Cucumbers : చేదు లేని కీర దోసకాయలను ఎలా గుర్తించాలి? నిపుణులు చెప్పిన సూపర్ టిప్స్ ఇవే
ప్రధానాంశాలు:
Cucumbers : చేదు లేని కీర దోసకాయలను ఎలా గుర్తించాలి? నిపుణులు చెప్పిన సూపర్ టిప్స్ ఇవే
Cucumbers : వేసవి కాలం వచ్చిందంటే చాలామంది ఆహారంలో తప్పనిసరిగా చోటు దక్కించుకునే కూరగాయల్లో కీర దోసకాయ ఒకటి. మధ్యాహ్న భోజనంలో సలాడ్ రూపంలో, రాత్రి భోజనంతో పాటు లేదా స్నాక్గా మరమరాలతో కలిపి తినేందుకు కీర దోసకాయలను ఎక్కువగా ఉపయోగిస్తారు. శరీరాన్ని చల్లగా ఉంచడం, నీటి లోపాన్ని నివారించడం, జీర్ణక్రియను మెరుగుపరచడం వంటి అనేక ఆరోగ్య ప్రయోజనాలు కీర దోసకాయలో ఉన్నాయి. అయితే, మార్కెట్లో కొనుగోలు చేసిన కీర దోసకాయను ఇంటికి తీసుకొచ్చి కోసిన తర్వాత అది చేదుగా ఉంటే చాలా మంది నిరాశ చెందుతారు. అప్పుడు దానిని పూర్తిగా పారేయడం తప్ప మరో మార్గం ఉండదు. మరి కీర దోసకాయను కోయకుండానే అది చేదుగా ఉందో లేదో ఎలా తెలుసుకోవాలి? నిపుణులు సూచించిన కొన్ని సులభమైన చిట్కాలను పాటిస్తే మంచి, తాజా కీర దోసకాయలను సులభంగా ఎంపిక చేసుకోవచ్చు.
Cucumbers : చేదు లేని కీర దోసకాయలను ఎలా గుర్తించాలి? నిపుణులు చెప్పిన సూపర్ టిప్స్ ఇవే
Cucumbers తొక్క రంగును జాగ్రత్తగా పరిశీలించండి
నాణ్యమైన, తాజా కీర దోసకాయలు సాధారణంగా ముదురు ఆకుపచ్చ రంగులో ఉంటాయి. వాటి తొక్క సున్నితంగా, పలుచగా ఉంటుంది. ఒకవేళ దోసకాయపై పసుపు రంగు మచ్చలు కనిపిస్తే లేదా పూర్తిగా పసుపు రంగులోకి మారి ఉంటే, అది ఎక్కువగా పండిపోయినట్లు అర్థం. అలాంటి దోసకాయలు చేదుగా ఉండే అవకాశాలు అధికంగా ఉంటాయి.
Cucumbers పరిమాణం కూడా కీలకం
చాలా పెద్దగా, లావుగా ఉన్న కీర దోసకాయలు లేదా చాలా చిన్న పరిమాణంలో ఉన్న దోసకాయలను ఎంచుకోవడం మంచిది కాదు. మధ్యస్థ పరిమాణంలో, నిటారుగా, సమాన ఆకారంలో ఉన్న కీర దోసకాయలను ఎంపిక చేసుకోవడం ఉత్తమం. ఇవి సాధారణంగా రుచికరంగా ఉండటంతో పాటు చేదు తక్కువగా ఉంటుంది.
Cucumbers కాడ భాగాన్ని పరిశీలించండి
కీర దోసకాయ కాడ దగ్గర భాగం ఎక్కువగా చేదుగా ఉండే అవకాశం ఉంటుంది. కాడ భాగం ఎండిపోయినట్లు, పసుపు రంగులో లేదా పాలిపోయినట్లు కనిపిస్తే ఆ దోసకాయను కొనకపోవడమే మంచిది. తాజా దోసకాయల్లో కాడ భాగం ఆకుపచ్చగా, తాజాగా కనిపిస్తుంది.
బరువు ద్వారా ఫ్రెష్నెస్ను గుర్తించండి
ఒక మంచి కీర దోసకాయ దాని పరిమాణానికి తగినంత బరువుగా ఉంటుంది. చేతిలోకి తీసుకున్నప్పుడు చాలా తేలికగా అనిపిస్తే, అది లోపల ఖాళీగా ఉండే అవకాశం ఉంది. అలాంటి దోసకాయలు పాడైపోయి ఉండొచ్చు లేదా చేదుగా ఉండే అవకాశమూ ఉంటుంది.
పైభాగం గట్టిగా ఉందో లేదో చూడండి
కీర దోసకాయను స్వల్పంగా నొక్కి చూడండి. అది గట్టిగా ఉంటే తాజాగా ఉన్నట్లు భావించవచ్చు. ఒకవేళ చాలా మెత్తగా లేదా ముడతలు పడినట్లు కనిపిస్తే ఆ దోసకాయ పాతదై ఉండే అవకాశం ఉంది.
దోసకాయ చేదుగా ఉంటే ఏమి చేయాలి? ఈ సింపుల్ టిప్స్ ట్రై చేయండి
కొన్నిసార్లు అన్ని జాగ్రత్తలు తీసుకున్నా కూడా కీర దోసకాయ చేదుగా ఉండవచ్చు. అలాంటి సందర్భాల్లో కొన్ని చిట్కాలను పాటిస్తే చేదును కొంతవరకు తగ్గించుకోవచ్చు.
చివరలను కత్తిరించి రుద్దండి
ముందుగా దోసకాయ రెండు చివరలను కత్తిరించాలి. అనంతరం కత్తిరించిన చివరను దోసకాయ మిగతా భాగంపై గుండ్రంగా రుద్దాలి. అలా చేయడం వల్ల తెల్లటి నురగలాంటి పదార్థం బయటకు వస్తుంది. ఇది చేదుకు కారణమయ్యే కొన్ని పదార్థాలను తగ్గించడంలో సహాయపడుతుంది. తర్వాత దోసకాయను శుభ్రంగా కడిగి ఉపయోగించాలి.
ఇతర పదార్థాలతో కలిపి తినండి
చేదుగా ఉన్న కీర దోసకాయను పూర్తిగా పారేయకుండా పెరుగు, ఉల్లిపాయ, టమాటా, క్యారెట్ వంటి ఇతర పదార్థాలతో కలిపి సలాడ్గా తయారు చేసుకోవచ్చు. దీంతో చేదు రుచి కొంతవరకు తగ్గుతుంది.
ఉప్పు కలిపి కొద్దిసేపు ఉంచండి
కీర దోసకాయ ముక్కలపై కొద్దిగా ఉప్పు చల్లి 10 నుంచి 15 నిమిషాల పాటు ఉంచితే చేదు కొంత తగ్గే అవకాశం ఉంటుంది. ఆరోగ్యానికి ఎంతో మేలు చేసే కీర దోసకాయలను కొనుగోలు చేసే ముందు ఈ సులభమైన చిట్కాలను పాటిస్తే చేదు సమస్యను దాదాపుగా నివారించవచ్చు. తద్వారా ప్రతి సారి తాజా, రుచికరమైన కీర దోసకాయలను ఆస్వాదించవచ్చు.
Also read
