Weather Update | దసరా పండుగ సమయంలో తెలుగు రాష్ట్రాలపై వరుణుడు అలుపెరగని వర్షాలతో దాడి చేస్తున్నాడు. బంగాళాఖాతంలో ఏర్పడిన శక్తిమంతమైన అల్పపీడనంతో ఆంధ్రప్రదేశ్, తెలంగాణ రాష్ట్రాల్లో విస్తారంగా భారీ వర్షాలు కురుస్తున్నాయి. భారత వాతావరణ శాఖ (IMD) ఇప్పటికే తీవ్రమైన వర్షసూచనలతో సహా రెడ్, ఆరెంజ్, ఎల్లో అలర్ట్‌లను జారీ చేసింది.

ఆంధ్రప్రదేశ్‌లో అలర్ట్‌లు జారీ చేసిన జిల్లాలు

రెడ్ అలర్ట్ (భారీ వర్షాలు, పిడుగుల హెచ్చరిక):

శ్రీకాకుళం

విజయనగరం

మన్యం అల్లూరి

విశాఖపట్నం

ఈ జిల్లాల్లో పిడుగులతో కూడిన తీవ్రమైన వర్షాలు కురిసే అవకాశం ఉన్నందున, ప్రజలు అత్యవసరమైతే తప్ప బయటకు రాకూడదు అని రాష్ట్ర విపత్తు నిర్వహణ సంస్థ హెచ్చరిస్తోంది.

ఆరెంజ్ అలర్ట్ (మోస్తరు వర్షాలు, పిడుగులు):

అనకాపల్లి

కాకినాడ

ఎల్లో అలర్ట్ (తేలికపాటి వర్షాలు, పిడుగుల అవకాశం):

ఎన్టీఆర్

ఏలూరు

తిరుపతి

నెల్లూరు

నంద్యాల

తెలంగాణలో వర్షాల తీవ్రత

తెలంగాణలో వచ్చే రెండు నుంచి మూడు రోజులు భారీ నుంచి అతి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. ముఖ్యంగా ఉత్తర తెలంగాణ జిల్లాల్లో ఉరుములు, మెరుపులతో కూడిన వర్షాలు వర్షాలు కురుస్తాయని హెచ్చరికలు జారీ అయ్యాయి.