Itchy Eyes : మీ కళ్ళు దురద మరియు ఎరుపుగా మారినప్పుడు, చికాకు నుండి ఉపశమనం పొందడానికి మీరు ఏదైనా చేస్తారు. కానీ మీ కళ్ళు దురదకు కారణాన్ని తెలుసుకోవడం వలన మీరు సరైన చికిత్సను కనుగొని కొంత ఉపశమనం పొందవచ్చు. ఉదాహరణకు అలెర్జీ, ఇన్ఫెక్షన్ లక్షణాల మధ్య తేడాలను అర్థం చేసుకోవడం ముఖ్యం. తద్వారా మీరు మీ పరిస్థితిని మరింత దిగజార్చుకోరు. ఇటీవలి కాలంలో కళ్ల దురద సాధారణ సమస్యగా మారింది. వేసవి, శీతాకాలంలో పొడి గాలితో పాటు దైనందిన జీవనశైలి అలవాట్లు కంటి అసౌకర్యానికి కారణమ‌ని చెప్పవచ్చు. కానీ ఇది కేవలం అలెర్జీల వల్ల మాత్రమే అనుకుంటే పొర‌పాటే, అనేక రకాల ఆరోగ్య సమస్యలకు సంకేతం కూడా. కారణమేమిటో అర్థం చేసుకుని, సరైన చికిత్స తీసుకోవ‌డం వల్ల కండ్ల ఆరోగ్యాన్ని కాపాడుకోవచ్చు.

Itchy Eyes : పొడి కండ్లు

కండ్లు తగినంత నీటిని ఉత్పత్తి చేయనప్పుడు లేదా కన్నీళ్లు చాలా త్వరగా పొడి బారినప్పుడు దురదగా మారుతాయి. స్క్రీన్‌ల ముందు ఎక్కువ సమయం గడపడం, ఏసీ ఉపయోగించడం లేదా తక్కువ తేమ ఉన్న వాతావరణంలో ఎక్కువ సమయం గడపడం వల్ల కూడా ఇది సంభవించవచ్చు.

Itchy Eyes : కంటి ఇన్ఫెక్షన్

కండ్లకలక వంటి బాక్టీరియల్ లేదా వైరల్ ఇన్ఫెక్షన్లు దురద, కళ్ళు ఎర్రబడటానికి కారణమవుతాయి.

కాంటాక్ట్ లెన్సులు : కాంటాక్ట్ లెన్స్‌లను సరిగ్గా శుభ్రం చేయకపోవడం, ఎక్కువసేపు వాటిని ధరించడం వల్ల కండ్లు దురద లేదా అసౌకర్యంగా ఉంటాయి.

పర్యావరణ కారకం : కాలుష్యం, పొగ లేదా ఇతర రసాయనాలు కండ్ల‌కు చికాకు కలిగిస్తాయి. వేసవి ఎండ వేడి లేదా శీతాకాలపు చల్లని గాలి కండ్ల చికాకు, దురదకు కారణమవుతాయి.

మందుల దుష్ప్రభావాలు : కొన్ని మందులు కండ్లు ఎండిపోయి దురదకు కారణమవుతాయి. బ్లెఫారిటిస్ (కనురెప్పల వాపు), తామర లేదా థైరాయిడ్ సంబంధిత సమస్యలు కూడా కండ్ల దురదకు కారణమవుతాయి. కొన్ని సందర్భాల్లో డయాబెటిస్ లేదా ఆటో ఇమ్యూన్ వ్యాధులు కూడా కండ్ల‌ను ప్రభావితం చేస్తాయి. కొన్నిసార్లు వేడి వస్తువులను తిన్న తర్వాత కూడా దురద, కండ్లు ఎర్రబడటం వంటి లక్షణాలు కనిపిస్తాయి. ఈ సందర్భంలో పుష్కలంగా నీరు తాగడం, టీ- కాఫీ వంటి పానీయాలు తీసుకోకపోవడం మంచిది. సమస్య తీవ్రమైతే వైద్యుడిని సంప్ర‌దించాలి.