Vastu Tips | వాస్తు ప్రకారం ఇంట్లో మారేడు మొక్క నాటితే వచ్చే శుభఫలాలు ఏంటి.. ఎక్కడ నాటాలి?
Authored By Sam C
| The Telugu News | Updated on :
15 October 2025,
6:00 am 
Vastu Tips | ఇంటి నిర్మాణంలోనే కాదు, ఇంటి ఆవరణలో పెంచుకునే మొక్కల విషయంలో కూడా వాస్తు నియమాలు ఎంతో ప్రాముఖ్యత సంతరించుకున్నాయి. ఏ మొక్కను ఏ దిశలో నాటాలి, ఎప్పుడు నాటాలి అనే విషయాలు వాస్తు ప్రకారం నిర్ణయించాలి. ఇప్పుడు కార్తీక మాసం రానుండటంతో, భగవంతుడైన శివుడికి ప్రీతికరమైన బిల్వ (మారేడు) మొక్క గురించి ఆసక్తి పెరిగింది. ఈ మొక్కను ఇంట్లో నాటితే కలిగే లాభాలు, ఏ దిశలో పెంచుకోవాలో తెలుసుకుందాం.
#image_title
మారేడు మొక్క ప్రాధాన్యత
వాస్తు శాస్త్రం, జ్యోతిష్య శాస్త్రం రెండింటి ప్రకారం కూడా మారేడు మొక్కను ఇంటి ఆవరణలో నాటడం అత్యంత శుభప్రదం. శివుడికి ఇష్టమైన ఈ మొక్క ఇంట్లో ఉండటం వల్ల ఆనందం, శ్రేయస్సు, లక్ష్మీ కటాక్షం, ఐశ్వర్యం లభిస్తాయని నమ్మకం ఉంది.
ఏ దిశలో నాటాలి?
వాస్తు ప్రకారం తూర్పు, ఉత్తర లేదా ఈశాన్య దిశల్లో మారేడు మొక్కను నాటడం ఉత్తమం.
తూర్పు దిక్కు: సర్వ సౌఖ్యాలు కలుగుతాయి
ఉత్తర దిక్కు: అఖండ ధనలాభం
ఈశాన్యం: లక్ష్మీ అనుగ్రహంతో అష్టైశ్వర్యాలు లభిస్తాయి
అయితే మొక్కకు సరైన సూర్యరశ్మి, గాలి ప్రసరణ ఉండేలా చూడటం చాలా ముఖ్యం.
ఎప్పుడు నాటాలి?
మారేడు మొక్కను నాటడానికి అత్యంత శుభదినాలు సోమవారం, ప్రదోష వ్రతం, మహా శివరాత్రి వంటి శివునికి సంబంధించిన పవిత్ర దినాలు. ఈ రోజుల్లో మొక్కను నాటితే పేదరికం తొలగి, కుటుంబంలో సంపద, సంతోషం చేకూరుతుందని వాస్తు నిపుణులు చెబుతున్నారు.
Also read
