేషన్ తీసుకుందని ఫిల్మ్ నగర్ సర్కిల్స్ టాక్. ఈ విషయం తెలుసుకుని సినీ అభిమానులు ఆశ్చర్యం వ్యక్తం చేస్తున్నారు. ఒకే ఒక సాంగ్ కోసం అన్ని కోట్ల రూపాయలు తీసుకుందా అని ముక్కున వేలేసుకుంటున్నారు. కాగా, సమంత రేంజ్ అదే మరి అని ఇంకొందరు కామెంట్స్ చేస్తున్నారు.

Samantha : సాంగ్ షూట్ కోసం అంత ఖర్చా.. వామ్మో…

ఇక ఈ ‘ఊ అంటావా మావా’ సాంగ్ కోసం మేకర్స్ స్పెషల్ సెట్ డిజైన్ చేసి వేయించారు. ఇందులో వేసే సెట్స్‌కు గాను రూ. 5 కోట్లు ఖర్చు చేశారని తెలుస్తోంది. మైత్రీ మూవీ మేకర్స్ ప్రొడ్యూసర్స్ సాంగ్‌ మేకింగ్‌లో అస్సలు వెనుకడుగు వేయొద్దు అని అనుకున్నారట. అలా ఈ సాంగ్ కోసం మేకర్స్ చాలానే ఖర్చు పెట్టేశారు. ఈ సినిమాలో బన్నీకి జోడీగా క్యూట్ అండ్ బ్యూటిఫుల్ భామ రష్మిక మందన నటించింది. కీలక పాత్రల్లో సునీల్, అనసూయ భరద్వాజ్, ఫాహద్ ఫాజిల్ కనిపించారు.