PM Modi : వాళ్లకి ఊహించని లెవెల్ లో సపోర్ట్ ఇస్తున్న నరేంద్ర మోడీ
Authored By Ramu Tandu Ramalingaiah
| The Telugu News | Updated on :
9 August 2026,
5:30 pm 
PM Modi ఎన్డీయే ఎంపీల అల్పాహార సమావేశంలో రెబల్ ఎంపీలకు ప్రధాని మోదీ కీలక భరోసా ఇచ్చినట్లు సమాచారం. ‘‘ఆందోళన చెందొద్దు.. నేను అండగా ఉంటా’’ అంటూ మద్దతు ప్రకటించినట్లు తెలుస్తోంది.
PM Modi : ‘‘నేను ఉన్నాను.. మీకు అండగా ఉంటాను’’ — బీజేపీ అగ్రనేత, ప్రధానమంత్రి నరేంద్ర మోదీ తరచూ తన పార్టీ నేతలు, ఎన్డీయే మిత్రపక్షాలకు ఇచ్చే భరోసా ఇది. తాజాగా మరోసారి ఆయన ఇదే తరహా హామీ ఇచ్చారు. అయితే ఈసారి మోదీ వ్యాఖ్యలు ప్రత్యేకంగా చర్చనీయాంశంగా మారాయి. కారణం.. ఆయన నేరుగా రెబల్ ఎంపీలకు అండగా ఉంటానంటూ భరోసా ఇవ్వడం. ప్రస్తుతం ప్రధాని చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. అసలు మోదీ ఎక్కడ, ఎప్పుడు ఈ వ్యాఖ్యలు చేశారు? ఏ సందర్భంలో రెబల్ ఎంపీలకు ఆయన ఇంత బలమైన మద్దతు ప్రకటించారు? అనే విషయాలపై రాజకీయ వర్గాల్లో ఆసక్తికరమైన చర్చ జరుగుతోంది. వర్షాకాల పార్లమెంట్ సమావేశాల సందర్భంగా ప్రధాని నరేంద్ర మోదీ ఎన్డీయే ఎంపీలతో ప్రత్యేకంగా అల్పాహార సమావేశాన్ని ఏర్పాటు చేశారు. ఈ సమావేశానికి ఎన్డీయేకు చెందిన 192 మంది ఎంపీలు హాజరయ్యారు. అయితే ఈసారి సమావేశంలో అందరి దృష్టినీ ఆకర్షించిన విషయం మరొకటి ఉంది. తొలిసారిగా కొంతమంది రెబల్ ఎంపీలు కూడా మోదీతో కలిసి అల్పాహార సమావేశంలో పాల్గొన్నారు. వారిలో తృణమూల్ కాంగ్రెస్కు చెందిన 20 మంది రెబల్ ఎంపీలు, శివసేన యూబీటీకి చెందిన ఆరుగురు ఎంపీలు ఉన్నారు. వీరు తొలిసారి మోదీతో కలిసి అల్పాహార విందులో పాల్గొనడం రాజకీయంగా ప్రాధాన్యం సంతరించుకుంది.
PM Modi : వాళ్లకి ఊహించని లెవెల్ లో సపోర్ట్ ఇస్తున్న నరేంద్ర మోడీ
PM Modi ఎన్డీయే ఎంపీలతో మోదీ అల్పాహార సమావేశం.. తొలిసారి రెబల్ ఎంపీలు
గత పార్లమెంట్ సెషన్ వరకు ఇండియా కూటమిలో భాగంగా తృణమూల్ కాంగ్రెస్ ఎంపీలుగా ఉన్న ఈ సభ్యులు ఇప్పుడు అధికార శిబిరం వైపు రావడం చర్చకు దారితీసింది. అంతేకాకుండా పార్లమెంట్లో వీరిని ప్రత్యేక వర్గంగా గుర్తించినట్లు కథనంలో పేర్కొంటున్నారు. దీంతో ఈ రెబల్ ఎంపీలు ప్రతిపక్షాల నుంచే కాకుండా సొంత పార్టీ వర్గాల నుంచి కూడా విమర్శలు ఎదుర్కొంటున్నారని ప్రచారం జరుగుతోంది. ఈ నేపథ్యంలోనే వారి ఆందోళనను దృష్టిలో పెట్టుకుని ప్రధాని మోదీ కీలక హామీ ఇచ్చినట్లు చెబుతున్నారు.
PM Modi ‘‘ఎవరి గురించి ఆందోళన చెందొద్దు.. నేను అండగా ఉంటా’’: మోదీ
ఎన్డీయే అల్పాహార సమావేశంలో తృణమూల్ కాంగ్రెస్ రెబల్ ఎంపీలు, శివసేన యూబీటీకి చెందిన రెబల్ ఎంపీలతో ప్రధాని మోదీ మాట్లాడినట్లు సమాచారం. ఈ సందర్భంగా ఎవరిని చూసి ఆందోళన చెందాల్సిన అవసరం లేదని, తాను వారికి అండగా ఉంటానని భరోసా ఇచ్చినట్లు తెలుస్తోంది. తమపై వస్తున్న విమర్శలను పట్టించుకోవద్దని కూడా మోదీ వారికి సూచించినట్లు చెబుతున్నారు. అంతేకాదు, ఎన్డీయేలోని ప్రతి ఎంపీకి తాను అండగా ఉంటానని ప్రధాని స్పష్టం చేసినట్లు సమాచారం. ఇదే సమయంలో ఎంపీలకు మోదీ కీలక దిశానిర్దేశం చేశారు. తమ తమ నియోజకవర్గాల్లో ప్రజలతో నిరంతరం మమేకం కావాలని సూచించారు. ప్రజలకు అందుబాటులో ఉంటూ వారి సమస్యలను తెలుసుకోవాలని, నియోజకవర్గాల అభివృద్ధిపై ప్రత్యేక దృష్టి పెట్టాలని చెప్పారు. ప్రధాని మోదీ ఇచ్చిన ఈ భరోసా నేపథ్యంలో రెబల్ ఎంపీల వ్యవహారం మరోసారి రాజకీయ చర్చకు కేంద్రంగా మారింది. ముఖ్యంగా ప్రతిపక్షాల విమర్శలు ఎదుర్కొంటున్న సమయంలో మోదీ స్వయంగా వారికి అండగా ఉంటానని చెప్పడం ప్రాధాన్యం సంతరించుకుంది. దీంతో ఈ ఎంపీల రాజకీయ భవిష్యత్తుపై కూడా ఆసక్తి పెరుగుతోంది.
Also read
