Konaseema District : కోనసీమ జిల్లాలో ‘చిచ్చ’ రేపిన అంబేద్కర్ పేరు వెనుక.!

Authored By Prahbas Gilakathula | The Telugu News | Published on: May 25, 2022, 8:20 am

Konaseema District : దేశంలో చాలా జిల్లాలున్నాయ్. మరి, ఆంధ్రప్రదేశ్ రాష్ట్రంలోని కోనసీమ జిల్లాకే ఎందుకు రాజ్యాంగ రూపకర్త డాక్టర్ బీఆర్ అంబేద్కర్ పేరు పెట్టాలి.? అంటే, అక్కడ అంబేద్కర్‌ని అభిమానించేవారి సంఖ్య ఎక్కువగా వుంటుంది గనుక.. అని మాత్రమే చెబితే సబబుగా వుండదు. దేశంలో అన్ని రాష్ట్రాల్లోనూ అంబేద్కర్‌ని అభిమానించేవారున్నారు. కులమతాలకతీతంగా అంబేద్కర్ భావజాలాన్ని ఇష్టపడేవారు అన్ని చోట్లా వుంటారు. కానీ, ఎప్పటినుంచో కోనసీమ ప్రాంతంలో ‘బీఆర్ అంబేద్కర్ జిల్లా’ అనే డిమాండ్ వుంది. అది మరీ, కోనసీమ జిల్లా అనేంతటి స్థాయి డిమాండ్ అయితే కాదు. బాలయోగి జిల్లా, అంబేద్కర్ జిల్లా.. అలాగే కోనసీమ జిల్లా అనే పేర్లతో డిమాండ్లు చాలాకాలంగా వున్నాయి.

ఈ క్రమంలోనే వివాదాలకు తావు లేకుండా కోనసీమ జిల్లా అనే పేరు పెట్టింది వైఎస్ జగన్ సర్కారు. అయితే, కొత్తగా ఏర్పాటు చేసిన జిల్లాల్లో ఎన్టీయార్, సత్యసాయి, అన్నమయ్య, వైఎస్సార్, అల్లూరి పేర్లుపెట్టినప్పుడు, అంబేద్కర్ పేరు ఎందుకు పెట్టరు.? అన్న ప్రశ్న దళిత సంఘాల నాయకుల నుంచీ, వివిధ రాజకీయ పార్టీల నుంచీ ప్రభుత్వంపైకి దూసుకొచ్చింది. దాంతో, ప్రభుత్వంలో సమాలోచనలు జరిగి, కోనసీమ ప్రాంతంలో ఎప్పటినుంచో అంబేద్కర్ జిల్లా అనే డిమాండ్ వుంది గనుక, ఆ జిల్లాకి అంబేద్కర్ పేరుని జోడించింది వైఎస్ జగన్ ప్రభుత్వం. ఇదీ అసలు నేపథ్యం. అయితే, ఇక్కడే రాజకీయం వికటాట్టహాసం చేసింది.

Konaseema District Burning Politics Who Is Behind It

Konaseema District Burning Politics Who Is Behind It

ఏ రాజకీయ శక్తి కోనసీమ మీద కుట్ర పన్నిందోగానీ, పచ్చని కోనసీమలో కాక రేగింది. అధికార పార్టీకి చెందిన మంత్రి ఇల్లు, అధికార పార్టీకే చెందిన ఓ ఎమ్మెల్యే ఇంటిని ఆందోళనకారులు తగలబెట్టారు. అచ్చం గతంలో తూర్పుగోదావరి జిల్లా తుని వద్ద రత్నాచల్ ఎక్స్‌ప్రెస్ తగలబడినప్పుడు చోటు చేసుకున్న పరిణామాలే ఇక్కడా రిపీట్ అయ్యాయి. అధికార, విపక్షాల మధ్య ‘ఈ పాపం నీది.. అంటే కాదు, నీది..’ అనే రచ్చ మొదలైంది. ప్రభుత్వాన్ని అస్థిరపరిచే కుట్ర విపక్షాలు చేస్తున్నాయనీ, అందులో భాగంగానే ఈ ఘటన జరిగిందన్నది ప్రధానమైన ఆరోపణ. దీన్ని విపక్షాలు ఖండిస్తున్నాయి. ఈ నేపథ్యంలో పోలీసు వ్యవస్థ ఈ ఘటనను అత్యంత ప్రతిష్టాత్మకంగా తీసుకుని, కుట్రదారులకు తగిన శాస్తి చెయ్యాలి.

Also read

Prahbas Gilakathula

Prabhas Gilakathula Content Writer experiened in Digital media field. Iam worked in various Telugu media for about 5 years. Worked in Namasthe Telangana, Telugu Rajyam , as a telugu content writer. I wrote various Latest Breaking News , politics, interesting stories, Andhr Pradesh & Telangana local news, health, technology, entertainment , Devotional, etc. He is also Social Media Expert, Technical Expert . He is present content writer of thetelugunews.com website. Contact details: Prabhas29nov@gmail.com

  1. "Gunde Ninda Gudi Gantalu Today Episode : సుమతి, అరుణ్ పెళ్లి కోసం మీనా సంచలన నిర్ణయం.. బాలు మాటలతో కన్నీళ్లు!"

  2. "Gold Rate Today : 21 నవంబర్ 2026 బంగారం కొనాలనుకునేవారికి బంపర్ ఛాన్స్.. వెండి ధర కూడా భారీగా తగ్గింది.!"

  3. "Nara Lokesh CM : ఏపీ రాజకీయాల్లో బిగ్ ట్విస్ట్?.. సీఎంగా లోకేష్.. చంద్రబాబు పాత్ర ఏంటనే చర్చ!"

  4. "Bigg Boss 10 Telugu : ఇదెక్కడి ట్విస్ట్ రా బాబూ.. త్రిగుణ్‌కు షాకిచ్చిన ముకేష్.. ఓటింగ్‌లో కొత్త లెక్కలు !"

  5. "Today Horoscope : 21 నవంబర్ 2026 శ‌నివారం ఈ రోజు మీ రాశి ఫలాలు..ఆ 4 రాశులకు ధనలాభం.. ఊహించని సర్‌ప్రైజ్!"

  6. "China USA Gold : అమెరికాకు చెక్ పెట్టేలా చైనా మాస్టర్ ప్లాన్.. భారీగా బంగారం కొనుగోళ్లు.. అసలు ప్లాన్ ఏంటి..?"

  7. "Rashmika Mandanna : రష్మిక కొత్త లుక్ అదుర్స్.. ‘ఒసేయ్ రాములమ్మ’ పాట లాంచ్‌లో నేషనల్ క్రష్ సందడి!"

Google The Telugu News మీకు నచ్చిన సైటుగా ఎంచుకోండి
WhatsApp