Cockroach Milk : బొద్దింక పాలలో ఇన్ని ప్రయోజనాలా… శాస్త్రవేత్తలు ఏం చెబుతున్నారంటే…!

Cockroach Milk : ప్రతి ఒక్కరికి ఆవుపాలు గేద పాలు బర్రె పాలు గొర్రె పాలు గురించి తెలుసు. కానీ బొద్దింక పాల గురించి ఎప్పుడైనా విన్నారా…మరో విచిత్రం ఏంటంటే ఆవు గేద పాలకంటే కూడా బొద్దింక పాలలోనే మూడు రెట్లు ఎక్కువ పోషకాలు లభిస్తాయట. పాలలాగా కనిపించే ఈ స్పటికంలో ప్రోటీన్ తో పాటు ముఖ్యమైన ఆమ్లాలు ఉంటాయట. అంతేకాక దీనిలో ఆరోగ్యానికి మంచి చేసే కొవ్వులు మరియు చక్కెరలు లభిస్తాయని నిపుణులు చెబుతున్నారు. ఈ నేపథ్యంలోనే 100 గ్రాముల బొద్దింకపాలు తీసుకున్నట్లయితే దాంట్లో దాదాపు 232 క్యాలరీల శక్తి లభిస్తుందట. అయితే ఇక్కడ 100 గ్రాముల ఆవుపాలలో కేవలం 66 కేలరీల శక్తి మాత్రమే లభిస్తుంది.

Cockroach Milk : బొద్దింక పాలలో ఇన్ని ప్రయోజనాలా… శాస్త్రవేత్తలు ఏం చెబుతున్నారంటే…!

అంటే బొద్దింక పాలలో దాదాపు 40 శాతం ప్రోటీన్, 25 శాతం కార్బోహైడ్రేట్లు , 22 శాతం కొవ్వు మరియు 5 శాతం ఆమ్లాలు ఉన్నాయని పరిశోధకులు చెబుతున్నారు. అయితే ఈ విషయాలన్నింటినీ కూడా ప్రీ ప్రెస్ జర్నల్ నివేదించడం జరిగింది. అంతేకాక బొద్దింక పాలలో ,ఒలేయిక్ ఆమ్లం, లినోలెయిక్ ఆమ్లం, ఒమేగా 3 కొవ్వు ఆమ్లాలు, విటమిన్లు, ఖనిజాలు, షార్ట్-చైన్, మీడియం-చైన్ కొవ్వు ఆమ్లాలు ఈ విధంగా మొత్తం 9కి పైన ఆమ్లాలు ఉంటాయి. దీని కారణంగా ఆవు పాలకంటే బర్రె పాలకంటే కూడా బొద్దింక పాలు మంచి ఎంపికని నిపుణులు చెబుతున్నారు. అంతేకాక ఆవు పాలలో లాక్టోస్ ఉండడం వలన కొందరిలో అది జీర్ణం కాదు. కానీ బొద్దింక పాలలో లాక్టోస్ ఉండదు. దీని కారణంగా ఈ పాలు తాగిన వారికి అజీర్ణం ఉబ్బరం, వికారం, విరోచనాలు వంటి సమస్యలు రావట.

అంతేకాక బొద్దింక పాలలో అధిక క్యాలరీలు ఉండడం వలన బరువు పెరగాలి అనుకునే వారికి ఇది మంచి ఎంపిక. అయితే ఇప్పటివరకు అంతా బాగానే ఉన్నప్పటికీ బొద్దింక నుండి పాలు తీయడం అనేది సులువైన పని కాదు. ఇది చాలా సంక్లిష్టమైన ప్రక్రియని శాస్త్రవేత్తలు సైతం చెబుతున్నారు.బొద్దింక ప్రేగులో పాల ఉత్పత్తి అనేది జరుగుతుంది. దీనికోసం కచ్చితంగా బొద్దింకలను చంపాల్సి ఉంటుంది. అంటే 100 గ్రాముల బొద్దింక పాలు తీయాలంటే దాదాపు 1000 బొద్దింకలను చంపాలి అన్నమాట.