Crime News : వ్యక్తిపై దాడి చేసి చేయి నరికారు.. దాన్ని తీసుకొని ఏం చేశారో తెలిస్తే దారుణం అంటారు

Crime News : పోలీసులు ఎంత కఠినంగా ఉన్నా.. క్రైమ్ పై కన్నేసినా.. నేరాలు మాత్రం ఆగడం లేదు. రకరకాలుగా నేరాలు పెరుగుతున్నాయి. దేశంలో ఎక్కడ చూసినా క్రైమ్ రేట్ మాత్రం విపరీతంగా పెరుగుతోంది. తాజాగా ఓ వ్యక్తి చేయినే నరికేశారు దుండగులు. అసలు.. అతడిపై ఎందుకు దాడి చేశారో.. ఎందుకు చేయి నరికారో.. అనేది ఎవ్వరికీ అంతుపట్టడం లేదు. ఈ ఘటన హర్యానాలోని కురుక్షేత్రలో చోటు చేసుకుంది.

జుగ్న అనే వ్యక్తిది కురుక్షేత్ర. ఇటీవల కురుక్షేత్రలో ఉన్న హవేలిలో కూర్చొన్నాడు జుగ్ను. ఇంతలో అక్కడికి ఓ 10 మంది వచ్చారు. ముసుగులు వేసుకున్నారు. ఉన్నపళంగా జుగ్నుపై దాడి చేయడం మొదలు పెట్టారు. కత్తితో దాడి చేసి అతడి చేయిని నరికేశారు. ఆ తర్వాత ఆ చేయిని తమతో పాటే తీసుకెళ్లారు. ఒక్క క్షణంలో అక్కడి పరిస్థితి మొత్తం మారిపోయింది. అతడి చేయిని తీసుకొని అక్కడి నుంచి పరారయ్యారు దుండగులు.

Crime News : బాధితుడి చేయిని ఎందుకు తీసుకెళ్లారు అనేది అంతుచిక్కడం లేదు

అయితే.. ఒక వ్యక్తిపై దాడి చేసి ఎందుకు అతడి చేయిని నరికి.. తీసుకెళ్లారు అనేది అంతుచిక్కడం లేదు. అయితే.. ఆ బాధితుడికి తీవ్ర రక్త స్రావం కావడంతో వెంటనే స్థానికులు ఆసుపత్రికి తరలించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. బాధితుడి చేయిని ఎందుకు నరికి తీసుకెళ్లారు అనేదానిపై పోలీసులు విచారిస్తున్నారు.