Watermelon : పుచ్చకాయ తినేటప్పుడు ఈ తప్పు చేస్తున్నారా ?.. అయితే మీ జీర్ణవ్యవస్థ ఖతమే.. !
Authored By Sudheer Ramanujam
| The Telugu News | Updated on :
22 April 2026,
8:00 am 
Watermelon : పుచ్చకాయ తినేటప్పుడు ఈ తప్పు చేస్తున్నారా ?.. అయితే మీ జీర్ణవ్యవస్థ ఖతమే.. !
Watermelon : వేసవి ఎండలు రోజురోజుకూ తీవ్రరూపం దాలుస్తుండగా ప్రజలు చల్లదనం కోసం పలు మార్గాలను ఆశ్రయిస్తున్నారు. భానుడి భగభగలతో ఉక్కిరిబిక్కిరి అవుతున్న జనం దాహాన్ని తీర్చుకోవడానికి కూల్డ్రింక్స్, పండ్లవైపు ఎక్కువగా మొగ్గు చూపుతున్నారు. ముఖ్యంగా పుచ్చకాయకు వేసవిలో విపరీతమైన ఆదరణ ఉంటుంది. శరీరానికి అవసరమైన నీటి శాతం అందించడంలో ఇది కీలక పాత్ర పోషిస్తుంది. అయితే పుచ్చకాయను సరైన విధంగా తీసుకోకపోతే ఆరోగ్యానికి మేలు కాకుండా ఇబ్బందులు కలిగించే ప్రమాదం ఉందని వైద్యులు హెచ్చరిస్తున్నారు.
Dangers of eating watermelon stored in the fridge
Watermelon : ఫ్రిజ్లో పెట్టిన పుచ్చకాయ వల్ల ప్రమాదం
చాలామంది పుచ్చకాయను కొనుగోలు చేసిన వెంటనే ముక్కలు కోసి ఫ్రిజ్లో ఉంచడం అలవాటు చేసుకుంటారు. చల్లగా తింటే రుచిగా ఉంటుందని భావిస్తారు. కానీ ఇది ఆరోగ్యపరంగా సరైన పద్ధతి కాదని నిపుణులు చెబుతున్నారు. కోసిన పుచ్చకాయను ఫ్రిజ్లో ఉంచడం వల్ల దాని సహజ గుణాలు తగ్గిపోవడమే కాకుండా పోషక విలువలు కూడా దెబ్బతింటాయి. అంతేకాదు కోసిన పండుపై త్వరగా బ్యాక్టీరియా పెరిగే అవకాశం ఉంటుంది. దీని వల్ల కడుపునొప్పి, ఇన్ఫెక్షన్లు వంటి సమస్యలు తలెత్తవచ్చు. కాబట్టి పుచ్చకాయను గది ఉష్ణోగ్రతలోనే ఉంచి తినడం మంచిది. ఒకవేళ మిగిలితే గాలి చొరబడకుండా మూతపెట్టి త్వరగా వినియోగించాలి.
Watermelon : తిన్న వెంటనే నీళ్లు తాగితే ఇబ్బందులు
పుచ్చకాయలో ఇప్పటికే అధికంగా నీరు ఉండటం తెలిసిందే. దాదాపు 90 శాతం కంటే ఎక్కువ భాగం నీటితోనే ఉంటుంది. అలాంటి పండును తిన్న వెంటనే నీళ్లు తాగడం వల్ల జీర్ణక్రియ దెబ్బతింటుంది. కడుపులోని జీర్ణరసాలు పలచబడటం వల్ల ఆహారం సరిగా అరగదు. దీనివల్ల అజీర్ణం, వాంతులు, విరేచనాలు, కడుపు ఉబ్బరం వంటి సమస్యలు రావచ్చు. ముఖ్యంగా చిన్నపిల్లల్లో ఈ ప్రభావం ఎక్కువగా ఉంటుంది. కాబట్టి పుచ్చకాయ తిన్న తర్వాత కనీసం 30 నుంచి 45 నిమిషాల వరకు నీళ్లు తాగకుండా ఉండటం మంచిది.
Watermelon : మితిమీరిన వినియోగం, ఎంపికలో జాగ్రత్తలు
పుచ్చకాయ ఆరోగ్యానికి మంచిదని ఎక్కువగా తినడం సరైంది కాదు. అవసరానికి మించి తీసుకుంటే రక్తంలో చక్కెర స్థాయిలు పెరగడం, జీర్ణ సమస్యలు రావడం వంటి సమస్యలు ఎదురవుతాయి. సాధారణంగా రోజుకు 2–3 ముక్కలు లేదా చిన్న గిన్నె పరిమాణంలో తీసుకోవడం సరిపోతుంది. అలాగే కొందరికి పుచ్చకాయ తిన్న తర్వాత కడుపు భారంగా అనిపించవచ్చు. అలాంటి సందర్భాల్లో ముక్కలపై కొద్దిగా నల్ల ఉప్పు చల్లి తింటే జీర్ణక్రియ మెరుగుపడుతుంది. ఇంకా బయట ఇప్పటికే కోసి పెట్టిన పుచ్చకాయ ముక్కలను కొనడం మంచిది కాదు. కొన్నిసార్లు పండును ఆకర్షణీయంగా కనిపించేందుకు రసాయనాలు లేదా రంగు ఇంజెక్షన్లు ఉపయోగించే ప్రమాదం ఉంటుంది. కాబట్టి నమ్మకమైన చోట నుంచే కొనాలి. పండు కోసిన తర్వాత నీరు కారడం లేదా వాసన రావడం గమనిస్తే దానిని తీసుకోకూడదు. వేసవిలో పుచ్చకాయ శరీరానికి చల్లదనం, తేమను అందించే ఉత్తమ పండు. అయితే సరైన జాగ్రత్తలు పాటిస్తేనే దాని పూర్తి ప్రయోజనాలు పొందగలుగుతాం.
Also read
