Gold Merchants : బంగారం షాపులో మనం ఎలా మోసపోతామంటే..?

Gold Merchants : జనరల్ గా అందరికీ బంగారం అంటే చాలా ఇష్టముంటుంది. ఈ నేపథ్యంలోనే బంగారం కొనుగోలు చేస్తుంటారు. అయితే, ఈ బంగారం కొనుగోలు సందర్భంగా బంగారం షాపు వారు మోసం చేస్తుంటారని అందరూ అనుకుంటారు. కాగా., వారి చేతిలో ఎలా మోసపోతామనేది అందరికీ తెలిసి ఉండకపోవచ్చు. వారి చేతిలో బంగారం కొనే సమయంలో మనం ఎలా నష్టపోతున్నామనే సంగతి తెలుసుకుందాం.బంగారం కొనే సమయంలో మనం ఎలా నష్టపోతున్నామంటే.. ఉదాహరణకు ఈ రోజు మనం పది గ్రాముల 24 క్యారెట్ బంగారం ధర రూ.49,425లకు కొన్నాం అని అనుకుందాం. అయితే, వాస్తవంగా ఈ నగలు చేయడానికి 24 క్యారట్ల బంగారం వస్తువు తయారీకి పనికి రాదు.

22 క్యారట్ల బంగారాన్ని మాత్రమే వస్తువుల తయారీకి వాడతారు. ఇకపోతే పది గ్రాముల బంగారం కొంటే అందులో 1 గ్రాము రాగి ప్లస్ 9 గ్రాముల బంగారం ఉంటుందనే సంగతి అందరికి విదితమే కదా. అలా మనం రూ.5,300 వరకు ఎక్కువ పెట్టాల్సి వస్తుంటుంది.22 కారట్ 10 గ్రాముల బంగారు ధర రూ.44, 120 మాత్రమే. కానీ, మనం రూ.49,425లు పెట్టి బంగారం కొనుగోలు చేస్తుంటాం. ఇకపోతే మనం ఒకవేళ పది గ్రాముల బంగారు నగ కొన్నట్లయితే తరుగు కింద పది నుంచి 15 శాతం వరకు కట్ చేస్తారు. ఆంటిక్ నగలకైతే 22–24 శాతం వరకు కటింగ్స్ ఉంటాయి. ఈ సొమ్ము మొత్తం మన జేబులో నుంచే పోతుంటుంది.

Gold Merchants : ఈ వివరాలు మీకు తెలిసి ఉండకపోవచ్చు..

అయితే, నిజానికి ఎంత మంచి బంగారు నగ అయినా ఐదు శాతానికి మించి పోయే అవకాశం ఉండదు. కానీ, వాళ్లు శాతం పెంచుకుటూ పోయి మన జేబులో నుంచి డబ్బు తీసేసుకుంటుంటారు. ఇకపోతే మనం కొనుగోలు చేసే పది గ్రాముల నగలో మనకు వచ్చే బంగారం కేవలం 8.8 గ్రాములు మాత్రమే. ఈ విషయం చాలా మందికి తెలీదు. ఆ లెక్కన ఉదాహరణకు మనం రూ.49,414 పెట్టి నగ కొనుగోలు చేస్తే దానికి దాదాపుగా రూ.5 వేలు ఎక్కువ ధరకు బంగారం షాపు వాళ్లు అమ్ముకుంటున్నారన్న మాట. అలా వారికి రూ.5 వేల నుంచి 6 వేల మధ్యలో లాభం ఉంటుంది. కాబట్టి వినియోగదారులు అప్రమత్తం కావాలి.