Surya Grahan | ఈ ఏడాది చివరిదైన ఖగోళ దృశ్యం – పాక్షిక సూర్యగ్రహణం సెప్టెంబర్ 21, 2025 (ఆదివారం) రాత్రి ఏర్పడనుంది. ఇది సాధారణ గ్రహణంలా కాకుండా, కొన్ని విశేష కారణాల వల్ల అత్యంత అరుదైన సూర్యగ్రహణంగా పరిగణించబడుతోంది.

గ్రహణం ఎప్పటి నుంచి ఎప్పటివరకు?

భారత ప్రామాణిక సమయం ప్రకారం, సెప్టెంబర్ 21 రాత్రి 10:59 గంటలకు సూర్యగ్రహణం ప్రారంభమవుతుంది. ఇది సెప్టెంబర్ 22 తెల్లవారుజామున 3:23 గంటల వరకు కొనసాగనుంది. అంటే ఈ దృశ్యం అర్థరాత్రి నుంచి సూర్యోదయం వరకూ ఉంటుంది.

గ్రహణం ఎక్కడ కనిపిస్తుంది?

ఈ పాక్షిక సూర్యగ్రహణం దక్షిణ అర్ధగోళంలో మాత్రమే కనిపించనుంది. ముఖ్యంగా:

న్యూజిలాండ్ (సౌత్ ఐలాండ్), డునెడిన్, క్రైస్ట్‌చర్చ్, స్టీవర్ట్ ద్వీపం

అంటార్కిటికా (రాస్ సీ కోస్ట్, యంగ్ ఐలాండ్)

ఈ ప్రాంతాల్లో సూర్యుని 86 శాతం వరకు చంద్రుడు కప్పడం వల్ల గ్రహణం మరింత స్పష్టంగా కనిపిస్తుంది.డునెడిన్‌లో ఉదయం 6:27 గంటలకు సూర్యుడు పాక్షికంగా కప్పబడి ఉదయిస్తాడు – ఇది ఒక అద్భుతమైన దృశ్యం కానుంది.

భారతదేశం & ఇతర దేశాల్లో పరిస్థితి?

ఈ సూర్యగ్రహణం భారతదేశంలో ప్రత్యక్షంగా కనిపించదు. అలాగే యూరప్, ఉత్తర అమెరికా వాసులు కూడా ఈ దృశ్యాన్ని ప్రత్యక్షంగా చూడలేరు. అయితే ఖగోళంలో ఆసక్తి ఉన్నవారు ఆన్‌లైన్ ప్రత్యక్ష ప్రసారం ద్వారా ఈ అరుదైన గ్రహణాన్ని వీక్షించవచ్చు.