పెళ్లి పెద్దగా మారి.. ప్రేమించిన వ్యక్తితో భార్యకు పెళ్లి చేసిన భర్త..!!

ప్రపంచంలోనే భారతీయ సాంప్రదాయంలో వివాహ వ్యవస్థ చాలా బలమైంది. మనదేశంలో ఉన్న కుటుంబ వ్యవస్థ ప్రపంచంలో ఎక్కడా కూడా ఉండదు. అందువల్లే ఇతర దేశాలకు చెందిన వాళ్ళు చాలామంది భారతీయ కుటుంబ వ్యవస్థ ఎంతో గౌరవమిస్తారు. అటువంటి సాంప్రదాయబద్ధమైన మనదేశంలో ప్రస్తుతం పెళ్లి అనే వ్యవస్థ చాలా ఇబ్బందికర పరిస్థితిలోకి వెళ్లిపోయింది. పెళ్లి చేసుకుంటున్న చాలా జంటలు… కలసి జీవించలేక విడిపోతున్న కేసులు ఎక్కువైపోతున్నాయి. ప్రేమించి పెళ్లి చేసుకున్న లేదా పెద్దలు చేసిన వివాహమైనా…

జీవితాంతం కలిసి బతకాల్సిన జంటలు.. చిన్నచిన్న గొడవలకు విడిపోతున్నారు. ఇదిలా ఉంటే తాజాగా ఉత్తర ప్రదేశ్ లో ఓ వింత సంఘటన వెలుగులోకి వచ్చింది. పెళ్లి చేసుకున్న భార్య వేరొక అబ్బాయితో ప్రేమలో ఉందని తెలుసుకున్న భర్త… ఆమెకు తానే పెళ్లి పెద్దగా మారి… ప్రేమించిన ప్రియుడుతో గుడిలో సాంప్రదాయ బద్ధంగా వివాహం జరిపించాడు. ఉత్తర ప్రదేశ్ మీర్జాపూర్ లో ఈ ఘటన చోటు చేసుకుంది. పూర్తి వివరాల్లోకి వెళితే రెండు రోజుల క్రితం వారి పక్కింటి వ్యక్తితో భార్య సెల్ ఫోన్ లో మాట్లాడటం చూశాడు భర్త దినేష్.

దీంతో ఆమె బాధను పూర్తిగా అర్థం చేసుకొని పెళ్లి పెద్దగా మారి వారిద్దరికీ పెళ్లి జరిపించాడు. దినేష్… గులాబీ అనే యువతీతో వివాహం జరిగింది. ఇది పెద్దలు కుదిరిచిన వివాహం. అయితే దినేష్ తో పెళ్లి కాకముందే గులాబీకి తన పక్కింటి అబ్బాయి తో ఎప్పటినుంచో ప్రేమలో ఉంది. విషయం పెళ్లి తర్వాత తెలుసుకున్న దినేష్ ఇరువురి కుటుంబ సభ్యులను పిలిపించి ఆ తర్వాత గ్రామంలో పంచాయతీ పెట్టించి పెళ్లికొప్పించాడు. అంతేకాదు స్థానికంగా దేవాలయంలో వారిద్దరి పెళ్లి జరిగేలా తానే పెద్దగా మారి.. కట్టుకున్న భార్యకి విడుదల కలిగేలా చేశాడు. దీంతో దినేష్ చేసిన పనిని చాలామంది పెద్దలు మరియు గ్రామస్తులు అభినందించారు.