Navaratri 2025 | ఈ సారి నవరాత్రి ఎప్పుడు.. క‌ల‌శ స్థాపన‌కి స‌రైన స‌మ‌యం ఎప్పుడు?
Authored By Sam C
| The Telugu News |
Published on: September 16, 2025, 6:00 am
Navaratri 2025 | ఆశ్వయుజ మాసం సనాతన ధర్మంలో ప్రత్యేక స్థానాన్ని కలిగి ఉంటుంది. ఈ మాసం దుర్గాదేవికి అంకితం చేయబడింది. ఈ కాలంలో జరగే శారదీయ నవరాత్రులు భక్తి, ఆరాధనలకు ముఖ్యమైనవిగా భావించబడతాయి. ఆశ్వయుజ మాస శుక్ల పక్షంలో ప్రతిపాద తిథి నుంచి నవమి వరకు తొమ్మిది రోజులపాటు నవరాత్రులు జరుపుకుంటారు. ఈ రోజుల్లో జగజ్జననీ దుర్గాదేవిని, ఆమె తొమ్మిది రూపాలను భక్తితో పూజిస్తారు.
#image_title
2025 శారదీయ నవరాత్రి తేదీలు
అమ్మవారిని పూజిస్తే అదృష్టం కలుగుతుందని, ఇంటిలో సిరి సంపదలు నిలుస్తాయని మత విశ్వాసం ఉంది. అలాగే జీవితంలో ఎదురయ్యే కష్టాలు తొలగి, శుభఫలితాలు కలుగుతాయని నమ్మకం. భక్తులు ఈ తొమ్మిది రోజులు ఉపవాసం పాటిస్తూ అమ్మవారిని ప్రార్థిస్తారు. ఇది కోరికలు నెరవేరడానికి దోహదం చేస్తుందని చెబుతారు.
వేద క్యాలెండర్ ప్రకారం, 2025లో ఆశ్వయుజ మాస శుక్ల పక్ష ప్రతిపాద తిథి సెప్టెంబర్ 22, సోమవారం ప్రారంభమై, సెప్టెంబర్ 23 తెల్లవారుజామున 02:55 గంటలకు ముగుస్తుంది. క‌నుక ఈసారి శారదీయ నవరాత్రి ఉత్సవాలు సెప్టెంబర్ 22న ప్రారంభం అవుతాయి . సనాతన ధర్మంలో ఉదయ తిథి పవిత్రంగా పరిగణించబడుతుంది. అందువల్ల సెప్టెంబర్ 22న ఘటస్థాపన చేయడం శుభప్రదం. ఈ రోజే దుర్గాదేవి మొదటి రూపమైన శైలపుత్రి దేవిని పూజిస్తారు. ఘటస్థాపన శుభ ముహూర్తాలు – సెప్టెంబర్ 22, 202 న ఉదయం 06:09 గంటల నుంచి 08:06 గంటల వరకు
* అభిజిత్ ముహూర్తంలో 11:49 నుంచి 12:38 గంటల వరకు.
Also read
